【親子玩樂】沙田 | 科學園Meraviglia Bar E Ristorante意式餐廳
✏️詳文分享：http://bit.ly/2MK2anV
其實去呢間餐廳之前，都有上網睇過下佢啲評價！講真，呢間餐廳喺openrice 嘅評價真係非常參差，所以我都唔敢抱咁大期望！我地去到果日係下午茶時段去，又無幾耐食飽lunch，所以就叫咗啲小食去湊夠佢地嘅最低min charge就算！好老實講，果日叫嘅嘢食，同我無期望嘅情況一樣，真心一般！但我都公平啲講，我地只係叫咗個青口同個薯條啫，又無叫曬佢餐廳嘅食物，同埋口味嘅嘢又真係好見仁見智嘅！不過如果您問我，當日以食物質素嚟計，個人真心覺得性價比唔高，如果您為食而去，個人覺得可以有更好嘅選擇！但如您為小朋友去玩方面同論環境方面，個人又覺得可以拉返唔小分嘅。雖然佢啲玩樂設施唔算好新，不過玩嘅嘢都算多，我個仔又玩得好開心，唔捨得走喎！如果個仔開心，我地又唔會計較太多嘅！所以大家去唔去食，自行決定啦！
**********************************
Meraviglia Bar e Ristorante
地址 : 沙田白石角香港科學園第二期科技大道西10號浚湖樓地下S041號舖
電話: 2210 7168
網址：https://www.meraviglia.hk/
註：如選擇自駕的話，建議泊 P2停車場會比較方便。
#唔係合作文 #食咗我4舊多 #邊有咁多合作文喎 #消費唔算平但都free返兩個鐘停車場 #個仔開心乜都值 #其實味道係好個人嘅 #同您揀老公老婆一樣道理 #不過我果日叫嘅嘢食真心唔太巧食 #自行決定去定唔去啦 #報告完畢 #Alfred成長日記
