【區間測速就是警總復辟、交通戒嚴！】#228北宜區間乖寶寶
我對宜蘭來，我是守護宜蘭好山好水行動聯盟召集人孫博萮，咱這馬所在 ê 北宜公路，自以早是宜蘭、台北之間上重要 ê 交通道路，算是宜蘭頭；咱嘛知影，連接花蓮 ê 蘇花改，嘛有設置區間測速，咱宜蘭等於自宜蘭頭到宜蘭尾，攏受著政府無差別 ê 監控。
這个系統若是閣共「雲龍系統」對接，就會當辨識車牌、畫出每一台車移動 ê軌跡，甚至連結駕駛個人資料，親像這馬 ê 中國政府，用「天眼」、「天網」系統，全面性監控中國、香港 ê 人民。
今仔日是228，228對咱台灣人來講，是一个非常沈重、悲痛 ê 歷史。
74冬前，台灣人民為著反抗不公不義 ê 中國政府，自 1945 年占領台灣以來，對台灣人民各種無合理 ê 壓迫、無正當 ê 統治，造成台灣民間普遍 ê 怨歎，最後，才因為查緝私菸 ê 時，刣死無辜 ê 過路人，才造成大規模 ê 抗爭。
結果，代管政府毋但毋是自我檢討、道歉、解決問題，竟然是對中國派軍隊佇台灣四界鎮壓、屠殺，造成無數台灣菁英失蹤、死亡。
紲落來，政府閣宣布戒嚴，38 冬 ê 時間，台灣人民生活佇政府 ê 監控之下，無自由、無人權，連喘氣、言論 ê 基本生存權攏受著限制。
結果過了七十幾冬，這个賊頭政府閣欲用這款監控 ê 手段，來監視、掌握人民 ê 行蹤，袂輸是過去監控人民 ê 情治單位——警備總部再現，等於是交通戒嚴。
這對人民 ê 基本人權，是莫大 ê 侵害，咱無需要、嘛無應該接受這款共咱監控、共咱 ê 自由、咱 ê 隱私、咱 ê 人權嚴重侵害 ê 系統。
因此我主張，全面拆除、廢止、撤銷使用區間測速系統。多謝逐家！
#反區間ài自由 #反區間護人權
#19470228FormosaMassacre
#228北宜區間好寶寶新聞稿載點：
https://reurl.cc/OXGRLD
中國車牌限制 在 中國車牌價格在PTT/mobile01評價與討論 的推薦與評價
在中國車牌限制這個討論中，有超過5篇Ptt貼文，作者ta88893164也提到常常再北市看到掛使字牌的車，印象中有一些德國高級車，或是沒看過國外限定的車，今天還遇到一台更 ... ... <看更多>