［大師冇點你！］都真係算中到應啦啩，上兩星期傳媒吹晒風啦。「不過有冇訓身 put港交所？」係冇嘅。但天地良心，上星期去曼克頓山食飯 同枱有人問港交所，我已經叫佢睇埋呢樣嘢先。同樣地，Patreon 亦係再早啲寫咗（梗係 Patreon 寫咗先到明報，再到呢度啦，貪呢度屌我老母唔夠咩）。咁好明顯，既然未發達，開頭我都唔係100%信，甚至90%都冇。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
1. 傳媒吹晒風，圍少啲爐咪會知。不過判斷係咪真係加，加幾多，同埋對股價打擊幾多先最難。
2. 應該之後會寫長啲解。但想指出係，唔少人都係中二病，搞錯咗一樣好重要嘅嘢：
3. 你想唔想佢加，應該唔應該加，同埋佢會唔會加。係三樣嘢。世界一般都唔因你主觀意願而改變。
4. 仲有畀你諗多樣嘢：港交所當然係反對啦，但，港交所因乜可以賺咁多錢？你可以睇下 Nasdaq交易所 或者 ICE紐交所 倫交所之類一年賺幾錢。
5. 港交所係壟斷（美國先冇呢樣嘢），但邊個畀佢壟斷先？既然我畀你壟斷，3000幾億成交，話要加印花稅幫補下政府，港交所可以有幾大牙力？
6. 仲有，打擊成交就肯定。但呵欠嘅「打擊金融中心地位」？ 不妨你話知，香港股市日均成交係倫敦4倍。（而倫敦都係有印花稅的）。
7. 再順手講埋，美股就冇印花稅。所以美股先有 High frequency trading，成交亦多到癲（但同時紐交 納交收得好平，反而冇港交所賺咁多）。
8. 而美股正係有High frequency trading，先有羅賓漢免佣：咪講過咯，你估真係羅賓漢開善堂咩。唔收佣點賺錢？咪Payment for ordre flow，賣你啲盤去Citadel 之類嘅 High frequency trader
9. 咁你冇HFT，咪冇PFOF，冇PFOF咪冇真免佣咯。大約係咁。全部都係環環相扣的。亦全部在Patreon寫過
10. LLast but not least，加稅個個都say no架啦。加上政府民望又極低，加乜稅都實畀人插。況且好多其他稅可以避可以走，屌，你估真係葉劉話頭馬會賭MMA咩（佢同林鄭打就有人買嘅）。
11. 但印花稅，係一種 「好稅」。 「好」當然係對管治者。好在乜？好在硬掘，你根本冇得走數。「唔鍾意唔好trade」，你避開嘅可能係零。你買樓點唔打士擔？ 「咁你講個信字唔轉名都得嘅」。
12. 更重要係，因為士擔冇得走，行政成本又低（港交所／律師幫你收埋！），咁你只需要搞掂啲既得利益者。樓宇嘅，咪地產佬。股票？仲簡單，得388一檔嘢。然後睇多次第5段咯。邊個畀你獨家開賭先？
13. 所以就係，唔搞你，搞邊個？唔通開銷售稅？唐唐定貪曾年代都搞唔掂啦！定遺產稅 利得稅 薪俸稅？ 全球化年代，大把方法走數，富人大公司亦可以搬嚟搬去，成本又高。
14. 講到尾都係硬掘 港交所啦，唔搞你，搞邊個？定你覺得政府會自願節流？仲有，「炒股票嗰啲都係有錢撚嘛」（雖然呢刻個個又會話窮，香港精神），「金融撚正仆街嘛」「對沖基金害人不淺嘛」，邊有人同情？98年前士擔0.15%添，而家成交多咗幾十幾百倍，加返上0.13%，怎麼啦？最初邊個畀你港交所壟斷先？
15. 當然，畀返少少常識：正如有人以為美國嘅關稅係中國人畀，錯得很。咁同樣地，印花稅當然唔係港交所畀。但印花稅當然打擊成交，打擊成交咪打擊港交所收入。呢個間接得嚟都好直接嘅
16. 至於你鍾意鬧合唔合理呀 之類，請睇多次第3段。Come on James，可不可以成熟一點？而家講股價講投資下話？你想唔想同你覺得「合唔合理」，係唔會改變個成交的。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1300人訂！（https://bityl.co/4Y0h）。 年費仲有85折
