#咬蔗幫狂揪王風雷 花絮
#動廢 好耐無同啲漫畫家做訪談，今次仲拉大隊加直播，應該係第一次。
由約到節目正式出街，其實只係兩個星期既事，上去睇過啲草圖、原稿，因為未配字睇唔到個故事，其實港漫原稿真心好舐到不得了，非常正。好喇，講返節目製作準備方面。雖然係好想狂揪王風雷，但畢竟唔能夠太過劇透故事，無論係佢哋定我哋都唔想，所以講 #王風雷 好多時只能夠以之前阿興啲比人屌既內容嚟講返，或者阿寶會唔會將風雷太過黑豹化，以及就住本序章有無向讀者負責任既方向去問。
反而 #龍虎門 畢竟個底太厚，要問既嘢好多，反而有啲喧賓奪主，當然，可以比阿偉、牛輝講下佢哋心目中既龍虎門係點，最近讀者(包括我哋)覺得目前龍虎門點搞爛緊舊時代咩目標。(呢度既搞亂有啲中性意思，係搞爛個結構再試行重組咁解，畢竟我哋一向都喺節目都表示唔係覺得完全爛既)點解最近成日抄人封面等等，真係好多問題。
雖然拍攝同收音方面，暫時盡咗大家既力去做喇，希望噚晚有聽直播既人覺得OK啦。
至於啲問題，其實歸納起上嚟要問既應該都問到七七八八， #龍虎門 角色武功個性亂晒、阿興啲橋會唔會亂嚟、點解唔準備好個故仔先出王風雷等等。當然，我哋無諗過上到人哋公司係純屌一獲，咁雖然會令到個對談表象上更有趣，但喺內容上就無咩意思喇，即使我哋唔係無用過一兩個助語詞令製作組更明白我哋表達既內容。
咁大家都知，開咪講嘢同熄咪講嘢一向都係唔一樣，有好多嘢喺開咪時一定係唔會講，例如好仔細既橋：其實王風雷個故事個時間點係點樣，我哋係知咗架喇，但公開劇透就唔好啦。另外，銷量一向都唔係好公開講，多數私下傳，所以公眾係唔知啲書數係點既，而私下講既嘢動廢一向唔主動公開講返出嚟。另外仲有啲唔關呢兩本書事既一啲市場動向等等，亦無包攬喺今次集節目度，但動廢上得嚟做節目，又食又拎就梗架喇。我哋已經準備咗若干禮物係送比噚晚喺動廢Youtube Channel同埋Art Comics Studio直播時留言既聽眾，主要都係一啲比創作組畫花咗既嘢，請留意公佈喇。
希望下次再同佢哋有機會玩過，而且可以同其他漫畫家一齊玩。
btw, 你哋覺得噚日既安排點？做得好就多多支持、打賞、施捨，甚至加入Patreon，做得唔好，我哋會叫Sunny道歉架喇。
中性意思 在 hx9.com】超市双a是啥意思是什么&8888_global=【海外霸屏 的推薦與評價
#【易胜博:hx9.com】化学中性啥意思【易胜博:hx9.com】超市双a是啥意思是什么&8888_global=【海外霸屏:8888.global】. This hashtag is invalid. ... <看更多>