【龔成問答信箱】(Q22741-Q22760)
Q22741:
Ar sir, 股票係唔係呃人既呢?
龔成老師︰
股票本身係一種集資和投資工具,同世界上所有工具一樣,都無對錯之分,係中性。
呃人與否,係視乎背係相關人士,有無令用股票這類工具漏動,去合法,甚至合法地騙小投資圖利。
我地買股票就是買入一盤生意,有些生意會騙人,但有些公司會真心做生意,長遠價值不斷增長,因此,我地買入前,一定要小心了解「該盤生意」。
我地唔係無方法,去避免騙人生意。
我地可以選股一些大型企業,或者有質素的ETF,作為投資目標。
如果係中小型個股,就一定要知道佢質素、行業前景、財務狀況等,才去投資。如果你連間公司點賺錢、行內有乜優勢、點解未來有發展和增長潛力,都答唔倒自已,咁就要停一停,唔好投資住。
------------------------------------------------
Q22742:
龔成老師你好, 請問8083中國有贊質素如何?現價合理嗎?謝謝你
龔成老師:
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有
贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
------------------------------------------------
Q22743:
龔成老師,想請教你呀。我中女一名 未婚,我手持左幾隻科網股,仲要高位果時入,而家賬面 - 20幾萬,流動資金得番10萬。
我700同9988有月供,有聽你講佢地長線ok, 咁美團如何呀? 應該等定放左佢趁700 9988低入手?
冇左20幾萬 係有啲擔心。希望你可以指點下我個pro folio可以點
700 :649入 x240股=- $53700
3690: 399 入 x400 股=$-82500
9988: 238入x860股=-$69000
另外手持以下,
1137: 14入 x 7000 =-$32000
1211: 243入 x539 (月供)
1830: 7.2入 x2000
謝謝!
龔成老師︰
你唔好用買入價或帳面賺蝕,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
睇翻你現有持股,從質素上睇,其實係無問題。但近期不少中央政策出台,都令都投資不確定性大左。但這些股票長線核心質素,暫時未見有明顯影響。
較大問題係,你這些股票買入價都偏貴,所以才出現較大虧損。而且你非常集中係新經濟股,特別係科技類。佢地雖然有增長潛力,同時風險都較高,你現時持有得太多。
以你年紀,潛力股(你持有的都是這類)可佔約4成,餘下應用以下平穏增長股。若你投資經驗較淺,潛力股比重,要再調至2成以下。到你學到一定投資知識,才慢慢調高。
建議你沽出部份,特別係美團(3690)和港視(1137)這類不確定性較高的潛力股,去換碼至平穏增長股,令組合更平衡。
另外,為了避免你再買貴貨,再有新資金的話,我建議你先利用月供模式,去做增值。透過平均價值買入法,去減低買貴貨風險,對你而言會較理想。
------------------------------------------------
Q22744:
老師,想問如果可買美股,買TCEHY 可以當月供分注嗎?
龔成老師︰
Tencent Holdings Ltd ADR (TCEHY)同買港股騰訊(0700)係無大分別,我地分析是否值得投資時,都係睇佢長線企業質素。
騰訊受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
現價合理區中間,分注或月供,都係可以。
------------------------------------------------
Q22745:
請問老師,700 長遠點睇
龔成老師:
1)騰訊(0700)受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
------------------------------------------------
Q22746:
你好 龔sir,因為近年市況都好差,之前d貨一直壓住,尤其藍月亮,抽新股中左,到溝貨溝到12.8蚊,而家跌到6蚊樓下,我應該繼續持有定可以再加注呢?
龔成老師:
藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中間,你有貨可持有,加注不是不可,但暫時小注。
------------------------------------------------
Q22747:
老師,1177 近期有能力上到$7.5 嗎?
龔成老師:
唔分析短期走勢,但長遠無問題的。
中生製藥(1177)是潛力股,人口老化令佢長遠有唔錯的增長,無論是政府投入的行業資源,又或是人民生活質素令可控制資金上升,都令人們更在醫療方面投入更多。
佢已建立一套完整的商業系統,有多個已賺錢的藥品類別,同時毛利高,可以不斷將錢投資在新藥裡,這模式運作很好。
但這類藥物企業,難免有一點風險,因此要久不久檢視,中短問題不用理會,但如果有一些核心性的問題,就要再全面分析。
就這刻來說,這股可以一直持有,因為商業模式理想,高回報,不斷再投資令股東利益快速增長。加上睇翻佢的業績,保持增長,這令企業價值有實際的上升,令股價得以支持。
現價合理區中上部,有貨可持有,分注或月供可以,這股可以長線持有的。
------------------------------------------------
Q22748:
龔sir,我喺9988股價185時入咗貨,應該止蝕還是相信公司繼續有持好?
我目的係持中長線
但見股票不斷落,驚股價如果不斷落,我是否應該止蝕?
龔成老師:
我持有比亞迪(1211)13年,先有較明顯的收成。
我地買股票就是買企業,要耐心等企業成長,而不是著重短期股價!
你應該減少睇股價,多睇企業年報。你耐心持有就得。
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。這股可以長線投資的。預佢現價約合理區中間。
------------------------------------------------
Q22749:
0305, 投資價值如何?
龔成老師:
無人能預測短期股價走勢,投資者只能從長遠角度分析。
五菱汽車(0305)質素算中等,業務都不算差,潛力度有的,但同時都有風險。
近期產品銷售不差,但我地分析時,唔可以只用咁短時間,就去決定一間企業品牌。這個平價車模式,可否能為佢持續增長,依然係一個問號。
以佢過去幾年,最高單年純利都不足2億,但現時市值好高,已經係唔平。近期此股急升了不時,此刻投資有一定風險。
如果以長遠角度分析,佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商,製造設施設於柳州及青島。
最近有中國品牌電動車大賣,而五菱汽車有做供應所以在當中有利益,因此都有潛力度。
不過,考慮到近期股價上升不少,這刻投資價值博率未算高。最好回翻先考慮。
------------------------------------------------
Q22750:
老師,3690 四百元及三百元有貨,美團是否有實力?是否可以等下?
thx
龔成老師:
美團點評(3690)有潛力的,但最大問題是估值難,之前貴。
佢過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理中上部,不過,一定不能大注。小注持貨,是較好的做法。
如果你持貨佔組合比例%多,宜減。
如不多,可守。
------------------------------------------------
Q22751:
大師,富途跌咁多,係咪合理價啦?
謝謝
龔成老師:
富途(FUTU)有增長力的,但業務波動,有危有機類。
佢係一家在線經紀公司,提供一站式在線投資服務,騰訊(0700)為股東。該公司通過網上平台提供服務,其中包括香港、中國大陸,以及美國股市的市場數據、交易服務和新聞源。
佢以經紀佣金,以及手續費服務的形式產生收入。
這企業雖然有發展,但現時市盈率好高,股價變化大,要留意風險。好難話現時是否合理。
這股小注都可以,長線有增長力。
------------------------------------------------
Q22752:
龔 sir,近排股市有所調整,目前有什麼具潛質而又便宜的新潛力股可以買來長線持有?因為現時那些潛力股都偏貴。謝謝指點。
龔成老師:
安碩恒生科技(3067),終於去翻合理區,佢有長線投資價值。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
這基金上落較大,現價大約在合理區中間,因此,這刻不能大注投資。
最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
------------------------------------------------
Q22753:
老師 可吾可以問下你意見。419 華誼騰訊娛樂 應吾應該繼續持有
EPS 低到零,ROE/ROA 又持續負數,毛利率升但淨利率又持續下跌,總資產又係愈來愈少
仲有冇其他數據去分析公司個情況,麻煩老師了
龔成老師︰
華誼騰訊娛樂(0419)主要提供線上線下健康及養生服務,以及傳媒業務,質素不太好。
生意不佳,多年持續虧損,投資價值不高。
其實你見到佢,除左每年都蝕錢外。無論營業額、毛利都一直在倒退。基本上,你可以斷定這企業質素有限,不宜投資。
------------------------------------------------
Q22754:
成哥你好,我們情況是這樣的,我們夫婦二人加奶奶,家住屯門山景邨257尺單位多年,單位已以租者置其屋方式買入,一直想住得舒適點,唯資金追不上樓價。
前年大病一場(cancer),痊愈了,決心找自己舒適生活,減輕生活煩惱,亦想趁奶奶身體健壯時搬開享受一下自由時光,但我們二人資金只有九十幾萬,二人月入共有$41000,
可負擔$13000-15000供款一個月。(但病過的我買樓後留番至少三十萬現金比較理想)我們的計劃是將來奶奶需要時可接她過來住。
所以都幾難搵,依個時侯我們竟然抽中了居屋,有機會選購山麗苑
現在問題是,想請教一下你的意見,山麗苑比較偏遠,無論照顧奶奶及返工都是,但兩頭家咁樣供山麗苑比較無痛,我們應選擇嗎?定還是市面上我們仍有私樓選擇嗎?
以我們資金是否太危險,如果買市面私樓,突然有需要(病)放樓回山景邨住,賣樓容易嗎?可否給沒有置業經驗的我們少少意見,謝謝你!
幾方面應該怎樣平衡?
龔成老師︰
坦白講,以你們現時預算和收入,市場上可選擇私樓唔多,而且呎寸都會好細。
其實山麗苑作為自住樓,以你們現時財務狀況,相信會係一個較好選擇。
但你們除了價錢,都要考慮多2點。首先,一定要確保自己長線"供得起"。
第二,你們要從生活角度(例如往返工作地點、家庭生活、照顧你奶奶等),去考量這個地方是否適合。講緊唔係短期,而係長線10-20年。
如果這2點都係過關,其實你買入係可以。至於再有餘下資金,你先要保留部份,用作應急。再有餘力,才去投資優質股,進行增值。
------------------------------------------------
Q22755:
老師,其實點解要用月供方式,例如港鉄0066一首2萬蚊,假設月供5000蚊,要供4個月才買到一手,但如我用2萬蚊可直接入一手,
係咪只係因為平均成本法這個原因,只是平衡番個買入價?
而你建議用平穩增長股去增值,是否因為你分析港鉄係有增長力,長揸多年後,這隻股價會升,而令財富增值?因為如果keep住月供十年,會hold住好多貨,
要假設佢股價升,先可令財富增加。
我持有呢d貨︰
0005匯豐1600股,
1088中國神華500股,
1398工商銀行5000股,
2388中銀香港
是否應該放左佢,用黎投資其他股?
如月供股票,或開股票戶口,你建議用邊間銀行比較好?我儲蓄用hsbc,所以順便在hsbc買股票。
巴菲特同你嘅書,首選你建議睇邊本較適合。謝謝您!
龔成老師︰
無錯,月供目的係希望透過平均價值買入法,去減低你買貴貨風險。這個方法,比較適合不懂估值的初學者。若你對估值定平貴有足夠經驗,直接買係可以。
港鐵(0066)有質素,可長線投資。佢是全港唯一的鐵路營運商,加上政府會比佢地產方面的優勢。長遠正面。
佢2020年出現虧損,主要係由於物業重估所造成,這只是一個會計上數字。扣除這部份影響﹐其實佢今年都係有盈利。
雖然近年有不利因素,影響了中短期盈利,雖然會扣分,但最核心的本質不變。
睇翻資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。
物業發展部分,長線正面,收租部分,無問題。
因此,長遠發展仍是正面的,會有一定增長力。這股可長線投資。現價大約在合理區中上部。
而你現時持有股票,都係有質素。我地唔好成個組合,只集中係3,4隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
你現時持股,最大問題係集中晒係銀行業。你可以沽少少,換至其他優質股。如果唔想沽,就用新資金去慢慢平衡翻個比重。
至於用邊間銀行,無特別建議。除了收費,你可以睇翻邊間較方便你,咁就可以。
------------------------------------------------
Q22756:
hello sir~想請教下你~我手上冇物業,想愛嚟自住,做9成按揭,你覺得wetland 300尺$5xx單位值得入手嗎?thx~
主打_WETLANDSEASONSBAY.pdf
本身返工/住都係葵涌
龔成老師︰
參考其他附近樓盤,其實個叫價都有少少貴,主要係新樓關係。這就是我經常叫大家,盡可能都唔買1手樓,因為當中溢價,會令大家比多左成本。
如果這個是你自住樓,只要滿足到你長線生活所需(未來10-20年),而且又有信心長期供款都無問題,咁就可以。
但若你係諗住暫住,遲些有錢再換大屋,你就要留意。因為佢本身地理位置較偏,加上單位呎寸都較細,其實投資價值唔會好高。
而且,佢周邊生活配套一般,另外,你返工在葵涌。
若你真的打算購買,你最好到實地周圍走走,幻想下將來生活模式(例如買生活用品、食飯、娛樂等),真的覺得無問題,才好考慮。
反而我建議你在葵涌區找物業,會較好。
------------------------------------------------
Q22757:
請問龔sir 9988 仲有冇前境,想係190蚊以下建倉
仲有1211 長遠發展真係非常好?好多專家都話好 想問埋龔sir先決定買唔買 想放佢3至5年到
龔成老師︰
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。但長遠仍是有發展的。
比亞迪(1211)係潛力股,業務發展理想,研發不斷進行,汽車賣得好好,電池技術發展得很好,行業前景良好,企業長遠發展正面。
但這股經常都處略貴水平,大約去翻$135先算合理。如果本身有貨,可長線,但預佢股價波動。
如果唔夠貨或無貨,而又想買入,只建議月供,在$180以下先月供較好,但如果真的好想儲貨,同時現金足,現價以小注模式去月供,都可以的。
又或者可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
------------------------------------------------
Q22758:
龔老師午安,不好意思打擾了,你係否用緊富途?呢間如執笠,有沒保障?很安全嗎?
上星期去咗hsbc間問左,佢話沒“月供美股“功能,為什麼?請問富途有月供美股嗎?
龔成老師︰
我不是在用富途,但其實香港監管唔差,富途都算安全。
《證券及期貨條例》下的投資者賠償制度設有投資者賠償基金,會為因中介人違責而蒙受損失的投資者提供賠償,每人上限50萬賠償。
若合規銀行或證券行出現破產,你投資證券之損失,可以從<投資者賠償基金>中,獲得最高50萬保障。
當中賠償細節,你可以參考翻<投資者賠償有限公司>網站,會有較詳盡解釋。
其實在一般的情況,就算股票行倒閉,你的貨都無事,因為佢只是中間人,你的貨無影響,除非佢中間有造數,例如每次你買貨,都無同你買。
至於匯豐點解無月供美股,我都唔清楚。至於富途有無,你要自己去了解翻。
但美股其實可以1股股買,你自行每個月定時定額買貨,其實都做到月供的效果,不必一定要用月供服務。
------------------------------------------------
Q22759:
龔sir,你好!我今年26歲,想向你請教,我剛轉新工作,新工作月薪約4萬,每月供樓1萬元(目前出租給別人)。因為上班地點太遠,剛買了車,所以流動現金只有15萬。
目前持有以下股票:
1691 2000股 $22.5
3690 200股 $281.2
6969 1000股 $47.5
9666 500股 $79
6823 2000股 $10.76
6823打算長放當少少收息股,其他基本面我看都是有營利能力,請問可否繼續持有?
另外現在每個月可以再支出1萬元作投資,請問現時我的組合是否有任何股票需要賣出,或可以增加甚麼類型的股票?謝謝你!
龔成老師︰
你現時持有股票,都係有質素,適合長線持有。當中思摩爾國際(6969)和美團(3690)由於不確定性高,加上監管風險高左,長線不宜持有太多。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你26歲,應以增值為主,香港電訊(6823)只係收息股,增長力不高,不太適合你這個年紀。現貨照持有係可以,但不要再加注。
未來時間,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。
現時大市只是合理區,你現有15萬資金可以先投入多少少,用"分注"形式,慢慢買貨。餘下部份,就連同每月所儲倒的資金,就等大市出現一定程度的下跌,才大力度掃貨,然後長線投資。
------------------------------------------------
Q22760:
龔sir 你好,我都同意你用月股分階段入貨,但有時用月供的價唔好,我見中銀而家有個碎股易佣金0.25%,牛牛都有碎股單,但唔識加埋其他雜費,
用邊個買抵d,因為想分開買幾隻,手續費每個月加埋都唔平
龔成老師︰
其實你買碎股和月供,一般都係經紀佣金、印花稅、交易徵費等。因為每間銀行都唔同,你可以打去客服,查詢下邊個方法最抵。
但如果你係初學者,我比較建議你月供。因為月供就係透過"定期定額"供款,去平衡你買貴貨風險。
如果你唔識估值,去定平貴。自己去決定買貨價格,有機會令你買貴左,影響長線回報。
若用碎股方法較平,你就要幫自己每月定個日子,好似月供咁做。每月就在當天,不理股價,直接用同等金額去買碎股,咁都可以做到月供效果。
記住,係你未真正學懂估計前,唔好去自己定平貴,去經常調整每月儲股策略,好易出事。
當然,如果手續費佔比真的好高,你可以考慮用「自行分注」,例如每隔2、3個月買一手的方法進行。
又或者月供一些指數基金,就可以做到「平衡投資組合」這動作。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有32部Youtube影片,追蹤數超過75萬的網紅志祺七七 X 圖文不符,也在其Youtube影片中提到,✔︎ 成為七七會員(幫助我們繼續日更,並享有會員專屬福利):http://bit.ly/shasha77_member ✔︎ 體驗志祺七七文章版:https://blog.simpleinfo.cc/shasha77 ✔︎ 購買黃臭泥周邊商品: https://reurl.cc/Ezkbma 💛 ✔...
中老鐵路購票 在 龔成 Facebook 的精選貼文
【平穩增長股安徽海螺水泥】
安徽海螺水泥股份有限公司
ANHUI CONCH CEMENT COMPANY LIMITED
股票代號:0914
市盈率:6倍
每股盈利:$6.64
市值:$570億(H股)
業務類別:建築材料
集團主席:王誠
主要股東:安徽海螺集團有限責任公司(A股)(36.40%)
5年業績
年度:2016/2017/2018/2019/2020
收益(億人民幣):559/753/1280/1570/1760
毛利(億人民幣):176/255/458/509/501
盈利(億人民幣):85.7/159/299/336/352
每股盈利(港元):1.80/3.60/6.41/7.10/7.91
每股股息(港元):0.56/1.44/1.92/2.24/2.53
毛利率:31.3/33.9/35.6/32.4/28.5
ROE:11.7/19.2/29.6/26.9/23.5
--企業簡介--
安徽海螺水泥股份主要從事生產和銷售熟料和水泥製品,業務地區包括中國東部、南部、西部、中部及海外。而安徽海螺是水泥行業中,全球最大的單一品牌供應商。
安徽海螺旗下有100多家子公司,分布在多個區域,橫跨華東、華南和西部18個省、市、自治區和印尼等國。
--產品應用廣泛--
【圖1】--海螺水泥基本財務資料
安徽海螺主營業務為水泥、商品熟料的生產、銷售,水泥 品種主要包括42.5級水泥、32.5R級水泥及52.5級水泥,產品廣泛應用於鐵路、公路、機場、水利工程等大型基礎設施建設項目,以及城市房地產、水泥製品和農村市場等。
水泥屬於基礎原材料行業,是區域性產品,其銷售半徑受制於運輸方式及當地水泥價格,經營模式有別於日常消費品。
這企業採取直銷為主、經銷為輔的營銷模式,在中國及海外所覆蓋的市場區域設立500多個市場部,建立了較為完善的營銷網絡。
同時,安徽海螺不斷完善發展戰略,在長江中下游及沿海大力建設或租賃中轉庫等水路上岸通道,並逐步推進中心城市區域銷售市場一體化的相關建設。可見這企業在行業有一定的優勢。
--行業特性--
安徽海螺所處的水泥業,對建築行業有很高的依賴性,基建、房地產對這行業都有一定的影響。
同時亦會與經濟增長速度有較高的相關性,特別與固定資產投資相關。即是說,當中國基建及房產市場不景,水泥行業會比一般行業處較大的不利狀態。
另外,水泥企業在生產過程中,燃料成本佔總生產成本中約佔了超過一半。若能源價格出現較大變動,就會對企業成本造成較大影響。因此,當能源價格出現較大上升時,將引致安徽海螺的成本增加,影響其中毛利。
【圖2】--成本組合比例
因此,水泥行業難免面對能源價格波動的風險,但較大型如安徽海螺,可說比小型水泥企業有較強的抵抗力。因為安徽海螺與大型煤炭企業的戰略合作,能產生規模採購優勢;另外,安徽海螺和電力公司合作,以直供電的採購方式降低電力成本,盡力做到成本控制。
另一方面,水泥行業的環保標準不斷提高,雖然會令企業成本增加,但會加速落後產能企業的淘汰,減少競爭者,有利安徽海螺這些大型的水泥企業,相信市佔率將有所增加,令生意保持向好,但這不是中短期,而是較長期的事。
雖然近年的燃料及相關成本都有一定的升幅,但由於產品的售價同樣有一定的增加,加上市場需求令銷量增加,都令這企業的營業額有明顯增長,再加上新收購的項目,都帶動盈利有理想增長。
--企業發展--
安徽海螺經過多年的較快速發展,產能持續增長,技術裝備水平有所提升,而發展區域亦不斷擴大。安徽海螺先後建成了銅陵、英德、池州、樅陽、蕪湖5 個千萬噸級特大型熟料基地,並在安徽蕪湖、銅陵興建了全球最先進技術水平的3 條12,000 噸生產線。
另外,這企業不斷建設及併購,多個項目相繼建成並投產,同時收購了廣英水泥,增加熟料產能、水泥產能。近年由於中國水泥業出現整固,因此安徽海螺在中國進行了多個項目的併購,此外,亦擴大其他相關項目的投資,從而適度延伸上下游產業鏈。
安徽海螺極推進海外項目建設,柬埔寨、印尼2條熟料生產線,以及4台水泥磨相繼建成投產,老撾項目、緬甸項目等都不斷進行,令這企業更為國際化。
前景方面,基本能平穩增長,主要由於中國基建因素,但中央對房地產政策,對這股有中短期影響。
中國保持基建方面的投資,以新型城鎮化帶動投資需求,推動城市群,都有利這股。但房地產方面,政策對房地產新開工將面臨下行壓力,對水泥市場需求有一定影響。
--投資策略--
綜合而言,安徽海螺擁有相當規模、生產能力,有一定的質素及賺錢能力,而水泥行業長期將因中國城鎮化,仍然會增長,但不會像過往般快速,而是進入較平穩的時期,在本質上此企業不差。
不過,行業對經濟、基建、房地產都有一定的敏感度,因此行業會造成中短期的波動,以及政策風險。加上成本及售價都受市場價格牽引,故盈利有不確定。
若果以長期及平均來說,這企業多個財務數據都不算差,因此只要以平均、整體的角度去投資,再配合行業的週期,就能達致穩中求勝的效果。
現價在合理區中間,適合平穩增長,以及收息類的投資者,但未必適合追求高增長投資者。但要留意,房地產政策及成本因素,對其盈利有一定影響,令股價有波動,因此投資者投資都要控制注碼。
(本人為證券業持牌人士,未持有上述股票)
中老鐵路購票 在 龔成 Facebook 的最佳貼文
【龔成問答信箱】(Q22541-Q22560)
Q22541:
老師!持倉部位現在-40%,請問如何調整心理質素?之前聽你說好像是去跑步
現在我天天飯都吃不下了!
龔成老師:
如果投資影響了生活,你的心理問題都開始大,我強烈建議你:
第一,唔好睇股價3個月。
第二,這段時間逼自己睇10本巴菲特相關書。
第三,這段時間睇你持有股票,佢地的年報,每一間都要睇5年年報。如果你能做到,3個月後,當你見到優質股股價跌(前題要優質股),你會變成天天都開心都不得了,每天的食量都很好。
(當然,我地要分析企業的價值有無改變,但不是睇股價,而是睇業務與前景因素,如果前景轉差,要止蝕的)
------------------------------------------------
Q22542:
龔成老師,我近日面對股票市場感到十分迷失和迷惘,我年初曾大手買入股價20元的心通醫療2160,但今日已跌穿9元,十分心痛,不知如何處理。
希望你能指引一下,謝謝
龔成老師:
微創心通醫療科技(2160)是有危有機類。最大問題是上市價貴,以及之前熱炒。
係一家中國醫療器械企業,專注於心臟瓣膜疾病領域創新的經導管及手術解 決方案的研發和商業化。
佢自主研發的第一代經導管主動脈瓣植入(TAVI)產品VitaFlowTM,於2019年7 月獲國家藥監局審批並隨後於2019年8月在中國進行商業化。
根據資料,截至2021年1月17日,有五款TAVI產品在中國獲批准或商業化,其中,VitaFlowTM是首款使用牛心包作為瓣膜組織的產品。
佢亦推出第一代自主研發的AlwideTM瓣膜球囊擴張導管及AlpassTM導管鞘,使其成為中國唯一一家全面提供自主研發互補性TAVI手術配套產品的醫療器械企業。
VitaFlowTM II是唯一在中國研發並已在歐洲開展臨床試驗的TAVI產品。
除TAVI產品之外,佢目前還擁有五款經導管二尖瓣(TMV)在研產品,通過自主研發及與全球合作夥伴(即4C Medical及ValCare,均為專注於二尖瓣及三尖瓣醫療器械研發的醫療器械企業)的共同開發戰略性地針對所有主流可行的二尖瓣返流經導管瓣膜療法(TVT)方案。
企業都有一定獨特性,同時長遠發展不差,不過估值方面就十分難,因為這刻仍未有似樣的盈利。
如果你持貨多,宜減,但如不多,就長線,耐心等企業好轉。
------------------------------------------------
Q22543:
龔sir:我已經睇緊你本「選股勝經」,想貴埋你本「80後百萬富翁」、但行咗幾間書間都只有2同3,請問喺邊度買到第一呢?
謝謝你的建議,我在過去一星期小注了
2800,0066,0002,0006 及0270 等平穩股,諗住遲D慢慢放曬D 1336 佢,平穩股慢慢長揸
我都係比較心急,在508 及500 各一入了一手 700,在14.62 又入了3500 服3067,睇來都要等下,暫時高風險股都唔入住了
揸住D現金就等個市跌多D時再入吧
龔成老師:
書本在三聯、商務、誠品都有得賣。由於部分書在一些書店已斷,所以若你見唔到,問下職員就得(又或向職員訂都可以)。
以下是我的13本書:
《80後百萬富翁》(第9版)
《80後2百萬富翁》(第4版)
《80後3百萬富翁》(第2版)
《財務自由行》(第7版)
《大富翁致富藍圖》(第5版)
《50優質潛力股》(第4版)
《50穩健收息股》(第3版)
《50值博倍升股》(第3版)
《股票勝經》(第6版)
《選股勝經》(第2版)
《年報勝經》(第2版)
《5年買樓4部曲》(第2版)
《80後千萬富翁》(初版)
記住,最重要是建立一個長遠的優質股組合,用長期角度配置,同長期角度去買入,唔好心急,要有策略。
現時大市波動,點都要有一定的現金在手。
------------------------------------------------
Q22544:
老師,小弟打算4月左右移民,有40萬流動現金,請問有什麽投資建議?附上現有倉資訊,謝謝無私指導
700 一手 430入
3319 1250股 28.8入
3918 16000股 6.343 入
1177 5000股 7.214 入
6862 1000股 30.263入
感激
龔成老師︰
我地投資增值,係要長線,因為中短期有好多波動會出現,我地係預計唔到。
你只有9個月就移民,時間不多。我假設你移民前,係需要賣出所有香港資產,你40萬資金我建議最多做定期好了,一切以保本為主。
而你現時持股,現時就要開始分段沽出,去慢慢換回現金。唔好等到離開前一刻才沽,因為無人知個個時候,個大市係什麼環境。所以你要分段沽貨,去平衡價值波動的風險。
------------------------------------------------
Q22545:
老師,我明白長期持有優質股的道理,亦明白分注重要性,但跌市時分注買入優質股,永遠不懂注碼控制,
本人分注得比夠保守,可能一次恐懼跌浪當中只買了組合的百分之十,手持夠大現金,比如上年2020年3月,能把握機會,但買的量可能只有20-30%,
在上升軌當中便一值錯失加注機會,回報並不理想,記得老師說過上年把握大市購入小米,必瘦站等優質股,當時是用了多少現金或組合百分之幾去買?
過了上年3 月跌浪在之後的升浪有否加注?
同埋永遠保留適當現金當然沒錯,但如果你說恆指在23000是便宜區,我能否在範圍內增持組合股票水平至8成或9成?
我知一個熊市可能長達半年什至兩年,我應以時間比如每月去月供還是在便宜區去大手吸納?從而令自己持倉股票水平夠高,當遇上升市時有夠好的回報,謝謝
龔成老師︰
其實分注,我地無話一個好100%準則,乜野水平,就入幾多貨。
因為大市下跌,唔代表所有股票都會下跌,有時候個市開始平,但你目標股票無乜點跌,你都唔應該視佢為平宜,而去大注入貨。
所以,大市平貴所定的入市比例,只係一個參考。
由於近年恆指將好多波動性較大股票,納入恆指成份股,故便宜區都有所調整,你預23000點左右,係開始平宜。
但你要記住,這只是初步平宜區,未去到好平,持貨比例大約7-8成左右。
我地雖然唔知會唔會再跌,但基於平貴去衡量,我地必需留有資金,去等你個可能再下調的機會。
------------------------------------------------
Q22546:
龔sir, 你好!現時上緊你的課堂,真的獲益良多。有少少野想請教,我想問中泛控股(00715)你點睇?
我家人買了此的股票,已套了很久。請問呢隻係咪就係所謂嘅老千股?
龔成老師:
這企業年年虧損,你持有這盤生意,當然無意義。
這企業本質一般般,長遠價值向下,建議你賣出。如果不想一次過賣,都建議減持部分,將資金投資更有增長的股票,會更好。
你要記住,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
------------------------------------------------
Q22547:
老師,從國策層面來看,醫藥股(中生製藥)在我們堂上研究target它為未來倍升股潛力會否長遠大受影響而大打折扣和阻力嗎?
從5月上你初班開始,我已列入「中生製藥」在我的配置表中(其中10%的潛力股之列), 但我一直有留意著股價,
從$8.x跌到$7.x到現時$6.x, 已接近52週新低,雖然你曾說股價由之前好貴(去年$11.x, 現在已跌咗一半) 已經慢慢回落合理估值的上部或中部可以分注買入,
但我看股價圖表一直呈現向下走勢,睇返2019年低位曾經大概是$3.x,就算現在是合理估值中或下部,可分注開始買入也要$6.x,但是還有可能冒著再向下跌一半的風險,
你曾說過唔好去估個底、亦唔好去估個市,買股票就係買公司,唔好事後孔明、就算買貴咗都有得守…………
我已經睇過你很多本書籍,也十分認同你的理財和財務想法與概念,即使我的理念同樣也是———「用便宜價格買入優質股票長期持有而不理會中間價格波動」,
但我心裏仍有忐忑不安,覺得我會用多咗多餘的資金而買貴咗要捱價x年才能返回買入價,雖然你常言道不要看買入價為神聖價位只看股票本質有沒改變,
如果沒有改變不用擔心股價上落,讓優質股票慢慢成長,最終股價也會回歸到合理估值,但我心裏仍覺得不安買貴咗,從而導致少了資金去買配置表內其他優質股票…………..
所以我仍然在迷惘中和猶疑不決,不知道應該第一注資金應該幾時、什麼價位開始買入,(我正常一般都會分3注),請龔sir再指導我一下
龔成老師︰
首先,你唔好再用圖表,或者52週新低這些短炒方法,去做分析。因為股票過往價格,同將來發展唔一定有關係,特別係一些發展好快,有質素的潛力股。
我地無人會知,佢中短期股價會發展成點,只能以平貴,去定策略。係合理頂時,先小注。再回調,就再加注。到平宜區,才大力掃貨。
你唔好有個錯誤想法,等到平宜區先入,就最穏陣和回報最理想。但你要記住,優質股係有權唔回至平宜區。
如果你平宜區先去入,可能最終結果係,你乜都入唔倒,白白睇住隻股票係咁升。
策略性分注,有機會會有一段時間出現帳面虧損,而且一定唔係可以最大回報的方法。但佢可以平衡左各方面不確定性,令你可以係可接受風險程度,得到最好回報。
近期中央推出一些醫藥相關政策,對醫藥股發展的確係有影響。但長線睇,相信會加快左行業汱弱留強速度,對好似中生(1177)這類優質企業,長線反而係有利。
但你預佢中短期都會較波動,長線投資價值未見大變,你可以按我教的策略,去慢慢分注入貨。
另外,你要留意翻2019年最低價係$4.X,你記得我初班上堂有教過,當企業派息或紅股,個股價圖條線,係會全條按比例下調。由於2020年有2送1紅股,所以條線係下調左。
如果直接睇圖見2019年初係$3.X,就當佢係當時真實價位,那就錯了。
------------------------------------------------
Q22548:
想請教,66 2800 應該長持,因為2800可分散風險。66 地鐵公司長遠收息及增值可觀?
3 及11 算高位? 待其升10%才放較好?
大家樂 大快活又如何 收息及增長?持有誰較好?
這星期港股大跌 應該持有66 2800 11 3 因長遠來說會升番 優質股不用怕 除非作炒賣?
總括咁問,2638 270 等股市升回正常價才放。11 66 2800 3 可長期持有 因是優質股? 股市波動對其影響有限 只要不是炒賣 風險好低?thx
龔成老師︰
你現時持有股票,都係優質股,係可以長線持有。我地係唔會因為股市中短期波動,去沽出一隻股票。除非佢已經係好貴,又或者佢長線質素轉差,才會賣出。
但港燈(2638)係收息股,增長力不高,若你係年青至中年人士,就不宜持有太多。
大家樂(0341)和大快活(0052),質素上大快活會較好。佢有平穏增長之餘,都有一定股息。但如果疫情再反復,可能會令佢中短期再現波動,要留意風險。
近期大市比較波動,但未見對上述股票,質素上有明顯轉差,你照持有係可以。
------------------------------------------------
Q22549:
早晨龔成老師,我今年35歲了,近來確診癌症,將有一筆大概250萬嘅危疾保險。想早點將這筆錢增值,因為將來我可能還有好多時間,並不想成為老公及其他家人的負累。
我應該如何分配?
我不會有小朋友,同老公及患病父親同住先母物業,不需要供樓,一家人每月支出3-4萬。
龔成老師︰
以你情況,一切都以你身體健康為重點。
這筆危疾賠償,你要先扣起一部份,最好預多少少,用現金持有,以備不時之需(生活或醫療上)。
未來時間,為了可以令你安心治病和進行療養,投資選項上,我會建議以創造現金流為主。透過現金流,去支援你生活上開支。
目標會係一些優質收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,只能小注)。
現時大市只係合理水平,資金唔好盡用,大約留翻3-5成現金。等大跌市出現,才加大力度掃貨。
當然,如果你精神未必足以你進行上述操作,你可以入完首注後。用銀行月供股票服務,去將餘下資金,慢慢投入收息股當中。
但緊記,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡。同一行業不能高於組合30%,同一股不能高於組合15%。
祝你早日康復!
------------------------------------------------
Q22550:
想請教1. 如公司個人/高層持股多於50%,在評估公司質素上是否要扣分?
2. 在計算669估值上時,為甚麼用現金折流法得出的數字只是$4X? 但現價卻是$130,差距很大。然而,典業主盈餘卻是按年増加,而折現率亦採用了合理的10%,所以想問問現金折流法是否不適合用在669估值上?原因又是甚麼?
3.想請問2128 中國聯塑積素如何?
龔成老師:
1)要睇那類公司,如果是細公司,有可能佢地好易操控股價,如果大公司,可能佢只是正常持股、睇好自己公司,因此問題不大。
2)現金流折現法不易運用的,你在推算增長率時要小心計算。
3)中國聯塑(2128)這股不差,有長線投資的價值。佢主要從事製造及銷售建材家居產品、提供裝修及安裝工程、環境工程及其他相關服務、金融服務和物業租賃及其他相關服務。
生意與盈利都不差,現金流強,股本回報率理想,基本上有長線投資價值。不過股價上落較大,要注意注波動。
現價合理區中上部,分注投資都可,但不是大手時機。
------------------------------------------------
Q22551:
多謝龔成老師回覆和分享,其實我都是大約年初才買136,我現在手上還有好多不同的股票,但係全部帳面都是蝕包括
匯豐 1200@$68
恒生 500@$151
煤氣 5000@$13.28
小米 2000@$26
騰訊 100@$579
阿里巴巴 500@$278
恆大汽車 2000@$16.4
中國鐵路 20000@$1.21
醫渡科技 2000@$65
金沙中國 2000@$30
上述帳面現在合共蝕緊200,000左右
小米同金沙都係睇得你多分享先至跟買,價位都不算貴所以我不擔心,反而阿里巴巴同埋騰訊真係有啲擔心,仲有隻醫渡科技一上市嗰陣高追又冇止蝕所以搞成咁
上面的股票大部份都是由上年七月開始買入,當時因為手頭上套現左一舊資金所以就入市,另外有1,000,000我放咗入每月收息基金,
最理想的都是allianz income and growth, 一年帳面連基金收入已賺了15%,可惜我當時買了少部份,另外我買咗亞洲的基金,到現在連基金收入都是打和!
一年後review, 最大的虧損都是136
我覺得自己好失敗,將所有資金放入銀行mortage link 收息都好過現在做無謂的投資
現在我只希望所有股票回升,不要再蝕太多我已經心滿意足
龔成老師︰
你要記住,我地投資係為左財富增值,而唔係打個平手就算。
唔好用短期帳面賺蝕,去衡量持股質素,或者個投資組合成敗。因為投資係一個長線計劃,就算最優質的股票,中短期都會有波動。只有長線其價值,才會在股價中反映出來。
你現時持股都有質素,若你係年青至中年人士,這個組合係可以長線持有。(我估你"中國鐵路"係打錯,應該係"中國鐵塔")
但若你偏年青,恆生(0011)和匯控(0005)這類收息股,就不宜持有太多。
另外,醫渡科技(2158)、恆大汽車(0708)不確定性較高,不宜持有太多。
至於基金,你可以衡量基金的投資策略,所投資的資產類別、投資策略、風險程度、市場、費用成本、以及過往的表現。
你可以睇佢過往5-10年(唔好只係睇當前的一年表現),如果回報係比主要投資市場高,就有機會值得繼續投資。
提翻你,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
------------------------------------------------
Q22552:
成哥,你好,之前是你的學生,有問題想問問。
我計緊銀娛0027價值,用市盈率估值法,但我見他在2020年度市盈率和每股盈利都是負數,這個特別的情況(疫情)我應唔應該計算呢一年的數據?
另外,用市盈率估值法,是否每一隻股票都加多10%緩衝?謝謝
龔成老師︰
其實不論是否市盈率估值法,一些中短期發生事件,如果係一次性,預期將來極細機會會再發,好似今次疫情咁,其實我地就應該將這年的收字忽視。
但由於疫情依然反覆,預期中短期業務,都有較波動,故有需要將估值下調少少。銀娛(0027)現價算係合理區中下部,可分注。
至於10%緩衝區,唔係一定要加。當你發現你計出來合理價區間,係好窄,無法有效反映一個正常合理區時,你就要加這10%緩衝區。
你可以溫習翻初班第5堂的NOTE,重點會係SLIDE26和58,當中有較詳細指引和例子,你睇左會較易明白。
------------------------------------------------
Q22553:
Sir, what do u think about premium financing by insurance company
龔成老師︰
保單融資,其實就係透過借貸,去以槓桿形式放大回報。相比傳統儲蓄保險,佢增長潛力會相對較大,同時風險會相對較高。
若保單實際回報,係多於貸款利息,投保人自然會因為槓桿操作,而令回報放大左。
但由於保單本身,好多時回報和利率都係不保證。再加上貸款利息,多為浮息。在低息環境,固然會受惠。但進入加息週期,利潤將進一步被蠶食。
因此,用保單融資去投保,係有一定風險。
其實係財富增值上,最好集中係優質資產上(如物業、優質股)。
"保險"只係一種產品,主要係用作防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但最好係一些較傳統儲蓄保單,而非這類有槓桿性質的產品。
------------------------------------------------
Q22554:
老師你好! 我和先生40歲, 每月收入共$54000, 有一層自住物業, 市值700萬,尚有170萬要還, 每月供款$12000, 月儲$13000, 股票合共約45萬, 外幣加現金共$44萬,
如果層樓唔想做加按, 如何能制造每月被動收入$15000-$20000?謝謝
龔成老師︰
如果你希望每月有2萬蚊現金流,以股息率6%計,你需要本金400萬。
若你想做到這個財務目標,你可以透過投資一些「平穩增值股」+「潛力股」,去累積這筆資金。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
假如你現時無太多投資經驗,潛力股這類風險較高的股票,你就不要持有過多,最多維持2成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-4成,視乎你投資經驗多寡和了解這些股票程度而定。
現時大市只是合理區,你現有44萬現金和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$13000 + 現有約90資產(現金和持股),預計10年左右時間,就會增值至400萬。
你可以以此作參考,視乎你自己情況,再去調整月供計劃。
------------------------------------------------
Q22555:
本人51歲,計劃四年後退休,先生和我各月入5萬,依家手上有500萬現金,有三個鋪位,租金約6萬,貸款尚欠110萬
股票約90萬,係中銀香港、電能實業同埋永利,計劃買多100萬中銀香港收息,
亦有投資保險類年金,仲有八年要供
小朋友剛剛大學,疫情過後去海外升學,咁樣資產部署退休可以嗎?
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
若你4年後就會退休,我地就要將資產,慢慢轉向收息項目。透過這些收息項目,去創造穏定的現金流,去援你退休生活。
你現時財富組合中,主要係物業類。這些物業用作收租,能提供現金流,所以應保留作你退休組合一部份。但由於佢地佔成個組合比重好高,故物業類就唔好再大了。
現時你應加大優質股部份,去令財富組合更平衡。
你現時持有的股票,都係有質素。但永利(1128)雖有增長力,但派息都幾波動,長線不宜作為收息股一員。你現時可持有,但要慢慢換至其他優質收息股上。
至於中銀(2388)和電能(0006)可長線,退休時都可以持有。
我地唔好成個組合,只集中係2,3隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
所以,唔建議你再投資中銀(2388)太多,以免因過度集中,造成風險。
以下是一些適合你的股票,你可以一半資金儲指數基金,佢係一籃子組合,就算持有30%以上,都唔會有過度集中性風險。
你可以用佢,係退休前作適度增值。另一半資金,就買入不同收息股,係用來為退休後生活,作準備。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,只能小注)。
現時大市只是合理區,你現有500萬資金可以多投入150-200萬,用"分注"形式,慢慢買貨。餘下一半就等大市出現一定程度的下跌,才大力度掃貨,然後長線投資。
退休後,除了收息股、收租物業外,你都可以加入一些年金(現有那份可照供)、定息產品、A級債券等,去令自己收息組合更多樣性和平衡。
而小朋友升學資金,由於好快會動用,所以不宜投資。你要另外以現金模式扣起,到升學時就動用。
------------------------------------------------
Q22556:
龔成老師,早前拜讀了你那本80後一、二、三百萬富翁、五年買樓4步曲。你的看法讓我打通了自二十年前看富爸爸窮爸爸開始認識的概念。並且能確實、有效實踐出來。
我打算繼續在股票市場努力學習投資,直至儲夠一百萬,就買樓。
但有以下一些疑問:
想請教如何可了解現時樓市是否合適買樓的時機?因擔心一買樓,樓市便下跌。
龔成老師︰
中短期樓價點樣走,其實好難預測。但我認為香港樓,長期會向上。
首先,我用身邊的朋友去分析(因為佢地都是適婚年齡的),我見到一個現象,唔少朋友結婚後,買唔到樓,要同父母用住,這幾年都係咁,而且人數不斷增長。
佢地正在儲錢,正在等樓價跌,只要在適當時機,就會搬出去住,你知道這是甚麼?這就是潛在的購買力,而且不斷累積!
香港樓長期供應不足,需求正不斷累積,這將會令樓價保持向上,跌少少,又會升過。
另外,你要明白,樓是資產,現金不是真財富,所以物業長期一定向上,中間會有上落。這是財富系統最典型的模式,詳細概念你可以睇《財務自由行》,當中會話你知,點解資產長期一定升,現金一定跌。
另外,我地做財富增值,會考慮埋成個組合平衡性。
所以,係你置業同時,最好留有一定優質股作增值。否則,你就會成個財富組合,偏重左係物業一邊,造成風險。
------------------------------------------------
Q22557:
你好龔sir! 經朋友介紹睇你個page,有問題想問問:
話說早排試下開始接觸股票(0經驗+無study)閒錢只有5萬,入左以下兩隻:
1. 3300(中國玻璃)@2.95/3手
2. 6909(百得利)@7.67/2手
請問龔sir點睇呢兩隻?
另外想買你既書睇但無從入手,邊本較適合我呢類0經驗者睇?股票勝經?
期待回覆,謝謝!
龔成老師︰
中國玻璃(3300)主要從事生產、營銷及分銷玻璃與玻璃製品;設計及安裝藥用玻璃生產線。
佢的產品包括無色玻璃、有色玻璃、鍍膜玻璃、節能及新能源玻璃產品(如超白玻璃、低輻射鍍膜玻璃及光伏電池模塊產品)。
這股不算,但又未到好高質。
整體發展正面,但盈利有點不穩,不值得持有太多,同時要留意股價較為波動。
百得利控股(6909)主要在中國從事提供汽車銷售、售後服務及其他汽車相關增值服務。
佢經銷之汽車品牌包括保時捷(Porsche)及賓利(Bentley),而豪華品牌包括梅賽德斯-奔馳(Mercedes-Benz)、奧迪(Audi)、沃爾沃(Volvo)及捷豹-路虎(Jaguar-Land Rover)。
售後服務包括維修及保養服務、配件及其他汽車相關產品銷售、保險代理服務及車牌登記服務。而其他汽車相關增值服務則包括汽車融資(將客戶轉介予融資公司及商業銀行)及二手車經紀服務(將客戶轉介予從事二手車評估及交易業務的第三方公司)。另集團的經銷店亦可協助召回汽車事宜(汽車製造商可能不時召回汽車以糾正問題)。
質素算是不過不失,但企業獨特性及增長力唔算強,此股只宜小注投資。
其實你現時無投資知識和經驗,對企業估值,點去定平貴未必會太了解。我比較建議你先利用月供模式,去做增值,可以減低買貴貨風險,對你而言會較理想。
現在你每月先用5成儲蓄做月供。其餘先儲起,用一邊月供一邊儲蓄的策略。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
書本上,你可以先睇我架《80後百萬富翁》、《財務自由行》和《股票勝經》,都適合初學者。
同時間,你要去多讀其他投資相關書本、年報,新聞和課程,努力累積投資知識,長線回報才會好。
------------------------------------------------
Q22558:
龔老師你好啊!想請教你1928 金沙中國而家可以入嗎?重有請問呢隻買得過嗎?
龔成老師︰
金沙(1928)有質素的。
佢中短期會弱,加上全球疫情反覆,都對佢有不利影響,不過,相信這只是中短期,以長遠的角度分析,企業仍是有質素的。
在正常的經營環境分析,佢持有的資產好有質素,行業本身好賺,雖然疫情略有反覆,但全球疫情最壞的情況,相信已過。佢長遠是收息及平穩增長型。
但由於仍有未知數,加上之前虧損,因此將企業估值調低左。
現水平在大約在合理區中下部分,如果本身有貨,可長線,耐心持有就得,如果無貨,現價已經可以分注,但都要留現金。投資貨要有心理準備,中短期會弱,要長線,企業有長線投資的價值。
------------------------------------------------
Q22559:
龔成老師你好,人到中年,想投資股票增值財富,但投資知識拙劣,想請教一下老師。
以下幾隻股票,可以長線持有嗎?(一年以上)
00823 領展
01038 長江基建集團
02638 港燈
00008 電訊盈科
01373 國際家居零售
另外有否其他平穩增長股票提供?謝謝老師指教
龔成老師︰
你持有股票,都係有質素,適合長線持有。當中領展(0823)、長建(1038)會有息收之餘,都有平穏增長力。而其餘3隻,主要係收下息。
但留意電訊盈科(0008)負債較高,唔係無投資價值,只係風險較其餘4隻為高,故不宜持有太多。
其實以你中年人士計,都有財富增值需要,但係策略上就會保守少少,主要集中係一些平穏增長股上。以下是一些有質素的平穏增長股,你可以參考下。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)。如果有投資美股,可投資VOO。
現時大市只在合理區,未算平,你可以先用一半資金,分注慢慢買入上述股票,並長線持有。餘下一半資金,就等大跌市,才去掃平貨。
------------------------------------------------
Q22560:
龔sir 最近d 人話恆指成份股換入d 好高PE 既股票 例如6862. 搞到恆指既代表性不及以前 以致恆指愈來愈弱 無乜起息 月供2800係咪已經失去優勢?
龔成老師:
其實恆指進行較大的改革,長遠會將成份股,加至80-100隻,會加入更多不同類別的股票,例如一些新經濟股,長遠反而會令恆指的增長力提高。不過,同時會令波動大左。
由於這改革只是進行左短時間,而我地睇表現,一定要以長期作單位,所以,你以短期表現去衡量,並不正確。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
中老鐵路購票 在 志祺七七 X 圖文不符 Youtube 的最佳貼文
✔︎ 成為七七會員(幫助我們繼續日更,並享有會員專屬福利):http://bit.ly/shasha77_member
✔︎ 體驗志祺七七文章版:https://blog.simpleinfo.cc/shasha77
✔︎ 購買黃臭泥周邊商品: https://reurl.cc/Ezkbma 💛
✔︎ 訂閱志祺七七頻道: http://bit.ly/shasha77_subscribe
✔︎ 追蹤志祺IG :https://www.instagram.com/shasha77.daily
✔︎ 來看志祺七七粉專 :http://bit.ly/shasha77_fb
✔︎ 如果不便加入會員,也可從這裡贊助我們:https://bit.ly/support-shasha77
(請記得在贊助頁面留下您的email,以便我們寄送發票。若遇到金流問題,麻煩請聯繫:service@simpleinfo.cc)
#江之島 #鐵路迷
【 製作團隊 】
|企劃:歡歡
|腳本:歡歡
|編輯:土龍
|剪輯後製:憨吉
|剪輯助理:憨吉
|演出:志祺
——
【 本集參考資料 】
→ 日本電車老外爆紅, Taco 餐廳老闆騎車揮手與江之島電車同框出現惹怒鐵道迷,大量迷因在網路瘋傳:https://bit.ly/3CBwU1n
→ 外國男子意外同框江之島電車惹鐵道迷暴怒,社群大量迷因發生中:https://bit.ly/3fRqFga
→ 日本「電車老外」同框江之島電鐵成迷因 各路P圖大神出動惡搞:https://bit.ly/3AxEo3Q
→ 《炎上腳踏車外國人》亂入列車攝影現場慘遭鐵道迷包圍 本人對於爆紅相當樂在其中:https://bit.ly/3iyewyt
→ 《江之電腳踏車哥惡搞迷因集》炎上事件過後店面大爆滿 在網路上到處亂入人氣破表:https://bit.ly/37zcI1Y
→ 氣!拍江之島電鐵「剛塗裝檢修完電車」卻遇男子意外擋住 meme大發生後→擋鏡老外或成最大贏家:https://bit.ly/3lQAVJl
\每週7天,每天7點,每次7分鐘,和我們一起了解更多有趣的生活議題吧!/
🥁七七仔們如果想寄東西關懷七七團隊與志祺,傳送門如下:
106台北市大安區羅斯福路二段111號8樓
🟢如有引用本頻道影片與相關品牌識別素材,請遵循此規範:http://bit.ly/shasha77_authorization
🟡如有業務需求,請洽:hi77@simpleinfo.cc
🔴如果影片內容有誤,歡迎來信勘誤:hey77@simpleinfo.cc
![post-title](https://i.ytimg.com/vi/YPE-GPTOYmI/hqdefault.jpg)
中老鐵路購票 在 Eliza Ang Youtube 的最佳解答
*未經本人同意授權,請勿任意下載搬運轉載影片(直接分享此影片連結可以唷☺)
南德露營旅遊系列播放清單▷https://bit.ly/3zFsfZR
入住時間:2021/6月中
這次來新天鵝堡附近的露營區,
我們實在是太滿意了,比飯店還高級超級值得,
老公的開心完全寫在臉上了XD
這次入住的露營區:https://www.camping-hopfensee.de/en.html
如果您喜歡我的頻道,可以用以下的方式支持我持續創作喔:)
♥按讚、訂閱、分享
♥看完Youtube影片的廣告不要略過
♥利用我提供的連結訂房、訂票、訂行程、租車…
♥註冊ShopBack:
https://app.shopback.com/twn?raf=jQgmPN
(只要註冊成功我們雙方都可獲得100元的現金回饋喔)
訂閱SUBSCRIBE▷
主頻道:https://www.youtube.com/elizaang
副頻道:https://www.youtube.com/channel/UCzHOo-chRoau1AdmoE54Pdg?view_as=subscriber
Airbnb體驗播放清單▷https://goo.gl/xCcAoa
機場貴賓室體驗播放清單▷https://goo.gl/cSXuW2
飛行體驗播放清單▷https://goo.gl/fNTCjd
飯店體驗播放清單▷https://goo.gl/oMKcvv
歐洲旅行播放清單▷https://goo.gl/1VG6rb
德國生活播放清單▷https://goo.gl/TYp8Hp
德國旅行播放清單▷https://goo.gl/PmVYM8
露營生活播放清單▷https://bit.ly/3nM3S7K
�FACEBOOK粉絲團:https://www.facebook.com/elizalovestraveling/
�部落格:http://a80068a.pixnet.net/blog
�Instagram:https://www.instagram.com/elizaistraveling/
�E-mail: elizaang0202@gmail.com (business only)
【折扣優惠專區】
首次加入Airbnb訂房賺取 TWD 1000元 折扣金:https://zh-t.airbnb.com/c/elai107?s=8
Uber首次搭乘優惠碼:kmlt4
Uber Eats首次使用優惠碼:eats-kmlt4(首次使用Uber Eats訂餐,最初2份訂單可享$100折扣優惠)
YesStyle官網:https://shareasale.com/r.cfm?b=61830&u=2215798&m=10669&urllink=&afftrack=
(消費滿49美金輸入折扣碼:YSF10ELIZA
可享9折優惠喔)
ana luisa飾品官網:
http://www.analuisa.com/elizaang
(輸入折扣碼elizaang10可享有9折優惠)
Nordgreen 手錶官網:
http://bit.ly/elizaang
(輸入折扣碼elizaang可享有85折優惠)
GastonLuga 包包官網 : https://gastonluga.com/tw/
(85折優惠碼:eliza85 *不可與其他優惠同時使用*)
Insta360 ONE X2 全景相機購買連結:
https://www.insta360.com/sal/one_x2?insrc=INRU0PK
Insta360 ONE R 購買連結:
https://www.insta360.com/sal/one_r?insrc=INRU0PK
(用此連結可獲得免費配件)
Insta360 Go:https://www.insta360.com/sal/go?insrc=INRU0PK
Insta360 ONE X 全景相機購買連結:
https://www.insta360.com/sal/one_x?insrc=INRU0PK
(用此連結可獲得免費配件)
TubeBuddy頻道優化工具:
https://www.tubebuddy.com/elizaang0202
【機票比價網站推薦】 (建議用這2個網站交叉查詢)
Skyscanner: https://goo.gl/cBYgeX
Google Flights: https://goo.gl/DFF5TM
【歐洲火車通行證】
Eurail歐鐵全境火車通行證:
https://www.klook.com/zh-TW/activity/9868-eurail-global-rail-pass/?aid=375
德國鐵路通行證(連續 3 / 4 / 5 / 7 / 10 / 15日):
https://www.klook.com/zh-TW/activity/9870-german-rail-pass/?aid=375
【租車比較網】
Sixt:http://www.kqzyfj.com/click-8977298-12490577
Auto Europe Car Rentals:https://bit.ly/2Kn36wN
rentalcars:https://bit.ly/2Z5yWT4
【飯店民宿訂房網站推薦】
Agoda訂房:https://www.agoda.com/zh-tw/?cid=1730291&pcs=8
Hotels.com訂房(集10 晚,送1晚):http://bit.ly/2sKeRE4
Expedia智遊網:http://bit.ly/2MerD5V
Booking.com訂房賺取 6% 現金回饋:https://app.shopback.com/twn?raf=jQgmPN&slug=booking-com
Booking.com訂房(將住宿在 Booking.com 上線,享前5筆訂單免佣金):https://join.booking.com/a/1545198
【旅遊網站推薦】
KLOOK客路訂票券及行程:https://www.klook.com/zh-TW/?aid=375
KKday旅遊體驗:https://www.kkday.com/zh-tw/home/index2?cid=5812
【影音設備Equipment】
Dji Osmo Pocket:https://amzn.to/2J5K2or
Dji Drone:https://www.dji.com/de/mavic-mini
使用相機Sony ZV-1:https://amzn.to/395H2CR
剪輯軟體Editing Software:Adobe Premiere
♫ Music: https://www.epidemicsound.com/referral/ok4sux/ (付費網站)
★This video is not sponsored.
★Some of the links above are affiliate links.
![post-title](https://i.ytimg.com/vi/r9rVBbQTfQE/hqdefault.jpg)
中老鐵路購票 在 Kuo Choyce Youtube 的精選貼文
#洛杉磯中央市場 #GrandCentralMarket #AngelsFlight
在洛杉磯住了大半輩子的老友問:這裡是哪裡?
即使是老美也不一定知道,位於中央市場後面有一條短短的纜車鐵道,任何人都可以搭乘,出站時才付錢,一趟約一分鐘的路程只要一塊錢,想要實體票就另外付費購買(0.5塊錢)
超過百年的老火車鐵道,看著洛杉磯從默默無名小城變成國際大都市,也是歷史的見證呢!
![post-title](https://i.ytimg.com/vi/ayv_LG0XunU/hqdefault.jpg)
中老鐵路購票 在 老挝人买不起火车票? 实拍购买中老铁路购票过程 - YouTube 的推薦與評價
老挝人买不起火车票? 实拍购买 中老铁路购票 过程,果不其然。。。 4.7K views · 1 year ago ...more. Lao雪. 174. Subscribe. 116. Share. Save. ... <看更多>