【報名】
「Sogo Run你咁緊張，陪我去Sogo感謝祭你就推三推四。」她在摺起圖騰跑那條紀念毛巾時，終於忍不住道。「還有，請你以後別無端白事就丟個login同password來，我係你老婆，唔係你秘書。」
「由佢啦，報唔到好閒啫。」他也盡量抑制著今天的耿耿於懷。他不明白，為甚麼人家的老婆可以幫到老公報名，自己那個，次次都不行。「你知我在深圳開緊會，如果唔係我都唔使勞煩你啦。」
「其實我真係唔明，報埋咁多比賽為乜。左撲右撲，到真係比賽時又話咩點解報咁多比賽。」
「呢個唔同，多野送。」
「多野送？唔該你睇下自己堆垃圾。」她指向那為數約二、三十條的比賽毛巾與一堆各大品牌的日用品試用裝。「沐浴露就黎多到飲都飲唔切。」
「你唔用啫。」他企圖轉移視線。
「次次送埋晒啲男人沐浴露你好意思叫我用？」此時garmin的久坐提示響起，也提示他不宜再爭辯。「算啦，一陣我丟左啲沐浴露佢，好未？」他拿起沙發上的foam roller放到一邊。
看見那根foam roller，她想起自己有次拿著兩大袋百佳，進門時險些就被這條foam roller「摔到百佳」。本來，她也以為跑步很健康；本來，她也支持老公跑步，甘心晚晚為他按摩小腿。但報名，這可恨的過程，令她漸漸對跑步比賽充滿敵意。
「仲有，你比賽還比賽，拜託你下次去飲可唔可以唔好再著件渣打？上次去阿Jane餐滿月酒我本來已經唔想出聲......」
「咁著大阪囉。」他心裡冷笑，現在去飲難道還要穿西裝？
「Fine！當我冇講過，你鍾意下次著件中興盃去都好。」她之所以記得中興盃，是因為那是她難得報到名的一次，因為根本不用爭。
他真心覺得，就算穿中興盃，也真的沒甚麼問題。廳中，此刻只剩下了他，寧靜得有點令人不適。
半晌，他撕開腿上已經半甩開的KT tape。忽然，他意識到有些事情，也許就如KT tape的黏性：很易失去，而且失去了，就不是那麼容易補回來。
#舊文重貼 #睹sogo春秋二祭盛況有感
#中興盃是個不錯的賽事 #就係熱啲
#如有新淨跑tee唔要的話請聯絡 跑Tee共享
原文：https://bit.ly/2I6fMbq
蝦叔博客：https://hasuk42195.wordpress.com/
蝦叔IG：https://www.instagram.com/hasuk42195/
蝦叔medium：https://medium.com/@hasuk42195
