[文華冰廳]sort of 食評,四舊水嘅tea。但彩蛋好睇過佢隻scotch egg。
1. 絶非廣告,不過不排除第時有廣告。即係第時如果冇講明唔係廣告嘅,你可以合理假設係廣告。不過其實都冇乜廣告。呢篇都唔係
2. 是咁的,有人問我,呢個Page到底寫乜。咁比較簡單,咪金融咯,都好似係金融多。但偶然又有啲職場分享(其實都幾受歡迎),勸世文。甚至電影足球都有時有。不過因為收視麻麻,越嚟越少寫。其實電影足球呢啲好趕客,未出都知趕,所以真係我極想寫先會寫。
3. 咁呢,其實本專頁,除咗金融,咪寫人生意義。職場分享同勸世文都係人生意義。而埃汾尋找咗好多年,最後發現人生意義,就都係享樂主義。吃喝玩樂,交配。豬的快樂呀?是但啦,咁加埋睇下書寫下文睇下戲一年去幾次日本咁咯。你隻豬唔識寫文下話?
4. 所以,飲食享樂都係本專頁嘅主題之一。即係再直接啲,埃汾又冇仔女,咁搵完唔係吃喝玩樂,唔通留比公益金?
5. 好似寫過,買股票嘅人(不一定係炒鬼,雖然任你點定,呢度定義較廣),真係上等人,政府至鍾意,商界最鍾意。贏咗錢咩?食豪啲。我第一次食福臨門都係舊公司trader 請,請晒十幾人喎。我知你可能話唔係好多錢,所以我等你請我—我唔會叫十幾人嚟。輸錢呢?唔爭在啦,或者沖喜下。
6. 人就係有呢種mental accounting,搵返嚟嘅錢,同(自以為)贏返嚟嘅錢,放唔同嘅mental account。所以意外之財往往易消散,而亦點解啲雞一定在賭場搵食。唔止係因為啲人有錢(其實去賭場嘅會有幾有錢?),而係意外之財。亦點解你見金融界中人好多都好唱K(你懂的)落夜總會,唔係因為多錢,而係三更貧五更富。
7. 咁其實,同今日嘅主題冇乜關。但的確,金融人就真係振興社會消費。今日又股災喎,咁我就不如索性豪一豪佢啦。放心,冇賭場冇夜總會,去文華食個下午茶啫。而我甚至連午飯都冇食。唔爭在
8. 之前寫過住半島,咁不妨寫埋文華下午茶(https://bit.ly/3d9wZM4)(https://bit.ly/3fttPnV)
9. 拿,真係唔係廣告。因為,係完全唔撚好食的。
10. 是咁的,佢地搞咗個咩父親節「紳士專屬下午茶」(https://bit.ly/3hsoTkX)。咁我冇小朋友,但亦唔會叫我老豆一齊嚟(好彩冇,否則佢應該鬧埋一份)。咁咪一個人的浪漫咯。紳士嘛。紳士。
11. 地點在Captain’s Bar。係冇嚟過嘅,雖則文華我就去過,食飯去過去飲都去過,當年面聖坡佬請我食早餐(*)都食過,但就冇去過Captain’s Bar
12. 想講,環境是一流的,服務都是一流的。入去時全部都係老,我有半秒諗過係咪只係招待佬。但心諗,而家邊得呢?畀人告到你甩褲
13. 不過呢,我都係功用為本,講好唔好食。而,就係完全唔好食嘅。我甚至都唔討論性唔性價比嘅問題。得罪講句,唔講價錢,都係唔好食。當然佢收我四十蚊就抵食,但我都唔會話係好食。咁你話幾大鑊?
14. 咁你可以話我影得核突,但,唔係同你講個賣相,係講好唔好食嘛。至於賣相,官方有相。我唔覺得我張相十分非常之差。
15. 我估,個原罪係,根本呢啲下午茶,就係搵笨實的。
16. 實不相瞞,早兩星期,我同埃汾太去咗ICC Ritz Carlton,唔知九十幾定一百零幾價,又係食呢個下午茶。好似係埃汾太啲咩生姿堂Seishido嘅coupon。咁你懂的,「港女下午茶」,我就真係諗唔到一個更好嘅形容詞,咪就係嗰啲「港女下午茶」,成班怨婦或好姐妹圍爐嗰啲。
17. 而基本上,呢啲場合(我唔敢話啲人),係唔price sensitive ,亦都唔taste sensitive,掛住講是非你質舊屎畀佢佢都未必知。最緊要,去酒店,high.Instagramable, good.咩味?who cares?
18. 咁嗰次我去同埃汾太食,一樣,「都係講是非」,亦都唔price sensitive。不過本人就講住是非都taste sensitive。喂大佬,鹹點都還可以,啲甜點真係你老味,人食的?(sorry)。我就真係最後都冇食晒。法官大人,欣宜都屌咩。Comment 我貼相(唔係欣宜)。倒係個scone唔錯。see?我總係搵到嘢讚
19. 而我根本覺得呢個係一個陰謀,根本係啲酒店廚用嚟侮辱去食嘅人(即係我)。有正餐你又唔肯嚟食丫拿乞兒。貪平食下午茶丫拿(但,都四舊水,其實我估午餐都差不多?)。就整呢啲嘢畀你地食。
20. 呀,除咗服務好環境好,杯酒倒係不錯。跟餐(一講呢個字就cheap晒)有杯啤酒。但我等專業嘅金融從業員,點會返工時間飲啤酒呢?
21. 所以我叫咗杯Chardonnay,唔使凍飲加兩蚊。
22. 係喎,埃汾係飲白酒的,留意啦。雖然更多時侯我係唔飲酒飲嘅。老了,十年前就千杯不醉(有冇識我嘅人見我飲醉過?),而家對身體唔好。
23. 又,講完架啦,食個tea啫,唔好又扯去人地股價乜柒啦。真係以為自己坐過國泰就指指點點咩。
24. 但,真係,唔好食。唔好去食。當我埋單,就寫呢篇宣傳短文,同你地講,真係唔好食。唔好去食,無論點都好,千其唔好去食。如果我唔係去咗食呢個下午茶,我好相信而家我根本就唔會喺呢度同你地講我生肺癌(?)嘅嘢。
25. 再講一次,服務真係好滿意。作為一個半紅不黑嘅FB 專頁管理員(實在好怕用嗰三隻字),至怕就畀人覺得R著數。
甲、 (*)講返坡佬,正係耆英證券年代。呀聖上坡佬真係坡級精英,西裝骨骨,對鞋閃到發光,個GEL到當鏡,英文講得好過鬼佬(親耳聽佢屌到啲白鬼一楝都冇)。食親都要酒店嘢,住親都係文華。嗰次我有機會同聖上食早餐,就係多得我跳草裙舞。然後當年老闆呀老馮send email 同啲sales講,拿我而家同聖上講想升呢條友兼加佢人工,大家覺得佢做得好嘅就附和兩句,當然覺得唔好嘅亦可以照講。咁當然就大多數人都附和。然後我咪升職加人工,仲由呀坡佬親自接見我(當然佢本身都嚟開香港)。
乙、 我仲記得我著住件拜仁慕尼黑嘅風衣,去文華食早餐,畀坡佬屌我。話,呀埃汾,你而家高級行政人員(?)嚟架啦,Wear a goddamn suit。仲有呀,冇理由老細同你食早餐要老細等你。諗下,都係。結果後來我都好似冇著西裝,但就冇試過要老細等我。然後坡佬繼續誇誇其談分享佢嘅做人道理,講要build your own franchise (我不致於以為佢叫我去開七十一嘅),think entrepreneurially。事隔數年,都覺得佢講嘅有啲道理。
丙、 拿,成日話我唔講,講咗實例啦。點樣順境時贏人多啲。咁點解係我去同坡佬食早餐,唔係第個丫。就梗係因為我幫我直屬老細解決好多佢唔想做或唔識做唔會做嘅嘢啦。點解啲sales個個話同意丫,首先因為我老細同佢地frd(你跟錯老細而唔轉工咪就係你問題),亦因為本人係任屌無怨嘅。真係半夜十點十一點打嚟架。咁你鍾意話work嚟把撚嘅,咪把撚咯。
丁、 咁當然,除咗呢啲廢老自high,其實最主要嘅原因—都係因為嗰年股市好好,隻光大(165)三蚊升到三十幾蚊!啲客買咗好歡喜。咁你話,關你埃汾撚事咩,你呼瘋換乳咩。冇錯,係唔關我事。但,本人就走去推隻光大嘛!唔撚係推隻恒生嘛!拿,咪教你,順境時點贏得多啲。你話,鬼唔知咩。但唔係架,真係有啲人,見個市發晒癲,都仲係諗,買大家樂啦,會加價呀。咁就大檸樂。升市,梗係推到最high beta嘅嘢啦,然後自己再leverage on 嗰樣嘢
戊、 咁你話,喂,之後爆煲喎。係呀,爆煲咪認死狗咯。「喂鬼估到雷曼爆煲咩」「我打份工啫大佬,咁醒發咗達啦」,總好過你走去同人對鬧。客輸錢,都係志在心理輔導,搵人掃下背脊,同埋同客嘅客交代啫。唔通望你回水畀佢咩,定賣你去出私鐘?咁你咪低低地認衰仔。拿,教埋你點逆市輸少啲啦。見唔見到好多人嘅問題係乜?就係順境時個ego太細,逆境時個ego就太大。
己、 俗語所講嘅,敢輸唔敢贏,就係呢種。當然阿水都識講贏谷輸縮啦,但玩落又另一回事。
庚、 又變咗職場胃腩,不過今次正文千八字,後記一千,有進步。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
乞衣煲雞 在 Foodsearchers Facebook 的最佳解答
人氣超高嘅大排檔🍚🥢
位於深水埗嘅「增煇」雖然年資唔長,但估唔到大排檔都可以拎到米芝蓮推介🏅🏅🏅 人氣之高,週末好多人等位,閒閒地都要等1粒鐘左右。
.
呢度價錢其實唔算便宜,食海鮮嘅話,人均都要$250-400左右,但整體菜式都幾啱foodsearchers胃口,尤其海鮮夠新鮮,煮法幾特別,竟有一道菜以乞衣雞鹽焗煮法焗東風螺😋 foodseachers個人推介:1️⃣胡椒豬肚浸花甲 (花甲煲湯好鮮甜)、2️⃣椒鹽瀨尿蝦 (蝦肉爽口惹味)、3️⃣花枝釀皮蛋。
.
增煇大排檔 & 增煇藝廚
深水埗石硤尾街31-33號地舖
#深水埗foodsearchers #港式foodsearchers @ 增煇藝廚
乞衣煲雞 在 辦公室日報 Facebook 的最佳解答
【暑期工桑拿侍應見聞】
大家好似對我做過桑拿侍應同埋誤入馬拉外圍公司好感興趣,好啦好啦,一單還一單,我交代埋桑拿侍應嘅點滴先,因為馬拉外圍嗰單我想正經啲紀錄來龍去脈,世界盃就到,想一盡綿力,叫啲人唔好賭波。
桑拿侍應暑期工其實我做得一個月左右,幾錢糧都唔記得喇,不過真心講句,啲同事又幾好,當年係返通宵,班友放咗工仲會約埋一齊食早餐,有時啲老粗之間嘅感情,往往比中環商廈一班西裝友更真摰,因為大家唔使扮嘢吖嘛。
我當時暑期工個職位叫更衣室侍應,大約有兩至三個人企喺Locker房,聽到接待員大大聲叫「歡迎光臨」就醒水喇,然後啲客嚟就開Locker比佢哋擺嘢,等佢哋換浴袍,換完就扮晒同佢兩條key一齊鎖Locker。
佢哋唔係個個Locker都會開,主要睇人,如果大大隻隻陸軍裝咁就通常都開佢Locker,睇下銀包有冇警員證,由於我只係暑期工,所以冇份參與,佢哋手腳勁快,好明顯訓練有素。
嗰間係邪骨,有ABC餐,應該大約指齋dum同埋有特別服務,A餐最純潔,B餐我都唔知係乜,C餐佢哋稱為「魔鬼C餐」,唔使解釋啦,聽講我去做暑期工之前,佢哋就中過一次伏,叫魔鬼C餐嘅係便衣,技師當場斷正,但係罰咩同埋點罰就唔知喇。
最搞笑嘅一次係有個客偷煙,事緣嗰間桑拿嘅煙係無限量供應,擺喺一個畀客休息同埋食嘢嘅大廳任佢哋拎,但有個客應該想拎埋返屋企,用毛巾捲住大約20支左右,走嗰陣開Locker佢忘記咗,一郁條毛巾就跌咗成堆煙落地,嚴格嚟講又唔算偷既,不過冇預你拎走咁多啫,我哋班侍應相對無言,幾百蚊去一次桑拿,你偷埋啲大陸煙把鬼咩,真係樣衰。
畀客休息同埋食嘢嘅大廳都可以任員工拎嘢飲甚至食個麵,基本上個客有咩食,我哋自己一樣可以免費order,我都係嗰陣先知益力多喺行內叫「大力」,最多客人叫嘅飲品就係大力加冰同埋餐蛋麵,呢間桑拿仲有例湯,真係有個阿姐負責煲,幾鬼Pro。
見過一個議員同兩個明星係真既,不過大家唔好估邊個喇,講到明人不可以貌相,真係冇咁易估到,而且都要有啲道德嘅。佢哋喺Locker換衫嗰陣千祈唔好懶叻叫佢,或者講:「呀乜生,我好鍾意睇你做戲。」千祈唔好咁做,要扮唔識佢,要佢覺得自己係普通人,咁佢先會滾得安樂,呀Sorry,係dum骨dum得安樂。
最乞人憎就係嗰啲留睡嘅雞蟲,呀sorry,又講錯,應該係留睡客,我哋通宵更收工之時亦係桑拿嘅拉閘時間,如果個客叫極唔醒咁懶瞓豬,就會阻住全世界收工,收銀個阿姐一定會詛咒佢祖宗十八代,仲要等佢畀錢嚟埋數呀PK。
我記得辭職當日班阿姐仲留我,但唔通放棄學業嚟做桑拿侍應咩,總括嚟講都係一個人生經驗嚟既,幾難得架!有人同我講,話自己做過桑拿侍應驚唔驚影響聶瞳形象,唓,一來我都冇形象,二來又唔係去偷去搶,都係靠自己雙手搵食啫,細個屋企環境唔係咁好,唔係出身大富之家,我反而好慶幸有呢啲經歷,個個都含住金鎖匙出世咩。
其實我啱啱出嚟社會仲做過call center、文員仔、校務處、銀行......多到我都唔記得,係未做過鴨,有人問咁Jumpy張CV咪好花,咁又冇喎,因為我嗰種Jumpy全部喺剛畢業時發生,而且Jump到得一頭半個月,只要將「出道」時間推後,已經可以全部skip晒。下次想聽我邊份工啲經歷?直頭可以學連登咁,出個「你問我答」嘅post。