//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
即係一日唔死一日都有新聞，繼美國股市一連幾次熔斷之後，又輪到美國期油合約跌到落負數。
細個我地成日都話要天生有錢嘅最好就係出生響油王世家或者嫁比個油王，因為石油就係「黑色黃金」──而你點估倒油價會有跌到0，甚至負數嘅一日？
首先我地要明白，開採石油係一種持續性工序黎，意思即係當你成功開咗一個油井之後，石油就會源源不絕湧出黎，所以如果你要重新封閉油井同樣需要昂貴成本。過往無人會考慮呢個問題，係因為石油永遠求過於供，但萬一當石油持續泵出黎而又無人要的時候，你就會持續增加儲藏石油嘅成本，而當你再無位儲石油一刻，就唯有響封油井同比錢人幫你運走石油之間作出選擇。
而家我地響網上睇倒嘅負油價，並唔係你同我或一般投資者都可以隨時買得倒果種期油，而係需要進行實物交易嘅合約，換言之無可能你響手機到篤兩篤入咗幾批期油入戶口，然後仲可以賺埋負油價筆錢咁著數。
有網友話而家負緊嘅交易合約都係響聽日到期，換言之如果你接咗呢批石油實貨，就有責任響正式交易日搵批車隊走去油公司個倉庫度運走你買咗嘅原油，聽講每張石油交易合約最低交易額係1000桶，而我提提大家，每桶石油嘅重量係160公升……
以我執筆之時見倒-37美元呢個價位計，就係每桶原油油公司會比37美元嘅「處理費」你，而你就要拎住呢30萬港紙，根據番當地嘅環保、儲存易燃品條例去安置呢1000桶原油……
所以攞完油仲有錢收唔係你所諗咁過癮架！
當然，而家負油價其實係由於合約到期，中間可能都牽涉炒賣成份於其中，有人借勢夾爆好倉都會係原因之一。仲有，而家油價不斷向負數尋底，我地仲要睇下個成交數，換言之如果無人承價，可能都只係一個理論價；到聽日即月石油交易合約順延一個月，可能個價錢又會回復正常……可能掛。
其實商品價值歸0或者跌到負數並唔罕見。都唔駛講到以前好多農夫都會因為意外嘅豐收而將收成倒落海以維持價格，近來因為武漢肺炎，經已有新聞報1多牛奶商將一桶桶牛奶倒落坑渠（因為你無得叫乳牛斷奶），將一車車士多啤梨任佢腐爛（因為封城搵唔倒貨車送出去），石油之所以會跌到負，係因為佢唔可以求其倒落海就算，比起垃圾更麻煩咁解。
有人話油價跌代表經濟仆街，呢度又要解釋一下：油價跌呢，基本上只係一個訊號，話比社會聽呢個世界需要用油嘅人同企業少咗，換言之代表經濟有好大機會放緩咁解。其實油價跌係唔會令經濟仆街的，因為即使油公司會因油價歸0而仆街，但因為咁對經濟造成嘅破壞，又會因為油價成本低咗而響整體抵消番。
所以今日負油價係咪代表經濟仆街呢？咁如果聽日油價反彈唔通又代表經濟立刻復甦？既然係訊號，就應該拉長黎睇先有參考價值。
仲有好多人話，負油價係咪即係等於日後油站免費送油比車入？咁當然唔係啦。原油要變成汽油，當中要經過繁複嘅煉油程序，愈高質嘅汽油煉油嘅成本愈高。然後都仲未計高昂嘅運輸成本──記唔記得我同你講，每桶石油其實係成160公升咁重？然後仲要係易燃物，響運輸過程一定要極端小心？結果汽油嘅價格大部份其實都走咗去呢度。
所以點解一桶油當賣80蚊美金，實際上都只係值0.5蚊美金1公升汽油，但係你入油隨時要成十幾廿蚊港紙1公升就係咁解。不過香港油價你話無寡頭操縱就真係搵鬼信，因為如果只係因為煉油成本令油價高據不下，咁無理由全世界汽油都係咁跌，係得香港跌得咁小家嘛，即係個反壟斷法針對香港油公司，似乎都係無乜撚嘢用……
乳香世家價錢 在 [問題] 推薦用來泡奶茶的奶粉- 看板Drink 的推薦與評價
各位大大
因為牛奶比較貴
想請問有推薦用來泡奶茶的奶粉嗎？
謝謝
--
※ 發信站: 批踢踢實業坊(ptt.cc), 來自: 111.255.59.241
※ 文章網址: https://www.ptt.cc/bbs/Drink/M.1423044819.A.B5A.html
... <看更多>