其實真的很感動The Room會有機會在十五年後於香港的戲院上映😭
再次呼籲大家The Room跟The Disaster Artist要連著看
(當然先看The Room你會爽好多)
Disaster教曉我凡事沒什麼不可能
所以
我相信有朝一日Tommy會來香港會見我們的🤘🏻
#YoureTearingMeApartLisa
#HiMark
【感性感謝文，多膠少趣】
終於完成了，鬆一口氣。各位去左首映嘅朋友，你地在FB, IG post的相、寫的字、評的分我地都睇曬了，讚到我地咁好，紅到面曬呢！
首先，要多謝Tommy拍左套驚天地泣鬼神的神片，成為一個文化，一個cult，一個邪教。雖然佢忙於美國巡迴Screening唔得閒來，但佢活在我地心內，分開也像同渡過。要多謝Wiseau Films的接頭人，佢地果然係Tommy的員工，有著Tommy的影子，一直以來畀足100%自由度，零自我審查，非常信得過我地。就係因為個信字，我地都唔想辜負佢一番美意，想盡力搞好放映。
然後，好重要，要多謝兩個人，就係我地自己！我地自己令到我地自己明白到我地係唔會跌倒，我地好堅強，我地嗰種毅力，一個字，強！由聯絡Wiseau Films、聯絡戲院、海報設計、剪片、做effect、字幕、片名、故事大綱、電檢、Facebook抽水posts、物流、賣辦……都係由兩個腦4隻手搞掂！如果你地覺得D野好正，麻煩摷返底果D post，畀個like支持下。我地再要多謝最深處的自己，緣於on9，止於on9，到底我地有幾咁on9先會搞壇咁嘅野？我地都擔心業界有道德人士會批判，將電影業搞彎曬，推廣劣質文化產物，導人向惡。後來諗，是但啦，我地班觀眾睇得開心咪得囉，We撚don’t care負評。
接著，要多謝一班專業組別的義工，包括來自電影發行、電影製作及傳媒界別，由consultation、技術支援、宣傳、庇護、做樹窿等等，令件事及我地的情緒都梳理得非常順暢。首映當晚our favourite host Glass Onion 音樂筆記，請多多支持獨立文化媒體。
仲要特別多謝 Golden Harvest 嘉禾院線仝人。負責包場的同事非常有誠意為我地解決問題，細場轉大場，成功爭取掟羹，有份製造呢個觀影歷史性一刻。海運的前線員工非常幫得手，控制人群維持秩序，而且留守到最後執羹清場。
最後，當然要多謝咁多位嚟到支持嘅觀眾，多謝你哋一路以來的包容，由我哋自製關公到琴日派飛時的混亂場面，大家都冇屌我哋（或者就算屌都唔喺我哋面前屌），實在是無言感激！琴日在現場同大家一齊掟羹、一齊屌、一齊笑，氣氛非常好，好似開party咁，散場後我哋都覺得呢個活動搞得非常值得！仲有，大家完場之後仲肯留低一齊執羹，實在是天地有情，人間有愛！！！！
真係最後了，如果大家現場有拍片同埋影相，麻煩都send俾我哋呀(e-mail: [email protected]，我哋想剪返條片俾Tommy佢哋呢！我哋每條片都會落返credit的，謝謝！
如果你地睇到呢度，多謝你，係真愛呀～
#TheRoominHK
#感謝時露出胸脯是常識吧
#如果你見到我就知我冇乜胸脯
#所以獎你明荃大粒的
#五分鐘photoshop與Tommy大合照
#BeingTommyWiseau
