《HR是這樣迎接春茗的》
最近HR呢個部門大事一單接一單，Bonus趕住出、聖誕Party就快到、農歷新年嘅春茗又即將降臨，HR同事到底要獻出幾多個心臟先可以順利過年⋯⋯春茗係好多公司嘅重大活動之一，負責做攪手嘅HR，早喺耶穌生日前已經開始為春茗做足準備。
1.搵地點
春茗地點嘅選擇本身係一門藝術，去得太遠驚未食完就冇曬人，近近地大家又話食到厭。地點唔就腳，隨時個個都寧願返屋企食飯。冇人嚟嘅春茗，老細一定㷫，下年budget歸零，turnover加幾成，HR好慘情。
2.表演嘉賓
春茗呢啲咁開心嘅日子，冇唱歌跳舞表演又點得？唔好諗住有影視紅星演出，大部分公司只能夠搵同事扮影視紅星演出。HR身負重任，喺公司內物識表演慾強勁嘅同事及高層，搵唔到？HR自己上台棟篤笑囉，最多畀啲idea你啦：
「有個癲佬係架飛機度抌咗個滅火筒落嚟，點解？」
「因為佢係癲嘅！ 哇哈哈哈～ 」
「有個人跑跑吓突然死咗，點解？」
「因為佢畀上題個滅火筒壓死咗呀！哇哈哈哈～ 」
老細呢個時候一定會配合你表演：「⋯⋯⋯人嚟，攞個滅火筒嚟！」
3.抽獎禮物
抽獎係春茗最具吸引力嘅環節，呢段時間HR會變成燈神咁收到好多同事嘅願望，例如iphone、雪櫃、吸塵機、50寸大電視。望一望budget，要列出一個唔會令同事失望嘅禮物清單，絕對係一門博大精深嘅學問。
4.選菜單
菜單係最高風險嘅一環，菜色選擇要夠多，因為菜單隨時要畀高層修改N次。因為當日要做嘢關係，連見到啲餸一眼嘅機會都未必有。如果菜單唔啱食，最終都係入食都冇食過嘅HR數，所以一定要小心選擇。
棟篤笑同買禮物都可以遲啲諗，但春茗至少一定要食得好，而且要早啲book。如果大家仲諗緊去邊食、食咩好，可以考慮下美心今年嘅春茗菜單。美心菜單款式多，仲有八月花/八月居嘅精緻菜單，食厭咗傳統粵菜又可以揀潮式套餐。而且分出店遍佈全港九，一定搵到個最好嘅地點攪春茗。
另外，如果你諗唔掂啲菜式，佢地仲有查詢熱線畀專業意見你。
查詢熱線：2101 1128
想知更多菜單資料，請按此連結：https://bit.ly/2A0ZmuZ
#美心中菜 #團年春茗 #一年一度又到春茗 #人事部的小煩惱
美心中菜
