話說，好多人都send葉劉今日嘅圖俾我，其中一張提到我。我忙碌左成日，講少少咁啦
大致就係咁嘅，有一日，葉太同佢嘅同事直接或者間接暗示俾我聽，佢就嚟生日
我當時首先諗起蕭伯納同邱吉爾嘅一啲交往情節。當然，我冇咁強嘅能量，用西式幽默感回覆佢，而且，佢手腕好好
例如，葉太邀請我幫佢新書寫序，我通篇都是罵她，非常唔客氣。佢一字都冇刪減我，直接印咗落本書度。
我嘅價值觀和信念同佢南轅北轍，但係因為電視節目，令我哋有特殊嘅聯繫。得罪佢，我冇運行，國安會搵我。對佢太好，更麻煩。我同佢一直保持友善嘅距離，因為我好怕政治，正如佢選委大獲全勝，我冇恭喜佢。佢身邊有好多想上位嘅年輕人，我亦唔想令佢哋覺得我要撈油水，節外生枝。我最憎政治。
由於葉太intentionally or unintentionally對我太客氣，基於華人社會倫理，我只能回禮。佢越對我有禮貌，我就更加要10倍有禮貌對佢，方顯得我有水平、有教養、有家教
巧思，就喺禮物嗰度。
我刻意揀咗四喜餅家，印咗佢封面嘅月餅，同埋白蘭樹下嘅Gin。我亦係一張紅色印着蘋果嘅卡上面寫咗幾句，我節錄少少：
「Dear Regina,
我送給你的是白蘭樹下的Gin和四喜的月餅，Gin的味道沉穩，月餅包裝帶有幽默感，望你喜歡。它們都是香港本地製作，和我價值理念比較相近，跟你可能有點距離。物輕情意重，在我心中，他們盛載的價值不輸Hermes名牌。我依然相信，香港曾經可愛，是因為我們容得下多元價值……
……多畫兩個心心送你❤️❤️，祝你生日快樂。
Stanley 渾水」
我請教過我的好朋友真。葉朗程，問佢意見。佢話佢都諗唔到更好嘅處理方法。或者，真係會有一百種更加好嘅回應，但能力所限，我覺得咁做，至少保存了自己嘅氣節，維持基本風度，合乎華人倫理，有禮貌之餘亦令到佢舒服，再加，少少幽默感。
祝大家，中秋節快樂，人月兩團圓。今日葉太出咗好多相，希望大家保存體力，早點休息
Perfume Trees Gin 白蘭樹下
@四喜麵包西餅
人月兩團圓下一句 在 Miss Vivian Liu - 趁着中秋佳節，這個人月兩團圓的日子 的推薦與評價
趁着中秋佳節，這個人月兩團圓的日子，教大家一句關於月亮的英文句子。 ... 從字面看：「我愛你愛到來回月球。」意思即是：「我非常非常非常愛你。」❤️ (重要的事情要講 ... ... <看更多>