《 2018年小事回顧》
2018年，可以算得係「死亡之年」，仲有一日多啲，只有63歲嘅導演林嶺東都過唔到。
佢拍嘅《監獄風雲》可以算係香港人嘅集體回憶，發哥大叫「食屎狗」嘅經典場面， 肥媽唱嘅《友誼之光》……… 俱往矣 ！
今日肥驊可以當眾高歌「人生於世上有幾個知己……同CY友誼能長存……」真係厚顏無恥到極點！
經濟投資方面，蕭若元大力推薦bitcoin(當時bitcoin由萬五升到兩萬美金)，我寫咗兩篇文章逐點反駁，希望讀者見好就收，仲發明咗一個新名詞 "Burnhillism" ，竟然連google 都收錄咗，唔信大家可以google 一下。
當時唔少人話我唔識blockchain(其實我真係唔識，畀人識穿咗真係好冇面)，不過我長文解釋掘bitcoin等於掘恐龍糞便化石，數量有限掘完就冇。
一粒絕咗種嘅恐龍屎值幾錢？ 你話呢？
Bitcoin目前跌咗八成，現時市價徘徊喺三千美金左右，而家推銷掘礦機嘅乜野火燎森、乜嘢幣少嘢都收曬皮，我仲生勾勾響度大發偉論……
100毛上巿，炒高成十倍，我淨係寫咗一句「請參考翠如BB股」，9月11號100毛跌破底價，現時停留响招股價徘徊。
呢啲文章依家都仲白紙黑字有晒紀錄，唔係乜嘢馬後炮，只希望讀者信者得救……
2018年，我寫咗好多故仔，但係最深刻嘅回憶，一定係5月份寫嗰篇《給陳婉嫻的公開信》，講述北角兩個小姊弟畀港共炸死嘅悲慘真實故事……
嗰個故仔破天荒得到超過35萬次瀏覽，超過4000個讚好同埋留言，2600次些牙。
今日我可以話畀大家聽，當晚自己一路寫、一路喊……
李懂媽
人生於世上有幾個知己肥媽 在 友誼之光(1987年電影《監獄風雲》主題曲) - YouTube 的推薦與評價
... 友誼之光(1987年電影《監獄風雲》主題曲) 原曲: 綠島小夜曲作曲: 周藍萍作詞: 南燕主唱: Maria Cordero 人生於世上有幾個知己 多少友誼能長存今日 ... ... <看更多>