［John Mok的人生智慧］（＊）小事大意義！
明報原文：網上炫富「教發達」 兩騙徒被捕 22人遭騙282萬 （https://bit.ly/31e8U3Z）
可以整個人生財技系列，向賴叔 致敬。唔好笑呀，唔係叫你下下計算住人（＊＊），而係埃汾成日講，唔使打嘴炮的。固然起跑線好重要，但計同樣起跑線，都有啲人跑出有啲人一pat屎。點解？就係因為有啲人成日做錯決定。你嘅人生就係你一連串決定嘅後果。日日小柒，十年後就好柒。
而亦講過，大環境影響絶大多數人，逆境發圍談何容易。但逆境時輸少人地一啲，順境時又拋出其他人多啲，幾個周期就自然拉開晒。
之前寫過PTFG嘅分贓不勻問題（https://fbook.cc/3EJb），人地落場砌，你就涼冷氣齋抽佣，必然出事。亦都寫過補習天王的風險管理（https://fbook.cc/3EJZ），開晒班咁平賣做mass market，好易出事，應該只係做幾個高端客，但收佢貴一貴。
今次呢個，我地又睇下有咩學到？
第零：發達都教人？瑞士山區肺咩。咁教嗰個發咗未丫？同你有親？基本上百份之七八十嘅筍嘢，都過唔到呢個瑞士山區肺測試
第一：內幕嘢，就信刺猬（專才）多過狐狸（通才）。好撚簡單，又比特幣又澳門賭場又大嶼山通行證？都唔撚make sense。明顯伏地。
第二：橋唔怕舊。「又上載大量現金、名車的奢華生活照博取信任」。冇法，就算埃汾，都係要玩呢個cherry pick式自吹自擂，得閒睇下邊個call中得好勁，然後大大個紅色圈住佢「中」「這才是真正的中」「大師冇點你」「You heard it first from Ivan」．固然有時係合作夥伴要求。但點解要咁？因為啲人受。大家就係信呢啲倫敦金MK仔微信女船P數銀紙。其實，你見過有錢人未？我就見過下富二代。身家過百億港紙嗰啲啦，齊齊飲酒唱K食飯。咁當然你堅持話百億港紙唔係錢，Jeff Bezos先係有錢人，ok you win．但我冇見Jeff Bezos走去拎堆美金打卡。咪就話人性係冇嗰樣整嗰樣，肥仔打機鍾意用Vega（西班牙佬），瘦奀奀嘅就用蘇聯佬。露波嘅要人留意佢演技，靠樣嘅希望人留意佢才華，冇錢人先鍾意數錢，富二代就要「證明」自己唔係靠屋企。我想講，有一劑某富二代（唔係頭先嗰個，呢件仲出名，出名到我唔可以開名）請食飯，事後要大家夾返錢！兩圍人，一人唔知兩百蚊咁上下。呢啲就真係有錢人啦！！！！正如四叔食飯都叫酒樓送糖水。
第三，80/20 Pareto，甚至更加極端。傻西唔使多，扑中一個夠晒數。請睇，22條友，呃咗282萬—但有250萬係同一條友！而我肯定，呢個一定唔係最笨柒嗰個。照計咁笨柒應該冇250萬畀人呃。善泳者溺嘛。
第四，貧窮幾時都限制人嘅想像力。唔信？請睇吳婉芳間屋（吳婉芳）。你老味中間張相我以為係Google啲外國樓廣告！但原來係佢間屋！在香港！你睇呢個乜乜團隊，就只係寫「月入十萬不是夢」。真係目光如豆，如豆過茹光斗。十皮嘢你就想有嗰啲影相嘅生活？香港地十皮嘢固然都相當好，高過中位數好多。但都只係中級中產咋。咁寫「月入十萬不是夢」配嗰啲圖，就明顯露晒底。即係你唔知富貴生活係點都算，至戇鳩在佢連「月入十萬」咩生活都唔知—即係自己都冇試過接近呢個數。Phew~~~~
第五，反清復明，口號嚟啫。啲人嘅智力就係咁撚低。就係要用口號。你稍為有智商嘅，黃絲藍絲都好，都知冇可能同時又「光復香港時代革命」又「所有受香港暴動影響收入既朋友」！但唔緊要，最緊要有口號。或者係有助畀人search 到
第六，強調「絕無欺騙成分」。幾時都係冇嗰樣整嗰樣。唔係假波使乜講明？我講賭波。你見大陸賭波網嗰啲，季尾咩意丙芬乙之類嘅，就強調絶對唔係假波。大學年代，搵mp3（好似犯法的說），嗰啲咩寫明「高清」「冇雜音」「CD版」嘅，全部都係電台版廣告版。真CD版？你只會見到trk1.mp3 咁。
更多人生智慧（！），盡在Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
（＊）其實而家有冇人知邊個John Mok？
（＊＊）當然有個講法，咩係自私？你自私到影響咗個長遠利益咪自私。
