#今日探咗袁嘉蔚
聽佢啲朋友講，今日佢知我探佢，專登紥起個頭，前陰梳到齊齊整整，同平時見佢哋披頭散髮好唔同。哈哈，好靚女呀佢今日。
佢精神唔錯、清減咗少少，不過佢都適應咗現在生活，大家唔駛擔心。佢對香港現況都跟得幾貼，除咗時事政局，當然仲有Mirror同Error，一講起佢都好雀躍。講真，佢仲好似熟過我咁。btw，我唔記得講佢知，連登有人話我似193個妹 🙂 (我，靜過太空)
15分鐘嘅對話，邊夠我呢位前DJ講吖，正當我講得興起，就已經夠鐘。Say Goodbye時我用右手捶胸，佢又以右手捶胸回應，大家心照！
最後，都想大家考慮下寫信俾佢同其他還押或在囚人士。佢哋同人接觸少，但信件可以慢慢睇。
寫俾袁嘉蔚，可寄去呢度：
#九龍中央郵政局73962號
有人會轉寄俾佢嘅。想寫俾黃之鋒都可以寄去呢度。
P.S. 想知寫信有咩留意或禁忌，自己去石牆花個page睇啦！
