忍唔住要分享下,呢個被Bella完美演譯食完毒蘋果後嘅白雪公主😅
#今次皇室真係欠白雪公主一個交待...🤦🏻♀️
#其實我係想話喺樂園買咗個抵夾正嘅福袋😍!
呢個白雪公主都係福袋入面嘅禮物,所以就算阿囡梳燶咗佢啲頭髮,我都唔會好肉痛😂
👉🏻佢邊梳邊發忟話白雪公主仲咩唔洗頭,啲頭髮痴住一舊舊😅其實人哋髮型十年如一日,痴住就係怕你梳亂,而家梳到人哋甩哂頭皮🤦🏻♀️高雅嘅外表頃刻破滅!
👉🏻咁把梳出現嘅作用,難道係梳自己個頭🤔
至於抽褔袋呢件事,過往去日本做先有滿意成績,以前喺香港抽過幾次唔同商業單位、唔同產品種類,都多數失望或只能勉勉強強收貨,包括幾年前亦試過喺樂園酒店入面抽嘅福袋😅!
所以今次純粹見平平哋手痕,但用百拎蚊又買到袋打開時我都會嘩一聲嘅,又真係好滿足㗎🥰 感覺呢期福袋啲內容都唔錯!
$189有啲咩?
入面包括有Snow White公仔一個、一本Frozen填色畫册連顏色筆、一頂cap帽、一個米奇頭blingbling掛頸卡套,一包tsumtsum磁石同一套四張postcards!
頭兩樣已經溶咗Bella個心啦,我就好鍾意頂帽,啲產品原價加埋$798,所以我覺得都物超所值啦🥳!
🛒奇妙處處通會員可直接189蚊買、否則就買滿350蚊加189蚊買。
㊙️心得:記得福袋呢啲運氣玩意係玩隨機同無得退㗎!(不過佢哋每袋都有號碼😏)份份內容不同,但會保証原價總值,你可以靠目測、輕輕手摸去feel下入面嘅嘢,但千祈唔好咁衰拆爛人哋個包裝袋出貓呀!Good Luck㊗️
無咩事我出去幫白雪公主漿返個髮型先🤧
#福袋 #廸士尼福袋 #有驚喜 #白雪公主
Search