關於 介紹幾枝好嘢玩吓 ，我們在網路上蒐集到這些相關的討論、資訊與評價

是誰令菠蘿更加性感？

//感性的金城武說：「從分手的那一天開始，我每天買一罐5月1號到期的鳳梨罐頭，因為鳳梨是阿May最愛吃的東西，而5月1號是我的生日。我告訴我自己，當我買滿30罐的時候，她如果還不回來，這段感情就會過期。」

又台灣，又鳳梨，又5、1，《重慶森林》幾時會成為禁片?

到期之後，是過期，很均真。一個合約一個承諾，未到期，提早過期，才是詐騙。

禁果，很sexy。中國不小，但世界很大。又一次。

被禁了的4萬多噸菠蘿，「農委會主委陳吉仲前不久表示，現時的國內外認購總數達41,687噸，已達5萬噸目標的82%……」

忽然好想吃菠蘿，或者台灣鳳梨酥，配甚麼酒好？

想得我腰果眼也彎出來了，咁好玩即時發短訊給兩位侍酒師老友，出題：菠蘿。//

酒，有很多種味道：花氣、果香、泥土、蜜糖、香料、礦物等等等等之外，有些fruit of the month、wine of the year，當中還有自由的味道。

美國學者Riley Walters在Twitter說，「沒甚麼比台灣鳳梨酥更適合配搭澳洲酒的了」：Taste like freedom。

#菠蘿 #鳳梨 #很想要吧
#真係有酒配架 #介紹幾枝好嘢玩吓
#問埋專業侍酒師的選擇
#一齊玩吖嘛
#自由的味道
#葡萄酒星期六 ＃LoireValley好嘢嚟
#澳洲有甜酒架喎 #都有好嘢架

呢個門口開得咁神秘，究竟入邊有啲乜嘢好嘢食呢？芝麻開門！

台灣出名食麻辣火鍋就人人都知，近年仲要興起吃到飽嘅潮流，五六百蚊台幣任飲任食包甜品，你都咪話唔抵喎。不過今日介紹呢間麻辣火鍋就係逐碟計嘅，有乜咁特別？依家就同大家睇吓！

今日我就揀咗個鴛鴦鍋底，一邊係傳統嘅麻辣，而另外一邊就係昆布清湯底。湯底嚟到我就見到麻辣鍋個邊已經有大大嚿嘅鴨血。同出邊可以加鴨血唔同，呢度嘅鴨血好矜貴，一人都係得兩舊嘅咋！

話咁快就食得喇！首先睇吓呢碟台灣本地溫體雪花牛啊！乜嘢係溫體牛呢？原來溫體牛通常係喺深夜屠宰，朝早就可以拎出嚟市場賣，完全冇經過冷凍或者冷藏，肉質鮮嫩又多汁！睇吓我啲碟溫體牛先！係唔係見到都想食呢！原來食溫體牛都有特別嘅方法個喎，鍾意食生啲嘅朋友可以將片牛肉放喺碗入邊，再落啲滾嘅湯將牛肉輕輕灼吓，跟住就食得喇！提提你喇！呢度只有特定日子有溫體牛賣，記得打電話嚟訂咗先有得食架！

不過總有朋友好似我咁唔食牛，嚟到呢度一樣有好嘢食！跟住落嚟要介紹嘅，就係西班牙伊比利豬梅花 (Iberian Pork)。伊比利豬因為有嚴格嘅飼養同埋運送過程，係唯一可以唔使熟曬都食得嘅豬肉，我就鍾意淥到啱啱轉色嘅九分熟，保留豬肉嘅香味同埋嫩滑度，真係好食到不得了。

嚟到麻神最出名嘅當然係溫體牛同埋伊必利豬，不過另外一樣野個個都知道嚟到呢度係限量食嘅就係我手上呢舊鴨血喇。好多人都話鴨血喺其他麻辣火鍋係任加，點解呢度咁矜貴呢？矜貴就矜貴在呢，呢度係用刀叉食架！切落去成舊鴨血你會見到唔會散，嘩...... 擺落個口係彈牙、仲要非常香，冇血腥味，咁靚嘅鴨血，我咁大個仔呢，次次都係要嚟呢度先食到嘅。正。

呢杯初戀貴妃分子飲都係麻神嘅特選推介，新鮮嘅檸檬汁配搭蜂蜜再加入分子荔枝喺你口裏面爆開，口感特別之餘都可以消濟開胃㗎！呢度樣樣野都咁新鮮，睇吓啲蝦同埋帶子！仲有火鍋必備嘅菜籃、餃子、同埋各款肉丸等等...... 咦點解有煲嘅？原來呢煲係麻辣豬大腸，上碟嘅時候已經熱辣辣，當你等緊湯底滾嘅時候，已經可以食住等！

到飲飽食醉嘅時候，點解會叫即食麵呢？你唔好多手自己走去淥喎，等我搵個服務員嚟先，跟住佢就會將兩個即食麵放入麻辣湯底，煮大約兩至三分鐘，跟住夾起啲麵，加入辣油、香油撈一撈，再加入蔥花就搞掂晒。睇我食得咁滋味，就知道呢碗吸收咗成個火鍋精華嘅即食麵有幾好食同入味啦！

麻神喺地鐵綠色線台北小巨蛋站附近，最後入座時間去到晚上12點，夜咗想食一樣冇問題啦！



麻神麻辣火鍋
地址｜台北市松山區南京東路五段8號3樓
交通｜捷運南京三民站步行10分鐘
電話｜(02)2749-2508
營業時間｜上午11:30-14:30、下午17:00-23:30
線上訂位｜https://reserve.toreta.in/spicygod/#/

蟬唱不斷，斥訴着深水埗鬧市的翳悶；蟲鳴不止，嗟嘆怎麼仍未爬離車水馬龍的大埔道。
颼颼啾啾，忽而一陣涼意撫慰一身風塵汗雨。冷風源自右邊的小店。然而，小店並非如風般清新，只見門外攤放着鋪了薄薄塵土的杯碟﹑電插座﹑行李箱等各種風馬牛不相干的雜貨。舉目掃視，店內擺設密密麻麻，未來得及看清貨物，雙目就被上方一道赤熱刺中，瞇眼一瞥，原來是暉光灑落在殘紅的招牌上，招致反光，勉強睜開眼睛，「聯盈公司夜冷」數隻燦黃大字映入眼簾。
啊，原來是夜冷店。

往事一如輕煙
涼風又至之時，一名目測年約五十男人亦步至門外，身穿棗紅恤衫的他，與紅招牌相當搭調。只見他叼着一根香煙，點燃起煙草。縷縷輕煙揚起，收起老煙槍的淡然，他漾出一抹頗傻氣的笑容，介紹着自己是店主，人稱小明。呼出一口煙，他口沫滔滔地介紹着這間與他相好四十載的店子。
「夜冷」一詞，其實從葡萄牙文「Leilao」繙譯過來，後來傳到廈門、汕頭有所變異，輾轉傳到廣州，方才開始叫「夜冷」。小明搔了搔頭：「我唔識英文，總之我哋叫拍賣行做『冷行』，拍到嘢就叫『出冷』。」夜冷店嘛，當然是賣舊貨，真正的夜冷貨，正是由拍賣得來，而非私人買賣。每逢有店鋪﹑公司倒閉或住家欠租遭收樓，該址的物品一律由法庭執達吏查封，或者經會計師樓﹑清盤人﹑破產管理處處理。譬如說某月一號封鋪；七號就會通知夜冷老闆前來看貨估價，假貨、破貨一律不打價；八號早上十一時到拍賣行舉手拍賣，價高者得。投得者分配到數天時間到店裏把認為有用的貨物搬走，再安置於夜冷店裏出售。


這是一家老夜冷，由小明父親開辦，莫問年月，只記得小學畢業，十二、三歲就於店裏幫忙，後來爸爸年紀漸老退休，由他正式接手。回想起二十來歲那個年代，沒有一百都有幾十人做夜冷，因為賺錢多，買一百元的貨賺一百元﹑甚至幾百元。例如投得店鋪後，他們會四處貼上大字報，着街坊到現場拍賣。原因是當時執法沒那麼嚴謹，他們就利用法律漏洞，省下高昂的搬運費。只是，時移世易，現時實在的只可搬，不能賣，加上搬運費幾倍增，目前買一百元貨物，只賺到十五元。數數手指，由他父親那年代經營至今的夜冷店，不出兩間。而今天真正的夜冷店，也只餘數間而已。現時有很多大大小小的夜冷店，都只是掛羊頭，賣狗肉，他調侃：「好多自稱夜冷店，但其實喺內地買新貨返嚟賣，同日本城有乜分別？」
不知何時，煙已快燒盡，他吸一口，又言：「呢一行，愈嚟愈式微。」說起往事，他臉上帶點蒼涼。呼出白煙，開始理解他何故抽煙，輕輕的，如舊事。現實，又豈能如煙。


心細一如渺塵
丟掉殘煙，小明率先步進店內。繞視一周，小店呈長方形，前作買賣，後為辦公，確實是老派。貨架上的夜冷貨林林總總，最接近門口的，是衣物胸圍，排放得井然有序；刀叉碗碟﹑罐頭汽水則放在箱子裏分好類。來到中間的貨架，則放滿了花瓶﹑木製家具﹑電器﹑擺設，較昂貴的已用膠紙封好，天花上掛了數台正在轉動的電風扇。店之深處，則於高處擺放着各類名酒﹑海味藥材；金銀珠寶如珠寶店般用玻璃飾櫃放好，附近都有員工看守。這裏啊，似乎說得出的，都能找得到。對小明而言，做夜冷店最考功夫，就是第七日看貨估價的程序：「乜都靠經驗，我十幾歲做起，冇乜瞞得過我雙眼。」何止眼，要耳﹑口﹑鼻多管齊下。

第一，眼見。例如他看雪櫃，雪櫃型號他一看就大概知道價錢，值錢又新淨的才打價；鋼具，要看是不鏽鋼還是不鏽鐵，價錢相差幾倍，對他而言，九成用肉眼可分辨是鋼是鐵。他回想起自己早些年買過一間藥房，竟然把鮑魚放在門口，他冷笑：「直覺話我知，假嘅，鮑魚要放後面玻璃樽嘛，呢啲唔打價！」看習慣了，經驗令他雙目銳利。
第二，鼻嗅。有些木具，他會用嗅覺，如花梨木有花梨木的香味；酸枝又有它的味道，外表再像真也騙不了他。
第三，手觸。可以的話，要用手去摸東西，例如花瓶，並不是看到花瓶底，寫着「乾隆製造」就一定值錢。一摸下去，他就感覺到花紋是畫出來還是印上去：「睇吓花紋係咪粗身，如果滑嘟嘟，多數電腦印。」。
第四，耳聞。如近期聽到哪裏有店鋪倒閉，大多數傳媒都會公佈，所以要常看報紙，如果不聽不聞，哪有競投的機會？
最重要是心澄。倘若心裏不在乎，不用心細想，則甚麼都不成。小明倏地胸膛一挺，坦言自己除了勤力兩字外，再沒有甚麼有膽去認叻，不論大與小的生意，他都一定去看，因為這是他的工作及責任。對於自己的弱點，他亦不畏懼：「而家規定拆一間酒樓都需要牌，我雖然唔識英文，但足足上咗三個月堂，我小學畢業咋，但呢個IVE證書嚟㗎！睇吓自己有冇心做啫。」收起指着證書的指頭之際，他瞄一瞄手錶，將近十時。

苦澀如水滿肚
陣陣的撻車聲震耳欲聾，數名壯丁包括小明把尼龍袋﹑紙箱﹑板車等架生放到車尾箱後，就爬入如火爐般的車廂內開車出發。小明邊扭着軚盤邊道：「我哋而家去一間豪宅，我早兩日投咗返嚟，而家就去執嘢啦。」或許夜冷佬真的一肚苦水，一路上，他連綿地分享逸事。
原來他最怕的事有三，第一是狗。經常到處去，以為香港沒有甚麼地方難得到小明，怎料，原來他還有一個死敵——「丈量約」。新界好些村屋沒有街名門號，只有「丈量約幾段」，這令小明頭痛非常：「對住呢三隻字我真係投降，搵親呢啲村屋，都總有隻狗走出嚟汪汪吠我，我而家真係好驚狗！」第二是蚤，做夜冷一行，經常會遇到一些髒得很的店鋪，尤其食肆。有一次，他要看一家倒閉了約半年的酒樓，剛好廚房爆水管，踏上地毯的一瞬，蚤子就跳到腳上，多到不行，但他仍硬着頭皮工作，直至估價完成。甫離開酒樓，小明就把褲子脫了，他猶有餘悸：「件衫都除埋，剩低條底褲，係咁撥蚤，公園啲阿婆以為我係儍㗎！」
回過神來，原來車子已停泊好，他抹一把汗，整理好衣衫，準備迎接他第三件最怕之事，就是眼前的保安。「做我哋呢一行，經常要求人，你又唔係租客，點解要將就你？」語畢，只見他霎眼間換上一臉燦笑，拿出身份證向保安問好，頻頻點頭。辦妥手續後，他又接着低喃：「嘈多兩嘈，電梯都鎖埋你，搬樓梯啦！所以千祈唔好嘈交，以和為貴。」只是，有時候自己不得罪人家，不見得運輸工人會收斂，當「磨心」的小明，確是有苦自己知。踏進電梯，「嘟嘟」的關門聲為其掩飾了一聲低嘆。

屢勝不如一敗
偌大的豪宅只餘拉膠紙的聲音迴盪着，經歷了約四至五小時的包裹及封箱，屋內只餘下三分一的物品，以及十數箱封妥的大紙皮箱。整件恤衫被汗水沾染着的小明，正在廚房察看雪櫃。看貨時已知雪櫃是高檔貨，但執屋當天還要試試它是否正常運作，畢竟運送一台雪櫃的開支不少。故一到埗要先插電，待收拾所有東西後，它仍然保持製冷，才可搬走。但見他一堂愁眉，就知道事情似乎不順利，他苦笑：「唔凍㗎！佢值成萬幾蚊，咁就冇咗啦。」
意志並沒有消沉太久，畢竟，於他而言只是小事一樁。走出客廳，小明拿起飾櫃裏幾座金牛﹑金豬，笑言這裏只有一座是真金，故根本沒有打價。對金的真偽，他可是特別敏感，因為他以前曾經錯估一座金觀音，虧損了一大筆錢；又曾經花數十萬買了一批黑膠唱片，結果全都不能播放。種種挫折令他沮喪，當時父親﹑兄長並沒有責難，一份內疚感更逼使他成長，造就了今天的一雙金睛火眼。把金器包好，小明示意搬運師傅先把東西搬上車。

拜金不如講心
通常貨物要分兩程車運送到店裏，小明目送第一車的貨物出發後，又乘電梯回到豪宅內。此時細心一看，屋內其實佈滿生活痕迹，一家四口的照片；主人房內，仍放滿了女主人用剩的護膚品；書房裏，盡是男主人的玩具珍藏；小孩房裏，一雙又一雙的小鞋，記錄了孩子的成長。如今，卻蒙上了薄薄的灰塵。有人不喜歡夜冷佬，大概是這緣故，說不上是「發死人財」，但卻踐踏着人家的倒楣。
小明吹吹盒子上的餘灰，一臉心安理得。「我爸爸走嘅時候，一班仔女陪住佢。我呢？活到五十歲，除咗探我爸爸之外，我冇進出過醫院。」他徐徐道出，眸子裏，映照着別人的全家福。舊物扔掉了，不代表對人家的尊重，也不代表能為對方帶來祝福；反倒，把他們於美好時光所擁有的東西保留下來，也算是留下了一點緣分、一絲情意。
小明算是百無禁忌，只有一個原則，就是賺錢沒有必要賺到盡。原來，有些貨品，他會原價出售，甚至店裏會有部分屬於新貨，如小鬧鐘，賣十元一個，還倒貼一顆電池；老花眼鏡亦然：「有啲老伯伯，幾乎每日唔見一副眼鏡，有個伯伯隔日就買一副，畢竟是深水埗舊區，當回贈街坊。」也不是一身銅臭，對他而言，有價值的東西不一定很昂貴，正如他為了喜愛的鑽石牌鐘，可以走三十層樓，逐個單位搜索；又如早年他拿了攪盤電話回店裏，僅售二百元。某東西總有某人喜歡，有歷史的東西，或許來得更有價值。

最後一個紙箱置於貨車廂內。小明抽抽衣襟，試圖撇乾汗珠。緩步踏至車前，一臉倦容的他打開車門，吐出一句：「我做到六十就唔會做，都唔會畀我下一代做。」畢竟，做夜冷這一行，倘若明天沒有店倒閉，也就沒飯開；縱使生意不絕，誰又欲見兒女捱苦？
車子於路上疾駛，赤日早去，夕陽已至。問他日退下來如何度日，他驀然一笑。
哈，還不是想念舊相好？

聯盈公司夜冷
地址：深水埗大埔道244號
電話：2778 6539
營業時間：不定

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

【Joker系列】致命玩笑02 | 女神芭芭拉慘遭小丑凌辱 | KeNNyPlay3omething

歡迎你黎到KeNNyPlay3omething。
上次開始咗Killing Joke呢個故仔，見到Gordon局長同個女面對空前危機，小丑揸住枝槍出現喺阿女芭芭拉面前，呢槍究竟係靠嚇，定係會開呢？即刻繼續我地嘅故事。

槍聲一響呀，小丑諗都無諗，一槍打落芭芭拉身上。呢度我自己睇有個好大嘅迷思，睇吓芭芭拉中槍之後向後飛到幾遠，睇返上一張畫，度門同張玻璃枱嘅距離都話晒有返咁上下，但佢都竟然可以飛落去撞爆張玻璃枱，令我不禁對Joker手上嗰支槍嘅威力產生極大嘅好奇。Gordon局長見到個女無啦啦被人打一槍，即刻衝上前啦，就算明知對方有槍，而自己只係揸住一把『極具殺傷力』嘅鉸剪，不過都係身手唔好，被人打咗一拳，避唔到之餘連鉸剪都揸唔穩，之後仲要被人狂?。芭芭拉就喊晒咁問小丑，你點解要咁做？小丑佢就答，為咗要證明一件事。佢一路講，一路除芭芭拉件衫，佢想點呀？除人件衫佢。。。佢想證明啲咩呀？

好想知呢？鏡頭一轉，又黎到Joker嘅回憶片段，之前講過小丑曾經係一個一事無成嘅人，又有個大肚嘅老婆要照顧，佢就揾咗兩個friends出黎呻吓，原來佢未做棟篤笑之前就喺一間化工原料廠度返工，不過後來嫌悶所以轉工呀，睇得出曾經佢都係一個熱血嘅年輕人，不過人到中年無出路，而家睇吓有咩好路數啦。咁呢個friends喺隔離就對住Joker講話我地梗係照住你啦，而家就有大茶飯預埋你，嘩，咁好介紹，佢地就係想老笠一間公司，而嗰間公司隔離正正就係小丑之前做過嗰間化工原料廠，所以就想招攬小丑幫拖。但係小丑話，我淆底喎，佢兩個friend就同佢講，駛乜驚呀，我地準備咗個頭盔比你嘛，帶咗包無人認到你。係咪講笑呀？帶個燈罩上頭？兩個friends總之就話，唔好講咁多啦，你仔細老婆嫩，呢單嘢走唔甩架啦，下星期五見啦，食蝦啦。

返到黎現實，芭芭拉就被人送咗入醫院，醫生話嗰槍傷到脊骨，睇怕下半世佢都坐輪椅，隔離個差佬就話，佢被發現嘅時候係全裸。你睇，Batman都忍唔住問咗句『全裸』？咩意思呢？梗係始嬲啦，大鬧小丑擒獸。之後Batman同芭芭拉單獨傾咗陣，呢度睇到其實芭芭拉都知Batman嘅真正身份就係Bruce Wayne，咁芭芭拉就同蝙蝠俠講，話小丑捉咗我老豆唔知做乜，你快啲去救佢啦。芭芭拉嘅眼神充港恐懼，蝙蝠俠知道今次Joker嘅計劃非比尋常，佢捉Gordon局長想做乜呢？下一版可能睇到啲端倪。

果然，返到去小丑嘅遊樂場大本營，小丑揾咗班唔知咩人返黎。。。喂，搞乜佢地除Gordon局長件衫，搞完人地個女，佢。。佢地仲想點呀？睇到呢度你地有無啲同情局長嘅遭遇呢？點解Joker要捉局長呢？佢想證明啲咩？要留待下一次再同大家分享。講定先，Killing Joke完咗之後有咩故仔會想睇？Dr. Strange定Flash定其他？歡迎Comment留言話我知。最後記得like、share同subscribe我嘅channel，你嘅支持係我出片嘅動力。Keep Playing Bro。

Share this video:
https://youtu.be/QPYegX76ebU

想留意更多我的動態，記得緊貼KeNNy Play3omething
KeNNy Play3omething社交平台：

KeNNy Play3omething channel:
https://www.youtube.com/channel/UC__D5Ugf9WdWk1qY7H4p4Ig
KeNNy Play3omething facebook:
https://www.facebook.com/kennyplay3omething/
KeNNy Play3omething Instagram:
https://www.instagram.com/kennyplay3omething/

其他影片推介
★【法蘭克】★Joker小丑 | #3 | DC角色介紹系列!
https://youtu.be/3S7V1B6g3_c
《自殺突擊隊》預熱，小丑最經典漫畫《致命玩笑》講解【Lorre】
https://youtu.be/zTtyLxtu_hM
【Joker系列】致命玩笑01 | 小丑恐怖入手遊樂場 | KeNNyPlay3omething
https://youtu.be/t8_Oz7VeAjs