大叔的愛咁成功，都係時候反思吓香港嘅同性婚姻政策有幾落後、幾不合時宜。
講真，一紙婚書未必係可以保證婚姻美滿、白頭到老，因為結得婚，就預咗有得離婚。但呢一紙婚書之所以咁重要，就係因為當生老病死，要落決定嘅時候，你需要一個比血親更了解你嘅人去落一個最重要嘅決定。撞車失血過多腦死嘅時候，拔唔拔喉？停唔停呼吸機？癌症末期全身器官衰竭嘅時候，簽唔簽停止搶救通知書？好，唔講死，講生育，當老婆入咗產房，醫生出嚟問：保大定保細？
邊個為你落決定？主宰你生死？邊個會喺你過世之後，幫你處理後事？邊個最了解你，你粒聲唔出走咗之後都依然照顧好你嘅家庭？
責任會落喺同你簽婚書嘅另一位身上。
我好幸運搵到一個我愛嘅靈魂，而佢生理上係男性，所以我喺香港，唔單止可以擁有婚姻自由，但可以享受到死後有人幫我處理財產、照顧我家人嘅福利，我簽咗器官捐贈，亦確保我老公一定會捐曬我所有有用嘅器官。而相對無咁幸運嘅，就係一班同性戀者，佢哋非但無呢個機會見自己另一半最後一面，仲可能因為性取向嘅關係被另一半嘅家長諸多留難，甚至拒於門外，作為最親密嘅愛人喺生死關頭竟然瞬間變外人，試問一個連血親子女性向都接受唔到嘅家長，又點會接受到子女嘅同性伴侶？呢一紙婚書，比起我哋呢啲異性戀者，同性伴侶更迫切需要。
不過大叔的愛勾起咗好多長輩嘅腐女魂，相信長輩們比起政府政策更開放、更接受、更包容到同性伴侶呢一回事❤️政府成日話宗教團體反對同性婚姻合法化，但我唔見大叔的愛遭到投訴，無人話佢道德淪亡、違反自然～重點係，同性婚姻合法化唔會影響到你異性婚姻嘅利益㗎嘛，講真，你結唔成婚，都唔會係因為多咗同性戀競爭者啦🙈點解仲要反對？點解依然咁落後？
政府慢半拍，我知，但慢咗20年，我哋係咪應該超越吓過去嘅自己，用更包容嘅愛心去面對不合時宜嘅世界呢？
#死啦又講政治 #我會唔會又俾人鬧
#但我堅想見到啲朋友可以喺香港結婚
#今晚田田就要結婚了
#香港幾時先有同性婚姻
#我覺得會有人留言反對我
#唔緊要 #歡迎反擊 #我準備好100個答案
#唔好同我講生育問題
#幾多人生咗唔養掟去保良局
#幾多人結咗婚唔生下一代
#現今科技可以解決到嘅問題一律唔回覆
#試管嬰兒 #代孕 #領養代替生育
#既然上帝都有可能係黑人
#點解媽媽唔可以係男人
#希望個世界多啲愛少啲歧視敵對憎恨
#KK著婚紗都幾靚呀😆❤️
#呢啲好男人娶得過
#阿牧都係 #超暖男 #點解會鍾意一個仆街
#渣田
代孕合法化影響 在 [閒聊] 認為代孕應該合法化嗎？ - 看板WomenTalk - 批踢踢實業坊 的推薦與評價
昨天剛好和一些外國同學討論到了代理孕母的相關議題
發現各國的價值觀以及對代孕是否可以合法化有了極大的爭論
所以想問問各位如果在相關法規和配套措施完整的情況下
大家認為代孕是可以合法化的嗎？
（純討論，本人並無代孕的想法與需求XD）
-----
Sent from JPTT on my iPhone
--
※ 發信站: 批踢踢實業坊(ptt.cc), 來自: 185.55.96.4 (法國)
※ 文章網址: https://www.ptt.cc/bbs/WomenTalk/M.1611589732.A.2A2.html
... <看更多>