#寫呢篇係因為早兩日發覺一聽到楊千嬅嘅歌就會飛走
#回不去了
#以前我係會儲佢啲碟
每個人都會有情感的禁區，那部份的感情，是敏感的，一旦觸碰，就一發不可收拾，滙控（005）也有一個情感的禁區，那一個禁區，就以28元作分界線。
2009年供股價28蚊，成為今日散戶信心分水嶺，28蚊，頂唔頂得住？頂唔住的話，股價落入28蚊樓下情感的禁區，某程度就完全代表了散戶對滙控信心已完全崩潰。
滙控弄至今日如斯田地，想找個比較娛樂性的比喻，我會形容為，那就是楊千嬅。
想當年2009年，滙控世紀供股，不少股民抱住講金又講心的態度供股，28蚊一股，「捨不得不供股」（引述自當年報道）。於是散戶就先唱一句，「過得到自己，便可體諒你」，再唱「世界將我包圍，誓死都一齊」，決定齊上齊落，一齊供股。一直捱到近年，歐洲條數唔得、美國條數唔靚、中港業務一般、裁員、CEO唔撈、停回購，唔少散戶只可以「窮追一個夢」，一個收息夢，於是仍全情投入，股價幾傷都不覺痛。因為滙控基本因素幾一般都好，但散戶仍以炒開有感情去支撐。
至於楊千嬅呢，由出道至今，少女到今日師奶，其唱功和演技同樣都毋庸置疑——好一般，但佢仍可大紅大紫、有好一段時間每年上商台叱咤拎我最喜愛女歌手，賣嘅係心口掛個「勇」字嘅真性情，唱到「原來我非不快樂，只我一人未發覺」嘅感染力。作為曾經的fans，你問當年我喜歡佢啲咩，我會話：「佢係會走音，唱歌屎……但佢啲歌總算好聽噃，總之鍾意。」；就正如滙控散戶咁，「佢業績係唔好……但話晒都有息收呀，佢咁大間，總之一定會升返！」
不過到今日，滙控收息夢要醒了，持有的藉口都失去；所謂「環球金融，地方智慧」，到頭來只係「環球金融，政治沒有智慧」，國際舞台上，變得左右不是人。而昔日那心口掛個「勇」字個少女，今日「勇」已變「紅」，佢會喺微博影相向大陸士兵致敬、高呼熱愛祖國、會為飯碗跪低刪post……然後最近有新戲上，為宣傳就受訪將「表忠愛國」責任卸畀丈夫，又忽然愛香港，強調自己「廣東歌歌手」，向左走又向右走，幾個令人惡心的動作，就將昔日率真爽直，轟烈和執迷包裝狠狠撕破，令楊千嬅連唯一的賣點都失去。
有期望才有失望，滙控與楊千嬅，今日同樣變得失人心，因為同樣左右逢源，嘗試食兩家茶禮。既然一個沒有了收息的fantasy，一個是形象變得面目模糊的過氣偶像，想挽回人心嗎？不了，「無謂再會，要是再會更加心碎」，反正出得嚟行，預咗要還。
by千頌C@堆填區
http://fb.com/winbigwok
以前我係會儲佢啲碟 在 Yes! 華少全集，好似係（感謝膠粉Kenneth 逐張scan 番） 的推薦與評價
齊哂咁濟，我直頭懷疑佢根本就係華少本人！ 歡迎大家分享出去！ 識華少嘅朋友，請同佢講聲，多謝佢以前帶過咁多歡樂俾大家！ 最好叫佢出來講返兩句說話啦，群情洶湧呀 ... ... <看更多>