羊🐑腩煲食譜的故事
其實呢個米媽用高速煲7分鐘就燜得稔，慳唔少時間。成屋勁香。😊 工人姐姐流曬口水。
其實很簡單，😂就是將肉汆水澀乾。用油將料頭爆香加醬炒一炒，再倒入羊肉炒一炒，再加水及其餘材料煲稔便完成。 吃到半途可加生菜及肥肉等，看君口味。😊😊
米媽係成長過程中，同好多人都好易談開，即使第一次見面的都很容易聊得開。咩年紀既都一樣。😂 新年時，米媽搭的士🚕遇到的士司機見米媽買好多蘿蔔，就問起米媽點整。司機又係中意煮，講起佢個必殺食譜炆羊腩，仲教米媽一定要去九龍城侯王道買冠和羊肉醬。汆水時落白醋就唔會蘇。 米媽當然即刻記入腦。老爺同伯娘一家都愛食。米媽於是就專登去九龍城搵呢間店，買左羊肉醬返黎。😊
食譜傳授永遠沒份量也沒細節的。😂😊
今晚一於試下。
材料
1. 羊肉醬
2. 羊腩
3. 馬蹄
4. 冬菇
5. 炸枝竹
6. 薑切片
7. 蔥原條
8. 蒜頭拍扁
9. 紅蔥頭拍扁
10. 白醋
11. 米酒
12. 油
13. 冰糖
14. 生菜
15. 鹽-適量
做法：
1. 羊肉加水，白醋，米酒，薑片，蔥，汆水，滾十分鐘倒走沖洗乾淨澀乾
2. 起鑊，油熱下薑，蒜 紅蔥頭爆香加入羊肉醬炒勻後下羊腩兜勻，加入滾水，馬蹄，冬菇，冰糖大火煲滾。（有高速煲就倒入高速煲，夠壓後中小火煲7分鐘已夠稔）如沒有高速煲就煲1小時30分鐘後，加入炸枝竹煮稔就完成。 （高速煲就開蓋後才加入枝竹煮稔。
3. 如需要可加鹽調味。
#絲房菜
#以食交天下朋友
#foodislove
#以前米公公在時因為裝修關係幫餐廳裝修也拿到不少秘方回家興致勃勃地試
#以前食飯時聽唔少爸爸為了秘方的趣事有一個以前在大隊伍當兵的哥兒煮福建滷麵非常好食但米公公一直說服不了分享😂
#很簡單就是炒一炒加水煲滾加調味食得。😂😂
