Search
每次切月餅都係感情嘅挑戰。
阿太日常：「我食少少就得㗎喇，切一半啦。」
我：「吓好細舊咋喎，你成舊啦不如。」
太：「唔駛啦一半夠喇。」
原來喺佢心目中，「一半」嘅定義係咁。我肯定佢係突登想留大舊嘅畀我，一定係。
#打橫切真係好出色
#仲有多士同Pizza啲邊
我挨之：www.instagram.com/vinceng88
佢ig：www.instagram.com/ahtaidailylife
新場：https://mewe.com/p/ngkahim
陀地新地盤：https://content-blogchannel.hktvmall.com/zh/media/content_partner/CP00008/
小怪獸s嘅成長記錄：https://www.youtube.com/channel/UCNV_i17rTpUCiG7aIxlA_PA
潮流就興食素食，不過好多時要搵素食都唔係咁容易，今日嚟到台北呢一間餐廳入面就有好多特別嘅素食，有啲乜嘢食呢？即刻同大家睇下！
今日要介紹嘅就係呢間 MiaCucina。一入到嚟，已經感受到呢度崇尚天然同埋舒適嘅氣氛。打開餐牌，見到大部份嘅菜式都係用蔬菜配合雞蛋、牛奶、同埋芝士等食材製成嘅蛋奶素，喺繁囂嘅都市入面，
呢個餐牌又真係有啲脫俗嘅感覺喎。
今日我就揀咗幾個特色嘅菜式。前菜我揀咗呢款瘋狂西蘭花，因為一般嘅沙律都係用生菜同埋紅蘿蔔配合唔同嘅果仁，好少會揀西蘭花做沙律。廚師刻意揀咗最新鮮嘅西蘭花頭，配合少量嘅紫甘藍、洋蔥粒同埋果仁等等，加埋特製嘅醬汁，口感新鮮又新奇，作為前菜就啱晒喇。
跟住介紹嘅呢個小食係香蒜野菇。呢道菜式將打碎咗嘅蘑菇配合蒜蓉、意大利葡萄醋、黑椒同埋其他香料加埋少少嘅芝士製成，唔使點任何醬汁都已經香味十足，唔好睇小呢道菜式啊，每日都好快賣晒架！
跟住介紹埋呢個三重芝士 Panini 帕尼尼。Panini 嘅意思係有餡料嘅麵包，而呢份三重芝士 Panini 就夾咗 Mozarella、車打同埋巴馬芝士，再用適中嘅熱度將芝士混合溶化，睇見真係又香又想食啦！
我仲叫咗個 Pizza 同埋兩杯嘢飲慢慢嘆，享受下呢度嘅氣氛。MiaCucina 喺台北有幾間分店，今次我就嚟咗中山區三越百貨嘅呢間分店，你都可以去佢哋嘅 Instagram 搵到分店嘅資料㗎！
MiaCucina
https://www.facebook.com/Miacucinafamily/
https://www.instagram.com/miacucina_tw/
第79創業知識 -《哈佛分享：最快令生意額上升方法? 》
做生意如何最快令生意額上升? 多謝我們前租客良記鹵水(賴生) 配合我們做了一個市場首創嘅賣鹵水餓研究， 你估佢生意額短期內能夠升到幾多?
小本經營，得閒經過幫襯下佢啦!
賴生- 良記鹵水(長沙灣發祥街7號地舖， 近保安道街市) Tel:60183438.
希望對你做生意亦有所啟發，根據哈佛教授Deepak Malhotra 教我.....
...........................
內容全文:
我哋做生意嘅，最怕就係遇到怕蝕底嘅伙記。你叫佢多少少嘢啫，一係就黑你面，一係就單單打打。講到尾，都係怕蝕底，覺得人工唔包做額外嘅嘢。
今次唔係想講人事管理，只係想借呢個怕蝕底嘅伙記做個比喻。其實我哋做生意都需要宣傳推廣，會唔會同呢個伙記一樣，都係怕蝕底咗俾啲客人呢？我哋會唔會一味只係掛住控制成本，些少著數都唔俾個客呢？
其實，蝕底唔係問題，最重要係，蝕底咗之後，你能唔能夠賺得更多呢？回答以上問題，我哋就做咗一個實驗，搞咗個免費試食活動，睇吓俾人客免費試食秘製鹵水鵝，會唔會係蝕頭賺尾，令你最後賺得更多呢？
根據哈佛教授Deepak Malholtra，做生意識得俾人客「Unilateral Concession」，即單方面俾嘅着數。 記住喎，單方面畀嘅著數同一宗交易係好唔同。
你幫襯我，就俾個八折你，同我開張信用卡就送一件禮品畀你、買第二隻鹵水鵝就計你半價，呢啲全部只係一宗交易。你做咗我先至畀你，呢啲交易無論客人得到啲咩嘢，佢都係覺得老奉嘅，唔會多謝你，無嘢好感激。
但「Unilateral Concession」就唔同啦。教授話，做生意最緊要令人客覺得欠咗你。因為覺得欠咗你嘅話，佢就自然會返嚟幫襯你。即使大部分嘅人攞咗你着數之後唔再回頭，只係小部分人嘅生意已經足夠冚成本有餘。
根據美國市場研究公司 Interactions 係2013年美國多個零售點嘅研究指出，畀人客免費試飲啤酒，賣啤酒嘅生意就會升71%。試食芝士，賣芝士就升110%。試飲紅酒，紅酒生意就升315%， 試用唇膏，唇膏生意就升530%，試食 Frozen Pizza，冷凍嘅薄餅生意額就升600%。點解?
因為人嘅本性係「Reciprocity」，即互助互惠互換㗎。 你今天幫我，我會好想有日幫返你。你打我，我也會想打返你。你單方面益我免費用你產品，我自然會有種內疚感，得的話，我盡量都會想返嚟幫襯你。 呢啲唔係交易，而係你單方面先做㗎，可能冇任何回報。但如果做得啱嘅話，將來嘅回報可能係最大。包括我在內，點解成日免費教人投資舖同做生意？
一，我希望佢學到嘢，二，我知道有一日佢想買舖租舖時都會記得我。三，即使99個唔搵我，第一百個返嚟幫襯我已經夠。
免費請人客試食滷水鵝同樣道理，即使佢唔幫襯，好味嘅佢都會同佢身邊朋友講，試問有咩marketing好過成件鹵水鵝隊落佢個口度？好過賣任何電視廣告。
今次呢個實驗結果係點？試食咗3個鐘頭，送咗1隻鵝出去，但係生意額足足比平時升咗70%，仲未計人客試食完之後重覆性購買嘅生意額喎！
做生意嘅你，小財唔出，大財唔入，記住唔好好似興仔咁怕蝕底。俾多啲「Unilateral Concession」單方面嘅着數俾個客。人性就係「Reciprocity」，互助互惠互換嘅，做得啱嘅，你得到嘅回報可能更多。
