Search
非常難忘兼大堆頭的一天！
我小小一個導演仔何德何能得到一隊集齊六個fit馬副導演組成嘅導演組，見到佢哋喺現場互相補位，分工……好感動🥲 （而家寫緊都想喊）
多謝臨時徵召入伍嘅Wylie, 華弟
仲有又同我做嘢嘅阿溫
多謝你哋拔刀相助
不少得常在我身邊嘅第一副導小平，第二副導Alex，仲有場記阿初
辛苦晒你哋
餘下少少日子
我哋一齊頂埋佢🙌🏻🙌🏻🙌🏻
#仲有我個打令大豪
#仲有好多其他部門
#製片美術梳化服裝攝影機燈劇務場務音樂演員等等等等
#一齊俾咗條命出嚟
#做好佢拍好佢捱埋佢
開始倒數！
【財政預算案三讀發言】（14/05/2020）轉授權力與撥款令
2020-21年度財政預算案今日在立法會三讀，我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去，立法會無法過問，無法反對。
除2020-21年度新批出的258億，警隊2019-20年度另外鬼祟拎到34億。
1. 除咗每年等財政預算案批錢，警隊仲有一啲陰濕招數，靜靜雞cap到公帑，立法會同一般市民都難以監察；
2. 根據《公共財政條例》第8(3)條，財政司司長可運用財委會轉授嘅權力，毋須經立法會審議或批准，即可批錢俾政府部門。2019-20財政年度，財政司司長運用轉授權力，總共批咗30億9千8百幾萬給警隊，其中有22億5千1百萬係警員OT津貼。根據資料，2019-20年度，警員OT津貼總額為25億2千萬；
3. 轉授權力亦可用嚟更改人事編制，2019-20年度，財政司司長運用轉授權力對警隊348個職位作出變更，相信大部份係無經立法會審議及批准嘅新職位；
4. 另外一個值得關注的撥款渠道，係部門之間嘅「撥款令」。根據《公共財政條例》第14(4)條，一個政府部門嘅管制人員，可以透過簽署撥款令，將部門預算轉俾另一個部門。一般而言，每一項撥款令嘅金額上限為1千萬，但一個政府部門每年可以簽幾多項撥款令並不設上限。即是話，簽十項1千萬的撥款令，夾埋就係1億，程序上係可行；
5. 2019-20年度，警隊通過撥款令機制，總共由其他部門暗中拎咗3億3千7百萬公帑。對比過去四年，足足增長3至4倍。保安局解釋，其他政府部門簽俾警隊嘅撥款令，用途多數係加強保安，例如購置大型水馬，以及請警察做政府建築物保安；
6. 我就想問，點解其他政府部門買水馬，要經過警隊採購咁得意嘅？正常嚟講，如果有一個產品，好多政府部門都需要用到，例如口罩，通常由物流署負責招標、採購。更耐人尋味嘅係，街上面可以明確見到，大型水馬上面用中英雙語標示「警察 POLICE」字樣。即是話，這些水馬明明係其他政府部門用自己部門的預算出資採購，但訂購返嚟嘅水馬，又明顯變成警隊管轄嘅財產。既然如此，點解當初警隊不獨資採購、反而要不同部門「籌旗」夾錢買呢？
7. 先唔好忖測有無人過河濕腳，但成個操作，猶如黑社會收保護費一樣。明明每年的預算案已經批咗好多公帑俾警隊，俾他們維持全港治安，但當政府建築物需要警隊保護嘅時候，警隊居然要其他部門另外交一筆錢買水馬。香港嘅公共財政，居然淪落到爛仔收陀地呢個地步；
8. 所以贊成通過財政預算案嘅保皇黨議員，其實都俾政府搵咗老襯。就算立法會唔批准財政預算案，財政司司長一樣可以毋須問准立法會，就幾廿億幾廿億咁直接簽俾警隊，人手編制加幾多都得。特區政府會唔會感謝保皇黨？北京會唔會感謝保皇黨？其實係唔會㗎。
#東京池袋 #東京池袋TokyuHands #TokyuHands #廚房好幫手
#東急手創館
Hello大家好, 今日要為大家介紹的是池袋Tokyu Hands的廚房好幫手
之前跟大家講過, 池袋係東京旅程一個幾好住的地區
池袋JR車站東出口左手面行七分鐘就到tokyu hands
你們是會經過太陽街, 就會嚟到tokyu hands
Tokyu hands隔離就是太陽城的入口, 太陽城下面有一個小朋友最鍾意的水族館
所以如果你在plan東京行程, 池袋是適合一家大細的地方
由於時間關係, 我今次只是集中講tokyu hands的廚具部
裏面有好多廚房用的gadgets, 快啲嚟睇下今日的十大必買啦, are you ready
第一必買, 食物雕刻刀,
一套有三把刀, 生果蔬菜雕蛋糕都可以
人人都合用, 但是你千祈不要送給南亞裔人士的朋友
因為好多南亞裔人士都有一個姓氏, 佢會以為你串佢
雕那Singh
第二必買, 滾筒式神奇大蒜剝皮器
方法好簡單, 只要將幾粒蒜頭放入去這個滾筒包皮入面
手勢要輕壓同時滾動包皮, 那些蒜皮很快就甩咗啦
重點是要把蒜頭放入去的時候要乾身,這樣才可以用到磨擦力剝皮
這個手勢大家應該比我更清楚啦,
肉虫砧板上,男兒當自強, 嘩! 仲有另一個形狀喎
很像一個春天的袋哦, 男網友你們用嚟剝蒜皮好啦
不要做另一樣嘢呀
第三必買, Garlictwist/大蒜扭擺切碎器
只要擺粒蒜頭入去碌幾下, 入面的鋸齒設計
就可以輕而易舉那樣將蒜粒磨碎
不用搞到你整對手蒜頭味
這裏還有好多其他的款式㗎
其實食蒜頭, 是無分國界的,
亞洲美食啦、西餐啦、韓國餐喇都好鍾意放蒜頭在食物裏
食蒜頭是非常之有益的, 北方人是一粒一粒放在口裏吃的
蒜頭可以抗癌、防衰老、殺菌，相當之多的好處
大家知道嗎?食完蒜頭應該用什麼闢口臭呢?
飲鮮奶呀, 牛奶之中的蛋白質會闢去口裏面的蒜頭味
用薄荷葉或檸檬汁加落啲水裏面, 都可以除去蒜頭帶嚟的口氣
(內含笑話, 自己睇片)
........
第七必買, 甜椒去芯器
將個甜椒嘅心一下就攞咗出嚟啦
可以插的話不要篤, 想煮好餐餸
去買塊豬肉, 青椒釀豬肉咪就係咁簡單囉
使乜又刮又篤啫
第八必買, 牛油切盒
一大塊牛油, 把牛油放入盒
用個有界刀的蓋壓一壓, 成盒牛油都切到一粒粒啦
煮pancake, 一粒細牛油, 加少少蜜糖在上面
就是一個美式早餐哪
拿來切豆腐, 再用氣炸鍋嚟做椒鹽炸豆腐都ok喎
搵集煮給你們看看吧,
第九必買, 洗沙律器, 按三下啲水就揈曬出嚟
洗完這些菜, 就可以乾身放入保鮮袋
再放入雪櫃, 想食的時候隨時可以在雪櫃攞返出嚟
這樣可以將啲菜保持新鮮到兩三日啦
第十必買, 一個喜歡烹飪的人
怎可能家中沒有一個保溫袋呢
冷熱都可以保溫, 尤其是你去買外賣
不能即時返家, 用這個保溫袋載住啲食物
回到家中, 都可以保持最佳狀態食用
以前我在家打電話去附近茶餐廳叫外賣
我在電話落order, 叫了一份雞翼
年少無知的我, 口多叫個夥記: 送個大隻啲嘅雞翼畀我好唔好呀?
對方答我: 搵人抬上嚟好唔好呀?!
我真係吹佢唔脹! 現在想起, 都仲係好瘀!
有了這些廚房gadgets, 就堪稱得上懶人廚房
不費吹灰之力, 就可以好輕而易舉, 煮一餐飯
當今世上, 不論男女, 能夠煮得一手撚手小菜
就好容易俘虜對方的心啦, 今日我就將這個”肉”女心經傳授給大家
希望大家不妨多些練習,菜不迷人人自迷,
情人肚裏屙多啲, 有緣千里來相會
三餸一湯, 白飯任裝
記得臨走之前留個表情符號以示支持
多謝曬,88
東急HANDS販售有高性能・高品質的生活用品、極致講究的日本製包包及便利性十足的旅行用品、日本研發的文具、雑貨、最新話題的美容商品、DIY用的道具及工具、...
請用片右下角調4K睇片。
http://yt1.piee.pw/MJLNM
みなさんこんにちは、私はツァーです
今日は池袋にある東急ハンズのキッチンアシスタントを紹介したいと思います。以前、池袋は東京に住むのに良い場所だと言っていました。行くのはいいです、池袋のJR駅東口、東急の手に7分間左手
活気のあるサン通りを通り抜けると、東急の手になります。
東急ハンズアイソレーションはサンシティの入り口であり、サンシティの下には子供たちに人気の水族館があります。ですから、東京旅行を計画的に計画するなら、池袋は家族のための場所です
時間の制約のため、今回は東急ハンズのキッチン用品部門に焦点を当てます,キッチンガジェットがたくさんあります。トップ10は今日購入する必要があります。準備はできていますか。
《第126商舖知識: 為何持牌按摩院咁難出牌?》
考考你，作為一間持牌按摩院，間按摩房入面可唔可以有一張床、兩張床或者三張床?
為何香港只有好少量的持牌按摩院，出牌是否好難? 答案在片入面。
....................
全文:
上次同你講咗如果間鋪做按摩使唔使攞牌，依家就同你講點申請。 講明先，係好悶，但循例講一次畀你聽聽。
要申請按摩院牌照，其實要去警務處牌照申請，而警務處處長就是《按摩院條例》所指的「發牌當局」。申請人亦都有特定要求，除非警務處處長信納以下幾項，否則係唔會批個牌既：
(1) 申請人是經營按摩院的合適的人；
(2) 申請人會親自對按摩院作充分的監管；
(3) 個舖或者單位本身以及位置均適宜經營按摩院；以及
(4) 按摩院唔會以違反公眾利益的方式經營。
另外，若果持牌人觸犯《刑事罪行條例》(第 200 章)第 139 條，被裁定罪名成立的話，個牌又會被撤銷；即使犯罪既不是持牌人，但如果嗰個人所犯罪行同持牌人的按摩院有關，處長亦可撤銷持牌人的牌照。
咁《刑事罪行條例》(第 200 章)第 139 條又係咩嚟嘅呢？即係經營賣淫場所，將任何處所、船隻或地方經營、管理或協助管理作賣淫場所。如果係咁，撤銷個牌照都好應該啫！
攞咗牌嘅按摩院，按摩房嘅大細，燈光光度，透明玻璃係有規定的。 例如每間房要有起碼兩張床， 咁另一個人先睇到你做緊乜，因此一房一床係唔得嘅。另外，床與床之間最少有2.5尺， 門口一定要個透明玻璃睇到入邊做緊乜， 門嘅窗口唔可以離地多過4尺，起碼係闊一呎八吋乘一尺八寸，門口唔可以上鎖，同埋每張床起碼要有一個最少25 watt或同等光度嘅燈膽， 唔可以調較光暗等。 總之，好多要求啦。
截至6/2017，全港只有125間持牌按摩院，點解得咁少？因為申請按摩院牌照過程繁複，要經過多個政府部門審批，例如城規會、警務處、屋宇署、消防處等等，需時「快則5個月，耐則搞成年，if you are lucky!」。
點申請? 而家同你講一次，悶到死呀! Summary flow chart 喺道，但唔係寫得咁簡單。
1.首請先去信或致電規劃署，查詢在相關地點開設按摩院使唔使申請「規劃許可」。如確定在擬議地點開設按摩院需要得到「規劃許可」，申請人可先向城市規劃委員會提出申請，然後才向警務處牌照課申領按摩院牌照。一般來說，城市規劃委員會接到申請後，會在75天內決定是否批准有關申請。 無「規劃許可」就唔使諗喇。
2.「規劃許可」攪掂之後，就可向警務處牌照課交申請書，接到申請書後，警務處牌照課會於兩個工作天內把申請轉交各有關部門評估，並收集該等部門訂立的各項書面規定。一般來說，牌照課會將申請交給屋宇署及消防處評估，以確定擬議地點在結構、消防及其他方面，是否符合安全標準，然後於21個工作天內把評估結果及書面規定交給警務處牌照。牌照課收到有關文件後，則會於兩個工作天內轉交申請人參閱及遵守。
3.跟住就輪7到按摩院所屬地點的分區警署接到轉介後，會喺21個工作天內回覆警務處牌照課，就有關的申請給予意見。
4.另外民政事務專員接到轉介後，會聯絡有關的區議員、分區委員會及互助委員會委員和業主立案法團的幹事，就所屬地區開設按摩院一事徵詢意見，並會於21個工作天內把有關結果通知警務處牌照課。
5.假如各有關部門對申請沒有異議，牌照課會於35個工作天內發信通知申請人，表示「原則上批准」其申請。
而喺未獲警務處處長簽發「原則上批准」通知書，唔可以喺擬設按摩院既地點展開任何工程。即係話，如果佢哋審批6個月，申請人一係就納半年空租先，一係就期望地點半年都無人想租，業主等埋你個申請先。仲未講完喎，裝修工程完成之後，各相關部門就會再嚟檢查工程是否符合規格，得嘅先至批呢一個正式按摩院嘅牌照俾你。
成個申請過程快則五個月，一般搞成年，仲有好多都會申請下申請下冇曬音訊添。咁你而家明點解香港咁多按摩院無牌或者違規經營啦! 講一次，我都想死，何況申請!
