Search
今日終於接送最後一轉……一日出出入入家中門口4~5轉，就算巳習慣但突然也會感累，好在懂掌握時間的我，下午巳拿咗d卡啦時間煮好兩樣餸菜，一陣接埋oscar jada回家就可輕鬆一點安排埋晚餐對埋d功課便可坐定定抄埋佢哋d開學活動回條才可偷閒中……希望唔洗十二点先可做自己野啦！
暑期忙……開學更忙……我巳有十六集火影忍者及海賊王未追啦😢😢😢勁想睇！
#好想攤屍 #全職媽媽 #只能偷 #睡眠時間 #做自己 #死火 #仲未計要陪老公 #追動漫 #mytv已放棄咗成年 #joan生活 #joanfamily
一年容易又新年，2018年來到尾聲，我們《港。故》亦邁向第117集。過去一年，我們一共為大家報道了51個不同香港人的故事，當中有沒有哪一個感動過你？我們回訪了部分《港。故》主角，聽聽他們2019年的新年願望。
贏波一時，做人一世
「聖誕節唔可以走、新年假唔可以走、復活節假唔可以走，佢哋唔係入醫院，都要返嚟練波。」——協恩中學籃球教練任明敏(Dora)
或許就是這樣刻苦的訓練，造就了協恩籃球隊成為學界精英賽的「神之隊」，滿頭白髮的Dora，今年身兼訓導的工作，希望幫助更多學生在生命上有正面的態度，而在新一年她有這樣的盼望：「希望佢哋喺未來幾大賽事，都有一個好表現，能夠衛冕冠軍。」
告別天虹．教育夢
「對於天虹，簡直唔捨得到不得了，但係我決定去闖，有啲嘢就要放底。」——時任浸信會天虹小學校長朱子穎
朱校長在今年9月，轉換到新的跑道上，繼續為教育界作出貢獻：「希望政府新嘅資源，配合家長嘅想法，同埋我哋教育工作者應有嘅熱誠，希望我哋嘅孩子可以學得更好。」
長髮「爛仔」設計師
「我由細到大都係長頭髮，打扮吓、化吓妝，呢個係我個人獨特特色、形象。」——時裝設計師陳敏航(Akira)
在群育學校畢業的Akira，憑着個人大膽的創意、努力，成為別樹一幟的設計師和化妝師：「2019年希望喺街頭做一個完美嘅表演，畀各藝術家睇到，香港仲有少少位置可以容納我哋。」
無咗對腳的史泰龍
「我都係靠對手去完成賽事，好似電影中嘅史泰龍一樣，做不完、打不死。」——香港復康力量董事仇健明
因為感染食肉菌而截除雙腳的仇健明，從鬼門關逃出生天後，並沒有怨天尤人，反而更積極面對人生，在11月更成功挑戰斯巴達障礙賽：「2019年我嘅心願係希望做健身，操好自己嘅體能，着上一對刀片腳，去運動場跑我嘅人生馬拉松。」
我的「真空」老公
「愛唔係最重要，犧牲同責任先係最重要。」——植物人照顧者劉倩萍(Cindy)
為了照顧因中風而變成植物人的丈夫，Cindy賠上了自己寶貴的健康，患上癌症，她因為經濟原因，現時己停止做化療：「我希望唔好再有下一個我，因為我呢個故事，絕對唔係一個好聽嘅故事。」
緊抱我的小天使
「天使綜合症完全未聽過，呢一世都唔會好返。」——香港天使綜合症基金會創辦人Joson
愛女患上了罕見病，Joson兩夫婦由一開始逃避到接受，再慢慢成立病人組織，更推己及人，在12月1日，成功舉辦以「罕見病」為主題的博覽會，希望令更多同路人堅強地面對充滿挑戰的每一天：「我想勉勵傷健家庭，其實我哋唔一定係受施予嘅一群，只要我哋願意分享、付出，都可以對社會有好大貢獻。」
遲來56年的婚照
「能夠執子之手，無論佢健康與否，我哋都要照顧到老。」——年長護老者余國健
85歲的余伯伯和86歲的蕭婆婆跨越半世紀的愛情故事，感動了很多觀眾，亦令大家反思婚姻的意義。經過接近五年的等待，患上老人痴呆症的蕭婆婆，終於獲安排入住院舍，但余伯伯卻十分不捨這個老伴，幾乎每天都到院舍陪伴蕭婆婆，每個月總會接她回家住幾天：「希望政府真真正正做到關懷長者，做到老有所養，居家安老。」
今集《港。故》用7分鐘，跟大家一起細味過去一年部分精彩內容，希望為大家的2019年，注入滿滿的正能量。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB
Follow埋《港。故》IG，睇更多精彩靚相：http://bit.ly/oncckonggu_IG
「老公都行咗，我仲留喺度做咩？」同白頭，可惜未能同到老。想起往事，75歲的李婆婆在鏡頭前哭了。
也許每對夫婦終會遇到，老伴先走一步，留下另一半孤獨地面對餘生。六年前，在香港無親無故的李婆婆，丈夫因肝癌離世，她每天都以淚洗臉，不願出街：「我每日喺廁所喊，喊到眼腫，唔敢見人，真係好辛苦。」
「孤獨一個人，就好似無咗個世界咁...存在都無咩價值。」面對獨居生活，婆婆無時無刻都惦記着丈夫的好：「我一諗到老公咁勤力、咁顧家，好多嘢我都難以忘記，所以就會喊，甚至想了結自己。」
曾想過自殺 陪着老公走
那天，輕生念頭變成行動，幸好當時李婆婆找不到窗框鎖匙，才打消了自殺念頭。「到第二日落樓下，有一個姑娘見到我不停喊，就走過嚟關心我。」命運安排了這位素未謀面的社工在婆婆面前出現，「姑娘話，你講出來聽吓，佢不斷好耐心咁一句一句問我。」窗框鎖匙找不到，但婆婆卻找到了打開「心窗」的鎖匙。
社工關心 走出喪偶陰霾
自此，這個機構的社工經常探望李婆婆，傾聽她的心事。「一次又一次都係姑娘耐心咁解釋，使我思轉變，人就係必須一死，在生嘅人一定要面對。」漸漸走出喪偶的陰霾，李婆婆找到活下去的意義。
「經過咁多年，我會諗...我無讀書，咩都唔識，點解會有咁多人同我傾偈呢？佢哋就係想我活下去，所以我決心唔走嗰條路，一定要活下去，唔好辜負咁多人對我嘅一片好心。」
得到社工和義工們的關懷和陪伴，李婆婆不再感到孤單：「只要我有一日活着，我都會記住你哋對我嘅關心！」
長者自殺情況 不容忽視
生命熱線執行總監吳志崑指出，據官方統計每年大概有360多宗長者自殺身亡個案，即平均每天就有一宗。「長者好多時內心有鬱結，需要搵人傾訴，雖然可能係我哋未必能解決嘅問題，但一個聆聽嘅空間，可以畀佢嘅情緒得以宣洩。」他鼓勵大家，一起關心身邊的老人家。
生命熱線最近亦出版了一本書《生死角力─探索長者自殺的主觀世界》，希望社會大眾更了解長者自殺的原因，他們的內心世界是怎樣？怎樣洞察一個長者有輕生念頭？又可以做甚麼去化解？
今集《港。故》用6分半鐘，走入這位老人家的內心世界，也希望大家能多關注長者自殺的問題。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB
Follow埋《港。故》IG，睇更多精彩靚相：http://bit.ly/oncckonggu_IG
正所謂「天有不測風雲，人有旦夕禍福」，人生在世，免不了遇上大大小小的「意外」，甚至會打破平淡幸福的生活，胡太劉倩萍(Cindy)就自嘈說，自己就是這樣一個「幸運」的人。
突如其來的中風
時光倒流回到2012年一個聖誕假日的早上，Cindy原本仍沉醉在夢鄉，卻被丈夫的嘔吐聲弄醒，原以為他是腸胃炎，到附近中醫就診時卻被指是中風，於是馬上叫白車送入急症室，當值醫生亦很快把胡先生確診為面積頗大的出血性中風。老公隨後被轉往病房，怎知這卻是Cindy惡夢的開始。
人生最後的6小時
「第一分鐘去到醫院，我好安心因為好信任，但突然之間喺一個短嘅時間，將我嘅信任打散不特止，仲驚你唔死再踩多幾腳。」Cindy略帶激動地說。她回憶當時在病房，她一方面觀察丈夫的變化，一方面不停尋求協助，但無奈病人多醫生少護士忙，直到6小時後，終於有醫生來到病床前：「佢就死啦，要即刻同佢做開腦手術。」
「老婆，我真係好愛你。」這是當時50歲的丈夫，最後一句和Cindy說的話。
手術後醫生告訴Cindy，她丈夫有生命危險，即使能救回亦會變成植物人，家屬可以自行決定未來：「短短6個鐘內變成咁，我係唔相信，我唔係唔接受。我嘅感覺係，喺政府醫院，輕症嘅等到變成重症；重症嘅等到無得救。」Cindy示意，不會終止丈夫的生命，也不會放棄治療，會用她的方法「喚醒」丈夫。
植物人丈夫 何去何從
Cindy丈夫最後雖然保住了性命，卻變成一個沒思想、只剩一副軀殼的植物人。住院一個月後，醫院通知Cindy由於床位不足，胡先生必須出院，但Cindy在社區甚至內地都找不到一間院舍肯收留她丈夫，糾纏了九個月，在院方單方面申請了胡先生的監護令後，Cindy迫於無奈接丈夫回家親自照顧：「究竟有幾多植物人係返咗屋企？或者係喺醫院？無人答到我，你要趕我出醫院嘅時候，你有無畀我一啲確實資訊，話畀我知應該點做？係無。」
「消失」的頭骨
「我問可唔可以安好丈夫頭骨再出院，醫生話無必要，因為佢係植物人，無危險性，我問『咁頭骨點呀？』，佢哋答『可能揼咗啦』。」對這個解釋，Cindy感到很不解，亦令她情緒很波動：「好多事我可以諒解，但我絕對接受唔到不解，喺醫療、社福甚至法律層面，都幫唔到我嘅時候，我就好似孤軍作戰，完全無兵器任由踐踏。」
賣樓醫丈夫
Cindy一家原屬於中產，但丈夫出事後，面對龐大的醫療開支，她只好將唯一的自住物業出售，但都無怨無悔：「我話初初會用兩年時間，我耗盡所有積蓄都無問題，咁兩年佢有進步我就繼續落去。」就是這樣，她一個人在家照顧植物人丈夫足足五年，丈夫由最初要用胃喉進食變到可以用口再吃東西，甚至可以拿到乒乓球拍，這對植物人來說都是很大的進步。
「暈住做，醒住瞓」
但她丈夫的進步並不是偶然，亦不是「奇迹」，而是Cindy用一雙手及自己的健康去換取的：「兩個鐘轉一次身，佢嘅被單係全部濕晒，得我一個人，要同佢換都幾吃力。」因為沒有工人願意做這照顧的工作，除了女兒課餘時幫忙，以及社署提供的家居護理和陪診服務外，Cindy基本上是一個人24小時照顧丈夫：「暈住做，醒住瞓，真係做到暈，一日24小時咁做，夜晚瞓覺要好醒瞓，因為佢隨時有狀況出現。」
用自己健康換丈夫健康
「對眼啱啱做完手術，淋巴有癌細胞，肝臟亦都有腫瘤，依家做緊化療，成個人真係好攰。」照顧了植物人丈夫五年，Cindy身體終於發出警號，今年1月身體多處部位發現癌細胞，幸好因為丈夫的狀況改善了，2月終於獲安排送入社署資助的安老院。
Cindy自身難保，過去幾個月未能經常去院舍照顧丈夫，丈夫的身體狀況又退步了，需要重新用胃喉進食，Cindy就希望當自己打贏癌魔後帶丈夫回家：「可能做一啲精神上嘅支持，體力上我都無信心，好似頭先推完佢我都幾辛苦。」
犧牲了女兒
Cindy丈夫中風最終變成植物人那年，他們的女兒剛好17歲。爸爸作為家庭經濟支持，突然倒下了，女兒原想不讀書出來工作幫補家計，但Cindy堅持要女兒完成學業，亦催促她畢業後盡快結婚，女兒聽她的話，去年和男友拉埋天窗：「我唯一可以犧牲嘅就係個囡，我嘅精神已經去唔到付出咁多關心，我都安心因為佢好聽話，依家佢兩邊走都好辛苦，又要照顧爸爸又要照顧我，但佢都無怨言。」
出書助同路人
作為植物人照顧者，Cindy一路走來跌跌撞撞很辛苦，有見於在香港有關植物人的資訊嚴重匱乏，於是她將過去照顧丈夫的經歷，寫成《真空》一書，希望讓日後的同路人，多一點指引：「我希望呢啲訊息可以畀佢哋起碼喺決擇上，點樣行佢哋嘅路，比較清晰少少。」
今集《港。故》用8分半鐘，由這個有血有淚更有愛的植物人照顧者，告訴大家幸福並不是必然的。
-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb
