關於 仲要del錯post ，我們在網路上蒐集到這些相關的討論、資訊與評價

https://www.patreon.com/posts/56463189

呢篇KOL是非系列，為免引黎不必要麻煩，所以照舊都係放響PAYWALL入面。不過適逢中秋佳節，就放少少內容比大家睇下，其他八掛嘢留番入面再講：

//咁平時大家都見我好少提呢位跟班KOL講嘅嘢，甚至乎呢條垃圾當日因為我支持勇武抗爭拍片狙擊我都一律少理（結果612之後條友曾經公開建議要報警拉尻哂啲勇武派，黃屍當然又扮睇唔倒），原因係你要狙擊都直接狙擊燒山啦，狙擊佢個跟班做乜？//

//1. 講真丫，究竟有幾多香港人係直接從支聯會網絡平台了解六四事件的？如果支聯會有關六四資料咁撚「寶貴」又無撚人知的話，點解一直無撚人講？點解某KOL一直都唔撚同大家介紹有幾撚「寶貴」，要去到人地Delete先猛然醒覺走去做殯儀之星？

2. 如果支聯會啲資料真係某KOL口中咁「寶貴」，咁點解唔係經已轉載到通街都係，剩係得支聯會個網睇倒？今時今日之以再無所謂「寶貴」資料，正正係因為只要資料係「寶貴」，結果就係會不停響網上大量複製流通直至「唔寶貴」為止。舉個例，當日陳冠希事件啲閃卡夠「寶貴」啦掛，結果咪個個「朋友」都人手一套囉。

3.成件事最撚好笑亦係呢度。KOL為咗吹大件事呃LIKE，當然要做標題黨講到啲資料好撚「寶貴」、DEL咗係一件好可惜嘅事；但佢同佢班廢老FAN屎卻唔明白，今時今日又不是80年代，你政府呢頭DELETE，果頭經已可以起個新網站成件Clone出黎啦！屌你而家咩年代呀？仲80年代你丟哂啲資料就永遠失傳呀？你都真係on撚尻嘅！

4.然後白兵Late Tackle去踩多兩腳，然後條垃圾就捉住「區塊鏈」三個字走去發動fan屎反擊就更係笑撚死人：喂當然唔係人人都識用區塊鏈去保存資料啦，但你唔識唔代表其他人唔識；而且個重點都係，今時今日要將資料複製、傳播有幾撚難？明明標題就係講緊刪除資料，去到死撐果陣就話係講緊充公實物資料，自己七咗就七咗啦，為咗死兜仲要一味死執住區塊鏈幾個字去講，醜唔醜死怪？

5.當然呢項死撐仲有一個最大破綻都仲係，無論實體又好、虛擬又好，刪除資料究竟會唔會同呢位KOL口中所講「比中共掌握歷史話語權」，先係佢立論嘅重點。而呢個當然亦係另一個笑點：無咗展覽館展品同書信就會失去歷史話語權？講乜撚？//

//其實我覺得最近有一位台灣國際關係KOL「范琪斐的美國時間」誤引「當年金融風暴多得香港多得中國富爸爸救助」嘅錯誤資料，好多黃絲立刻感嘆中共響多年後已透過唔同手段竄改歷史，但事實卻係，響網民近乎即時提點同異議後，范琪斐已立刻更正並致歉，呢個已充份反映咗，只要有人願意聆聽真相，歷史話語權絕對敵不過網絡嘅修正作用──歷史話語權根本就係歷史嘅化石。

1.而家香港有禁網唔比你睇六四相關資料咩？有唔比你講六四史實咩？你班黃標KOL同下面班傻尻，成撚日渲染啲根本唔存在嘅恐懼、無根據嘅事實；成撚日話香港8月1日後封關無撚得走、成撚日話南海台海中美必定一戰，究竟邊個響度竄改歷史？係共慘黨定係你班黃標KOL？

2.我就當好似某KOL所講，響香港爭奪歷史話語權係非常重要，咁最應該係點做？咪留響香港盡力用唔同方式傳遞六四真相、堅持話比下一代聽中共套嘢未必為真囉？但你班KOL卻選擇咗移民走佬，仲有乜資格同人講乜撚歷史話語權？//

噚晚大家都冇心情追故，延遲到今日先出第四回，請見諒🙏🏻聽日亦應該留返啲版面去關心其他嘢，所以第五回將會星期一先出。

另外，收到好多朋友msg，叫我考慮del咗之前一啲敏感post，甚至係ig上面嘅捐錢收據相，不過我唔會喇，所有post都係當時心情，亦係當時社會上發生嘅真實故事，老實講，如果真係要以言入罪，你都save低晒啦！驚，就唔會講，講咗，就唔會縮。

好喇，唔阻大家睇第四回。

＝＝＝＝＝＝

《我朋友去咗佢姐夫公司做臥底》4

做咗一個星期左右，只要你係以一個新同事角色落場，唔難發現sales team離職率點解會咁高。

首先，新同事基本上冇任何支援，冇人肯教你（或者黑口黑面，聲氣好差咁教），丟低樣嘢之後就由得你自生自滅，不過當中啲細節如果做漏咗，就會畀說話你聽，再不斷提返起。

聽姐夫講，我呢個position係sales team堅持要開，話唔夠人手，其他同事跟啲account太多，做唔切。但我置身其中嘅感覺就係，請完人返嚟之後唔教，教都教得好晦氣，其實新人學唔識，你班舊人咪自己捉蟲囉！久而久之，新人頂唔順個環境同埋氣氛，格格不入之下選擇辭職，跟住班舊人就話而家啲後生仔女做唔長，再周圍同人呻好忙好多嘢做，然後又請人，返到嚟又唔理又黑面又排斥，迫到人走，再請，再走......呢個根本係惡性循環。

講到呢度，就會有啲old seafood講：「你唔捱得就唔捱得啦！有教你㗎！冇心學，又唔記住啲嘢！」

係嘅，一定有新人係唔願學，學咗又唔記，不過你睇下公司嘅往績先啦，唔係一個半個人走，係不斷有人走，咁唔通個個都有問題喇喎？次次都咁巧合？你請親啲人返嚟都做唔長，如果要追究責任，係咪你眼光有問題呀？

佢哋自己人相處都好好笑㗎！咪話呢條team唔計等退休咁款嘅大大佬Louis之外，仲有6男2女嘅，個樹枝圖就係Louis對下係Daniel，Daniel頭馬係肥仔風，然後肥仔風仲有兩隻狗，一個叫Cliff，一個叫Rick，主要負責喺幾個大佬講啲唔好笑嘅笑話之後陪笑，擦下鞋，附和下，佢兩個都有一定年資，好多嘢都識做，但盡量唔想做，其他人走馬燈咁轉嘅同時，佢兩個都仲留得繼續做Daniel同肥仔風隻狗，可想而知冇返咁上下仆街係冇可能。男同事仲有新嚟嘅我同埋一個叫Gilbert嘅人，佢高級過兩隻dog dog，可以點佢哋做嘢，同肥仔風就平起平坐，只係Gilbert比較少講嘢同埋大部分時間出咗去見客。女同事就一個叫Candy一個叫Cathy。

冇任何大佬喺度嘅時候，Cliff同Rick嘅反應係最真實嘅，有一日朝早，Rick唔知畀咗啲咩阿Cliff：「喂，呢個Daniel丟過嚟，你跟吖。」

Cliff：「吓，咩嚟㗎？我唔識喎，冇頭冇尾。」

Rick：「妖，好易㗎咋！」

Cliff：「你識點整咩？」

Rick：「梗係識啦！」

Cliff：「你識又唔做？」

Rick：「我仲有好多嘢做呀！」

Cliff：「我都有好多嘢做喎，嗱，呢堆肥仔風畀我跟，仲有嗰堆係Daniel畀我。」

Rick：「你整咗我呢個先啦！」

Cliff：「唔得喎，一係我做晒呢堆先。」

Rick：「蚊瞓啦！」

Cliff：「所以唔好畀我喇，你自己做返啦，做唔掂我幫你同Daniel講。」

以上只係一部分對話，真實中更加長，我當時心諗，你兩條友好似政府部門咁將啲嘢推嚟推去，一來一回講咁多嘢都做完啦！不過大家放心，如果有Louis，Daniel，同埋肥仔風喺度，Cliff同Rick係唔會咁㗎，仲會懶係樂於助人，又好踴躍發表意見，演技確實一流。

咪以為我係臥底就冇事呀，我都要受㗎！同日肥仔風叫我check晒item資料包括型號同數量，再丟去畀另一個department報價（因為有啲item要加嘢，另外唔同數量就唔同銀碼），但肥仔風真係講得咁多啫，然後就趕住落樓煲煙，佢一日應該食一包煙左右啦，每次落樓「呼吸」都隔好耐先返，總之就叫我自己睇system。OK！你用一個舊人嘅角度去講，梗係易㗎，當中啲細節呢？完全冇教。我走去問Rick同Cliff，兩條友話忙，叫我自己睇，Candy同Cathy就落咗去辦房，Gilbert同緊我姐夫開會，最後我焗住要自己摸索。

搞完一大輪，send埋出去，cc咗Daniel、肥仔風同埋另一個department嘅同事，過咗冇耐，Daniel就行出嚟鬧我：「邊個教你咁做㗎？」

我：「唔係人哋教，不過肥仔風頭先話趕住要畀客，所以我就執晒啲料，包括item number同埋數量，仲有邊間公司要？幾時要？然後問隔離team攞價錢。」

Daniel：「唔係咁做㗎喎，首先你內部唔係畀呢個item code，仲有顏色呢？唔係隻隻得黑色，隻19270已經有白色啦！個format又唔啱......」

佢唔止話咁少，只係我省略晒，因為話咗好耐，其實我覺得「和你lunch」單嘢之後，Daniel對我嘅面口明顯唔同咗，但我再三提醒自己唔好再咁寸咀同埋張揚，要代入新同事心態，所以今次忍屎忍尿都要忍，仲好禮貌咁同佢道歉。

我：「唔好意思，因為肥仔風想12點前要，又冇人教我，今次係我做得唔好，對唔住。」

Daniel冇放過我，繼續當住咁多人面前係咁話，講嚟講去三幅被，而我亦都多次講咗sorry。

Daniel喪鬧咗起碼15分鐘仲未完：「唔係講句對唔住就得呀，隔離team收到你呢個email點諗呀？甩甩漏漏咁。」

我：「但真係冇人教我喎，頭先大家都忙緊，冇講我知點做，同埋我已經道咗歉，而家教完我，下次唔會咁，你不斷鬧我同一樣嘢其實冇意思，我又唔係唔肯認錯。」

Daniel：「你咩態度呀？」

可能我哋太focus，完全唔知姐夫同埋Gilbert傾完嘢行出嚟，姐夫仲行埋嚟同我哋講：「咁多同事喺度，你哋入嚟我房傾。」

我哋喺全層同事望住嘅情況下，齊齊走入老細房，一坐低，Daniel又loop返頭先堆嘢，我姐夫，即係佢老細，聽完後就望住我問：「點解你唔搞清楚先send出去呀？」

我：「其實我解釋咗，有人叫我幫手做，但就冇人教我點做，可能呢個唔係做錯嘅理由，或者我真係要等到有人教先開始做，不過我已經講咗好多次對唔住啦，與其花時間不斷重複埋怨，點解唔教下我，等我下次唔會做錯呢？」

Daniel：「你語氣好似覺得自己冇錯。」

我：「點會呀Daniel，我由出面到而家入咗嚟，前後講對唔住都超過10次啦！」

老細喺呢個時候語氣平淡地講咗句：「Daniel，我覺得你唔啱。」

唔止Daniel呆咗，我都呆咗，乜咁搞呀姐夫，收你5皮嘢，預咗菊花都畀埋你㗎喇，你屌我吖嘛，做乜話Daniel呀？

老細：「其實咁嘅Daniel，新人真係乜都唔識，冇人教之下做錯好正常，我哋做大嘅，應該事前教，唔應該事後先嚟鬧，你試諗下，佢肯落手落腳做都唔錯啦！你記唔記得之前又係請咗個男仔？返半日工就走咗。」

Daniel有啲疑惑，不過佢始終係世界仔，好快就接落去：「都係嘅，最緊要佢肯學。」

一齊行出房之後，Daniel邊行邊問我：「你邊間agency介紹嚟㗎？」

嘩屌！劇本冇寫喎！

我：「吓，唔記得喇，因為我見過幾間agency，要check返先知，幾間都有介紹工畀我，都唔知邊間打邊間。」

仆街喇，個編劇點搞㗎！老細為條新仔走去話個sales team第二把交椅？臥底身份好容易揚㗎喎！點講都唔通啦！Daniel仲要係正宗大古惑，我就唔信佢冇懷疑。

返到埋位，內線響起，以為係姐夫，正想叫佢同朕check下個角色背景應該係邊間agency介紹嚟，點知原來係Gilbert：「喂，我係Gilbert呀，冇嘢吖嘛？」

我：「哦，冇事。」

Gilbert：「你呢排跟我出去見客先啦，今日下晝同你去利豐，櫃桶有啲空白卡片，得公司heading，你寫定自己個名、電話同埋email上去先，陣間用。」

其實Gilbert打內線都多嚿魚，佢根本坐我後面再後面，Rick同Cliff都聽到晒，仲見到佢兩個露出詭異笑容，咩事呀？好不安呀！究竟係Gilbert有伏？定係行內知名嘅利豐有伏？點都好，我一定要say yes㗎啦！

下次講同Gilbert去荔枝角利豐見客嘅事，仲有同Candy食飯之後，我終於知道佢點解喊，原來係畀一個男同事性騷擾，之後仲.....

#足球小將射一球波都橫跨幾集啦咩呀

動保朋友必看！

當大家對泰國狗被殺，還是很憤怒的時候，可以看看這篇文章。

我係漁護署一個散仔。先申報：承認呢個係分身account，我仲要保住份工。我係漁護人但係從冇殺生。我支持抗爭，但抗爭要準先有用，唔想錯方向。有啲說話官方唔會講，趁而家多人關注我想俾人知香港實際情況係點。

以下信不信由你，為防自爆，我唔會覆。我冇講大話，有咩疑問可以拎我講嘅野去問官方或者動物團體。希望有人願意睇下。

1）如果泰國狗事件重演，可以點救佢？
如果真係要救，我諗唯一方法係唔好通報，船員唔帶佢落船，直接原船拎走。瘋狗症幾乎係漁記第一天條。潛伏期長，100%死亡率，有得預防冇得醫，發病等於被判死刑。聽老師傅講，以前香港有瘋狗症，漁護有殺錯冇放過，喺街見一隻殺一隻，惡貓都要殺。香港已經幾廿年冇瘋狗症，如果放左隻病狗入黎，分分鐘黎多次大屠殺。呢隻狗冇晶片（=冇打針紀錄）、船主承認佢由泰國（疫區）上船非法入口、船主簽紙放棄隻狗、法例話只要懷疑隻狗接觸過瘋狗症就可以啪<—綜合以上幾點：個獸醫而家俾人鬧到仆街，但係俾佢揀多次，佢都會啪。如果唔啪，佢又真係有病，觀察期間唔小心傳染到其他動物/人，無論係全面殺狗（大家睇過豬瘟演習）定係死左人都揹唔起，佢邊敢搏。

2）唔係等4日/7日先可以殺咩？
4日係普通流浪狗，入境狗有唔同law。7日係一隻狗咬人之後要隔離7日。因為瘋狗症發病就會咬人+發病後7日一定死=坐7日監睇下佢會唔會死，唔死就唔係因為瘋狗症而咬人。普通一隻狗冇咬人坐完7日監唔代表冇病，可能係未發病。

3）點解唔隔離？
因為係非法入口又冇晶片。你想由疫區申請隻狗入黎，打齊針齊晒文件都要隔離4個月。呢隻狗連晶片都冇，漁記響晒red alert，連隔離都唔想搏，除非有朝一日可以upgrade硬件軟件去handle呢啲誤入境嘅無辜狗。

4）呢單野而家變國際新聞，乘勢追擊啦！起碼救到之後無意中入境嘅狗
晒氣啦。管理層全部係獸醫。佢地全部讀書人脾氣，只要啲科學野係啱，佢地唔會理公關。好硬頸㗎，冇情講，有時講明咁做實俾人投訴，佢地一講啲科學野我地即刻收皮。人地讀過番書，專業人士，冇計。但基於佢地呢種特性，佢地啲決定雖然唔合情，但一定合理合法，吹佢唔漲，你最多話佢真心膠，冇得用法律/科學講得贏佢。今次佢跟晒law跟指引，真係冇做錯。黎緊會改動物例，不過唔會改瘋狗症。一講到瘋狗症，佢地就起晒鋼。佢地只信科學，你地唔駛旨意可以靠講隻狗好慘就屌到佢改例，冇可能。不如貼地啲諗下點幫本地狗仲好。

講咁多唔係想幫漁護護航，係想解釋漁護有幾驚疫區非法入口冇晶片狗。如果大家訴求係下次有同樣情況會有不一樣結果，全港跪求都冇用。唔好誤會，我唔係叫大家不了了之。我係想趁今次時機可以集多啲人出聲，但係唔想大家用錯力，浪費今次嘅凝聚力。漁護會有一次動物福利改革，會重新立法，已落實今年內開始諮詢。呢次改革係動物團體同漁護開會開幾年爭取返黎。今次事件全港關注，如果大家著眼今次事件，會發生咩事？例如諮詢期收到70%追究/檢討泰國狗及同類事件、10%提高遺棄/虐畜執法標準、10%檢討漁護處理投訴手法、10%收緊繁殖場管制。政府個腦點諗野大家都知。泰國狗事件，涉及瘋狗症問題，唔考慮。其他問題，每項不足一成人提出，咁即係少數人啦，即係唔多人關注。份報告最後就係咁寫。

香港咁多動物福利團體，點解咁少機構遣責呢件事？就算有都係輕描淡寫，好少機構有追打。原因就係佢地都清楚我以上講嘅野，知道呢條規則冇得改，亦怕同漁護呢個時候追究一件冇得改變嘅事會模糊焦點，浪費佢地近年心血。作為動保團體，佢地又唔可以出黎叫大家唔駛蹝氣。而家最活躍追究呢件事，都係呢幾年冇參與過追漁護改革，而呢啲時候先出黎搶光環。
順帶一提，動港咁多動保團體，漁護網頁只列出十幾間，點解咁偏頗都冇人嘈？因為列出要符合關乎寵物權益（即係唔計野生動物）、合法註冊組織、非牟利慈善團體幾個條件。所以你見列出團體有包括十個人都冇嘅小組織，而有啲fb好活躍嘅大組織又冇份。如果大家想捐錢，都係為動物好。你自己決定想捐俾非牟利團體，定係牟利團體，自己可以上漁護或者稅局查下。

講返改革，作為見慣動物點被對待嘅人，我建議可以諗下呢啲方向：
(1) 加強無牌養狗罰則（攞牌打晶片真係好重要，如果身邊有人養狗又唔打晶片，請大力勸喻）
(2) 擴狗房狗位之後加長四日時限
(3) 修補棄養漏洞（棄養犯法但有漏洞係半公開秘密，唔喺度講，唔想教識更多人）
(4) 加強邊境捉走私狗（而家多左大陸走私狗落黎，大陸都係瘋狗症疫區，唔好害到香港啲狗）
(5) 經常有人話”管理署迫我送走隻狗”。你養之前已經知大廈唔俾養，講到尾都係一己私慾，為左短暫快樂，用一條生命去賭博，衰左就賴管理處。可以點攪？領養就有家訪調查。買狗有冇可能要証明屋企可以養狗先准買？
(6) 改指引改設備 - 減少索狗時傷狗。要求以後唔可以捉狗太離地。TNR又失敗左，唔知可唔可以繼續。我未諗到有冇方法改善捉狗問題
(7) 加強巡邏捉非法放生
(8) 撞傷動物唔即時送去獸醫等同撞車逃逸
(9) 管制寵物用品 - 獸醫有講過市面起碼一半狗帶都會令狗承受冇必要嘅痛楚/不適。管制choke chain設計 / 其他容易傷狗嘅物品
(10) 而家合格唔駛啪嘅狗都送去動物機構俾人領養，官方冇得領養，要靠團體自己安排。政府起碼應該出錢出場地每個月集合一大班動物機構攪領養日
(11) 檢討牛隊野豬隊運作，研究安全帶走動物嘅方法，不殺不麻醉
(12) 加狗公園，最好每個大型公園都開一個位俾狗玩
(13) 政府攪多啲訓練課程俾狗主，狗主有責任訓練狗唔亂吠亂撲，減低唔養狗嘅人討厭狗嘅機會。愈少人討厭狗愈易改善動物福利
(14) 希望可以加帶動物去學校做活動教學，起碼俾幾個鐘小朋友同動物相處，自細唔好怕貓怕狗，學識尊重生命。最好攪個好似愛丁堡獎勵計劃咁鼓勵學生做動物義工
(14) 資助動物機構同學校/社區中心合作攪活動，俾人親眼睇下俾人棄養嘅動物有幾慘，教人唔好棄養。同埋好多人以為等人領養嘅動物=流浪動物，污糟生蟲毛打結，兇殘對人有敵意，其實唔係，去參觀過就眼見為實
(15) 繁殖場係大毒瘤。我諗要爆瘋狗症先會收返啲牌（好似禽流感雞牌咁）。要求一刀切就不切實際，政府冇可能肯做。可唔可以逐步提高持牌要求？設備好啲起碼啲狗生活好啲。要求愈高成本愈高，慢慢迫佢地自動執笠

一間公司要改變，顧客要求一定比員工建議有用。希望有人覺得有參考價值。希望今次keep到團火。遊行又好，討論又好，可以keep到去諮詢期都多啲人出聲。

以上係我嘅諗法。如果你睇到呢度，多謝你。

有冇人繼續睇都好，講開就想繼續講埋其他諗法，可能有啲亂。
1）求大家一定要打晶片！！
晶片=身份証。都係3年一次，每次$80啫，我唔明點解咁多人唔打。就算你住離島，只要集夠人想打，針隊會送埋上門幫你打。隻狗幾乖都有機會甩繩走失。我地捉到有晶片同冇晶片嘅狗係兩回事。有晶片就會搵主人。除非主人親口話唔要，如果唔係都盡量唔啪。啪左之後搵到主人咁點算？老細都驚人投訴，對有晶片嘅狗會小心啲。
冇晶片就走正常程序，狗房仲有位都會留多陣，夠4日唔合格又爆位就會啪。過左就好難追。冇晶片，我有心幫你搵紀錄都唔100%肯定有冇啪左你隻狗。肯定有好多狗有主人冇晶片，無辜被啪。搵失狗又係，好多老人家唔會幫隻狗影相，間唔中就有”佢叫XX，好大隻，啡色，好乖”點幫你問幫你搵。就算搵到，點証明隻狗係你養？俾左你，聽日有第二個人出黎拎住張差唔多嘅相話係佢養，點攪？所以又要攪一大輪。漁記搵到失狗同普通流浪狗係兩種心態。打晶片係保護佢。

2）點解要捉狗
呢句一定有人信：公務員係唔會自己搵野做。漁護唔會周街巡，會去捉狗一定係有人投訴，尤其係區議員。淨係做投訴都做到狗房爆晒，我地真係冇跑數呢回事，信不信由你。

3）點解會投訴？
香港好多投訴撚。由污糟、好嘈、好臭、我好驚，什至”流浪狗一定有病，我死左係唔係你負責”都係投訴理由。最通常源頭係有人餵貓狗，引到一班貓狗聚集，又喂慣左就唔驚人喺啲屋苑/公園附近走黎走去，好快有人投訴。唔該啲老豆老母唔好亂教仔，見到有人放狗有拖繩，隻狗乖乖行，都要大大聲同個仔講：唔好行埋去呀，好污糟㗎，你行埋去就咬死你。你培育緊一條恐狗投訴撚。狗唔會無啦啦咬人，喺香港人傷狗多過狗傷人。投訴撚周圍都有，你阻唔到。你餵佢只係短期對佢好，餵到有人報警/報漁記只會害死佢地。我建議直接搵機構接收佢地，然後捐錢捐食物做義工。（雖然未必接收得晒，而家太多太多流浪狗）

4）咁見到流浪貓狗點算？
承上，搵啲動物機構。不過要check清楚，而家好多扮愛心真牟利嘅仆街貓狗義工或者道德大愛動物撚，做到動物義工臭晒朵。SAA同LAP算比較好，冇機構嘅貓狗義工要特別小心，好多慣犯。題外話見到牛千其唔好報警。牛又唔會攻擊人，你做咩要報警？！阿sir講麻醉牛係好麻煩。牛瞓覺係屈腳肚貼地背向天咁瞓。佢地身體同內臟結構令佢地唔可以完全肌肉鬆弛咁長期側瞓，會死。自身重量壓住個肺呼吸唔到會死，昏迷中繼續反初都會死。所以麻醉一隻牛要幾日前開始斷食（好似我地做手術前唔食野）同有足夠設備保護固定佢嘅姿勢。喺路邊冇設備咁麻醉一隻牛，靠人力抬上車，車程dun到返去，咁都幾個鐘，好多牛醒唔返。見到牛唔駛理㗎，牛有靈性，佢識返屋企。如果喺馬路就bu幾下，佢會行走。真係唔得就call啲牛義工組織，佢地識引隻牛走。唔好報警！一出動麻醉好易害死佢！

5）點解香港咁多流浪狗
因為好多人遺棄。抽到居屋/小朋友哮喘呢啲算比較合理。比較難聽係分左手/要搬屋/要結婚我另一半唔鍾意佢。on9啲嘅有bb個時好得意大個醜樣左/我唔知佢會變咁大隻/我冇諗過佢會病/佢啲屎好臭/佢唔聽話。每個bb都好得意，好少人大個做男神女神。大個一定會變樣，唔想變樣就玩毛公仔，唔好學人養狗。養之前做下功課，唔想隻狗變大咪一開始揀細狗養。狗係生物，會痾屎生蟲口臭甩毛，有生老病死，有情緒有脾氣，佢幾健康幾乖係睇主人點照顧。你三分鐘熱度就咪鬼養狗，養倉鼠咪好，一兩年命又易照顧。你養貓狗一年半載就玩厭唔要，人地之後個十幾年點過？政府要堵塞棄養漏洞。拋妻要分身家，棄子要俾贍養費，棄養點可以唔負責任。

6）另一個原因係少人領養
講真，大家講到有幾愛動物都好，有幾多人肯去領養？領養好少會有純種狗，就算有都多數有病，雜種狗又冇咁靚。啲人揀狗都係揀外表。我想講其實純種狗好易有病，唔好到有病時又棄，你知有咩常見病要幾錢醫，你ok先好養。唔好咁迷戀養bb。由細養到大係會好開心好有成功感，但係bb同人bb一樣難照顧，如果你全家要返工返學大半日冇人喺屋企就唔適合養bb。雖然丟貓狗bb喺屋企大半日唔會死，但意外好難講，咁你丟個人bb仔喺屋企大半日都唔會死啦，你係唔係丟？佢會唔開心，有情緒問題，周圍咬野，有分離恐懼，唔好為自己開心就咁自私。好多人會買貓狗陪老人家。狗由幼年到中年都好有精力，要人陪玩陪跑，貓就一啲啲，你俾老人家養盞大家辛苦，handle唔到又棄。老人家養返中年以上嘅動物好啲，淡定啲唔會亂咬野，又唔驚佢跑黎跑去kick親老人家。

7）領養有咩好處
講救狗好多人都聽唔入耳，人人顧住揀靚狗。我講個實際啲嘅理由：可以”試”。寵物店你最多都係一兩個鐘就決定買，又多數係幾個月大嘅bb，睇唔清性格。領養前可以去慢慢相處，一邊學點幫佢沖涼剪指甲執屎放狗，一邊了解佢咩性格，試下同隻狗夾唔夾。唔夾咪當做左義工囉，唔駛養左又唔要佢。隻狗如果本身有病，義工又會坦白同你講。如果呃左你，你有機會俾返隻狗佢或者由得隻狗病，佢冇著數。呢啲組織多多少少要靠光環，呃完你臭左個名好難做。寵物店收左錢就唔關佢事，仲話bb係好難湊好易病，鬧返你唔識照顧，變左黑店大不了換舖換名再做。

8）點解咁少人領養
我發覺近幾年香港多左有大陸人個種”恩主”心態。竟然有人棄養講：我捐隻狗俾其他人養。佢仲要沾沾自喜，覺得自己做善事咁。佢係狗，唔係你個死港女啲手袋呀，捐你個頭。棄動物其實犯法，但係啲人唔知點解識走法律隙，要立法改善。有啲仲要以放生為名謀殺動物，將淡水魚倒落咸水海都得。好多人會放啲動物去公園水池，去雀鳥塔，去香港公園，以後有人餵，見返同類好開心，覺得自己做好事。動物有地域性㗎，你放隻外來動物，佢會俾人圍毆。你估放養嘅會贏定係慣左籠養嘅溫室花朵會贏？就算冇地盤問題，都要面臨爭食，佢慣左有主人餵點識爭？等於你殺左佢。領養個啲又係，嫌手續太煩：我而家冇錢咩？你咁煩我寧願去買。有錢大晒咩。填表家訪裝貓窗搬走對動物有毒嘅花草，呢啲基本野，你咁都嫌煩你就唔會頂到十幾年幫佢執屎梳毛剪指甲，你唔養好過。義工唔教你，到時隻貓跳樓或者食錯野死左，你唔好喊住話”冇諗過會咁”。有啲真係好煩要不斷家訪keep住send相就見人見智啦。我諗係因為有好多仆街領養完拎去賣，所以啲手續先愈攪愈複雜。

9）領養有咩要留意
記住記住記住，領養前要問清楚轉狗牌啲安排。有啲變態義工會恰普通人唔知有狗牌呢樣野，領養完唔轉名。之後如果你滿足唔到佢十萬個要求激嬲左佢，佢會要求拎返隻狗。如果未轉名，就算你養左一年半載有感情，佢都有權拎返。有啲變態義工成日玩呢招，仲要哭訴話隻狗好慘，又俾人遺棄。走火入魔覺得全世界係衰人，得佢自己係救狗天使，講唔到道理。大家小心。

10）賣狗
以前有一班慣犯拎自己養嘅狗去生b去賣，走法律隙唔駛申請繁殖牌又有錢賺。而家就係立左法捉呢啲人，賣自己養嘅狗都要申請，冇申請就犯法。專登開左一隊人做，阿頭係一個好辣嘅正義人老將，應該會堅做，但係聽講做得好慢。今時今日賣狗都係靠facebook/ig/論壇。啲老將都唔知識唔識搵post。大家見到就幫手cap啲資料報1823。如果驚政府做太慢，未捉到已經賣完刪post，你cap圖即時兇佢報警都好，希望嚇到佢。當風險大過利益就冇人會做。

講左咁多，又講講下離左題，唔知有冇人睇到呢度。我呢啲散仔，大政策就冇我份，實際運作我覺得漁護進步緊嘅。以前啲仆街老屎忽唔當狗係命。聽到佢地吠就又打又鬧，或者淋凍水開風扇整病佢地。仲要賺啲陰質錢，捉左靚狗未搵主人就打龍通賣俾寵物店。呀，以上嘅黑暗史係我發夢見到，聽下就算。而家班老屎忽退休七七八八啦，新一代好好多。捉狗就難免，佢地本能一定會掙扎，會好驚，好易會刮損/爆牙血。捉狗啪狗會繼續，唔駛期待短期有咩改變。你會覺得唔啱聽，覺得冷血，但實際貼地情況係咁，我想俾人知，官腔唔會俾人知。

曾經講過會擴展呀，起新地方做狗房，先進啲，容納多啲狗。我諗係好嘅，收投訴就捉狗呢樣野唔知要過幾多年先有新對策，起碼擴展左先，始終多啲位，啲狗先有機會留多幾日。如果夠位養晒全香港嘅流浪狗就好（發夢都冇可能），養到有人領養為止，或者養佢過世，伙記唔駛捉，狗又唔駛驚。佢地住慣左咪唔驚，當俾人養咁，又唔駛喺街愈生愈多。如果我返工就係養狗，放工又養狗，幾正。唔好講咩動物係屬於大自然，天生天養就得，唔好捉佢地。香港啲狗本身唔係野生動物，係人類為私慾繁殖佢地之後養完又唔要，唔可以用大自然黎講，人工培養嘅狗唔適合流浪。不過諗太多啦，聽左咁耐都冇動靜，可能啲錢都拎晒去明日大嶼啦，佢有錢都俾晒150，邊會到香港狗。

大家想幫就捐錢俾啲義工組織啦，等佢地擴展應該快好多。你幫下啲私人公司，政府見私人公司有咩做得好，過左十年八年會on居居跟住做㗎啦。希望有人睇下啦。我唔會回唔可以再解釋，唔可以自爆。同埋我早幾日開左個新facebook account先寫文，點知今日再login要電話認證，我開分身又點會俾電話，我下次可能都login唔返呢個account。用得分身account就唔會刪post，會唔會俾人report完俾人del account就唔知。唔好意思咁遲先講，我冇諗過自己愈寫愈長，未試過寫咁多野，攪左幾日。以上係內部人貼地真話，信不信由你。如果唔啱聽，對唔住。如果啱聽，請幫手。

P.S. 我唔識用分身account仲會唔會追查到。想爆料有咩更安全方法可以爆？