戒
習慣 是一個奇怪的東西，無原因，總之唔做唔安樂，做咗唔多覺! 朋友習慣起床就抽一枝菸，飯後又一定要抽一枝，否則無法開機，而朋友把這個「壞習慣」勵志化，決心要努力賺錢，買一間睡房有露台的屋，起床就可以在露台向著無際藍天吞雲吐霧，終於朋友靠每次飯後的煙局，廣結各式人種，接到不小生意，賺到不少錢，如願買到有露台的單位，但朋友有天在露台抽菸，突然覺得為什麼要被菸支配，毅然決定戒去這習慣!
朋友說開始時坐立不安，生活節奏全打亂，出街像無著衫，緊張時容易失控，但只要每每想起
我不要被支配
就會好有決心捱過去
然後新天地就出現，看到的，碰到的都不同，是真正的 清廚
我沒有吸菸習慣，但早知「戒」一樣東西，辛苦但真正可達到reboot的效用，而且過程極神奇
而我一直想戒同手機的親蜜關係!
對!大家都不妨想想
你同手機會不會太親蜜
手機響 起身 例必玩一陣，然後開住歌梳洗
換好衫出門口，等𨋢 等車 撘車 撘𨋢 返到公司前 手機沒有離開過，如果你是爭取補眠的 恭喜你
返到公司，除非你的工作是要長期操控東西，否則平均二十分鐘睇一次手機，到午飯時間，更加全程送飯，回到公司又繼續二十分鐘一次，然後到放工，等𨋢，撘𨋢，等車，撘車，食飯，回到家像尿袋一樣跟身，去到邊，做緊乜都係揸住個手機，到終於瞓，手機當然放在床頭，夜半夢迴醒來，又看一看手機，然後又到另一天，手機又響起，你又重覆過著這生活……
如果你不是 恭喜你
我不想被支配，我開始 戒 手機，日常都不把手機跟身，看手機主要是查看訊息，查完就離開，睡覺時把手機遠離，放到廳中去
這樣試了一小段時間，開始感到自由，然後我決定加大力量，我決定嘗試不帶手機出街
我的程序是這樣，先嘗試晚上把手機留在公司，然後回家，由於我家是沒有電腦，而我亦沒有另一部手機，所以這是真正考驗自己的決心
我暫時嘗試 2300-1130
初初個心好亂，又諗有緊要事搵我就弊，但個天知我做緊件好事，唔會咁對我，然後安定下來就十二點唔夠瞓著，重點係一覺瞓到翌日九點，係講緊平時食藥瞓都未必可以瞓得咁好!咁仲唔係關部手機事!!
起身後有心急過要撲返公司看手機，但同時又好enjoy乜都唔知的自由，然後返到公司一掂部手機，所以有美好感覺又收晒皮!!
我過到呢版，我下一個就會試唔帶手機出街，點對點，沿途看風景，看人玩手機
當然事前要通知晒所有有關 人士，這一關要諗清楚點玩!
而事實上 手機 是最毒最美的女人 唔玩難 玩完唔死仲難
所以大家加持一下我呢個做法!至少有時唔覆你，唔好覺得我串
其實我無睇手機好耐喇!
#又長又沉
#我是真心的
#但唔睇手機點睇到呢段文字
#唔想delete唔好插我
#我是真心的
