雷囡s期待左呢套 #真人版《小飛象》好耐，難得今日有機會同一班 #全職BB聯盟 嘅朋友仔一齊睇，冇理由錯過架！
（冇錯，又見到佢哋🤣，最近好似日日見，唔見唔安樂咁！）
呢套真人版嘅小飛象，可以話精彩絕倫！
故事感人之餘又好多夢幻場景！又可以欣賞埋馬戲團嘅表演。同埋好多大型技效果！仲有小朋友最愛可愛動物。又可以俾小朋友好多學到好多故事背後帶出嘅道理。
唔想劇透太多，只可以講套戲大量感人洋蔥位。所以喺呢度提提大家，紙巾一入場已經要攞定。
但放心，唔係喊到好慘果啲。除左洋蔥感人位，其實有好多開心攪笑位。仲有大量精彩令人贊嘆嘅場面！女主角華麗嘅裝扮、十足迪士尼嘅舊式夢幻樂園、馬戲團嘅精彩演出，仲有我超鐘意嘅粉紅大象泡泡果幕，睇到我童心返晒嚟！特技效果超好，動作細膩，連我都以為#小飛象 係一隻真嘅大象。
小朋友都睇得好好投入。雷大囡睇完無限Loop左好多次：「好好睇呀！想再睇！」
而bb雷小囡差唔多睇足全場，仲話唔見左象媽媽好慘...但因為全日冇瞓晏覺，睇到結局突然斷電，瞓左一陣🤣🤣
（唔好意思，小朋友間中講左幾句，請多多包容。我都有教佢唔好講野，不過有時太投入又講左一句半句，好彩佢都算乖乖，殊佢即刻收聲）
都係果句，#唔劇透，想知套戲講咩自己入場睇啦！絕對係值回票價，大小朋友都啱睇嘅一套戲。
#真人版小飛象
#雷小囡話小笨象識飛，大笨飛媽媽唔識飛
#其實大象不知幾聰明，點解要加個笨字呢？
#媽媽其實連卡通版都冇睇過，即時想搵嚟睇
#迪士尼電影絕對有口碑
#鬼才大導添布頓 (Tim Burton）#精彩
#女主角伊娃格蓮 好靚😻
#但小女孩係我眼中嘅女主角
#Dumbo #小飛象
#又見到一班全職bb盟友好開心
#小飛象電影
海運戲院 Grand Ocean Cinema 超巨幕
