🌈早前10月嘅Blognet親子聚會決定跳出框框，去咗佐敦倫敦廣場嘅黃珍珍泰國菜館試新嘢💕由於當日大部份嘅小朋友都好乖巧，所以媽媽們可以好好互相交流兼專心享受美食😍有blogger媽媽仲分享以前拍拖嘅時候成日都會去九龍城黃珍珍撐枱腳，後來店員介紹先知，原來部份菜式係店舖限定㗎！所以今次率先試幾道佐敦分店獨有嘅菜式先啦！
🦀酥炸軟殼蟹拼青木瓜沙律
炸得外脆內軟又Juicy，青木瓜沙律酸酸甜甜有帶少少辣，夾埋軟殼蟹一齊食原來會多咗一份清新口感！好開胃嘅一道前菜💕
🔥泰汁燒白鱔
白鱔一向都係我既最愛，鐘意佢夠肥美彈牙既肉質，今次呢個泰汁燒白鱔仲有新鮮嘅菠蘿片伴碟，好有心思！啲鱔肉用咗日式鰻魚切法去晒骨，再燒到表皮香脆，一口咬落去啖啖肉充滿肉汁😋再點埋個秘製泰式燒汁，好食到停唔到，好有水準👍🏻
🐂秘製燒牛仔骨
身為牛魔王嘅我又點可以錯過牛😏牛仔骨味道帶甜，燒到兩面金黃好吸引，有少少似葡式既燒牛仔骨，溫馨提示要趁熱食呀！
🥘咖喱炒蟹配法包
蟹肉先用「走油」嘅方法去封住啲肉汁，大大件而且肉質鮮甜，最驚喜係原來個咖喱汁一啲都唔辣，反而係充滿椰奶香味，送飯一流👍🏻不過當日選擇咗配熱辣辣而且外脆內軟既法包😍連小朋友都食個不停😋
🐟泰式椒鹽白飯魚
條條都好似筷子咁粗，炸到於脆好香口，呢邊仲有炸蒜同埋香茅、乾蔥碎等等！好惹味！
🔥火焰雞
呢隻雞真係好吸晴👍🏻上枱嘅時候店員就溫馨提示即將會淋啲酒落去，然後點火🔥成隻雞着晒火，大家爭住拍片影相🤣個火大約維持左幾秒， 真係要夠快手先至影到，經過火燒之後雞皮得非常香脆，直接用手撕出黎食，勁juicy又有風味💕
🥥新鮮椰青
去襯泰國餐廳一定要整返個清甜既新鮮椰青😍呢到連椰青賣相都靚過人，好有泰式風情呀！
嚟過佐敦黃珍珍之後，覺得佢地點方便，好近地鐵站，而且食物做法都好有特色，加上我屋企人都好鍾意食泰國菜，所以下次家庭聚會又多一個選擇啦！💕
#BlogNet #博盟 #佐敦黃珍珍泰國菜館
