Search
【賽前又講兩句】
.
今晚作客都靈，與同組勁敵祖雲達斯正面交鋒，雖則對手聯賽失準，不過歐聯始終係歐聯，尤其大戰球員心態定必唔同，賽前兩隊都有唔少傷兵停賽，祖雲達斯有戴巴拿、莫拉達等，而車路士亦有簡迪、蒙特、列斯占士同佩利錫。
.
上場波輸比曼城，加上傷兵問題，今場波能唔能夠及時調整相信事關重要，尤其喺多個位置上既主力球員缺失，杜曹既考驗將會更加之大，雖然祖雲達斯同樣有主力傷停，不過喺缺少左C朗底下陣中既基艾沙表現依舊非常亮眼，藍軍能否凍結佢將會係關鍵，而上場波見到占士受傷後艾斯派古達加上基斯甸臣兩者一標一包既合作，實在喺水準之下。
.
亦同時係佐真奴面對國家隊隊友之戰...
.
《岩睇既比個Like支持我地啊！》
作者 : BluexLion車迷手記
圖片來源 : Squawka
-------------------------------
同場加映《當歐聯冠軍成為上限 如何再度向上突破？ 淺談杜曹與車路士今季的目標與前境》
https://s.fanpiece.com/A7Fkfzl
.
#Chelsea #車路士 #杜曹 #祖雲達斯 #歐聯
《嘗試三中堅以外變化 加時十二碼氣走客隊 車路士對阿士東維拉聯賽盃賽後分析》
.
本來聯賽盃從來都唔算係受關注既賽事，主要係列強總係以哩個本土盃賽為練兵既地方，安排大量後備球員上陣，而今場波車路士亦都一樣，杜曹大大話話都輪換左接近八個位置，不過令人意外既地方係今場波球隊並無以三中堅出戰，反而佈置為一個433陣式，亦有唔少亮點都受一眾車迷們所注視。
.
文迪繼續養傷，門將位置依舊由基柏把關，杜曹同時收起一眾正選中堅安排左小將查路巴同上季新加盟既法籍中堅沙亞上場，而左右兩閘就由久未上陣既捷維爾同列斯占士擔任，中場方面由簡迪伙拍路夫斯捷克同沙奧尼古斯，至於前場方面就安排左添姆雲拿、薛耶治以及奧岱為三攻堅，開場前外界以為會繼續用三中堅陣式為主，奧岱會擔任右翼衛而向後收起列斯占士為右中堅，估唔到既係開波後以433陣式應戰。
.
相比起十日前聯賽對陣維拉，對手亦同時喺今場聯賽盃賽事作出大幅度輪換，中場硬度亦無果場咁大，不過由於藍軍同樣安排左大量久疏戰陣既球員上陣，無論喺合作同融合度方面都需要提升，何況今場波杜曹以試驗性質嘗試戰術變化，一眾球員都需要時間摸索；先由後場講起，查路巴拍沙亞哩對組合係首次喺賽事中合作，前者今季雖然經已曾經出場不過當時身邊都有唔少老大哥拍住，而沙亞自上季加盟以黎今場波先係第一次代表車路士於正式賽事中上陣（上季外借至波圖），兩位同為廿二歲既年輕小將表現可以話不過不失，沙亞既速度同身形的確切合高位既戰術，不過要留意既係出腳時機偏慢同攔截動作並非乾淨俐落，風格上有少少蘇馬既感覺。
.
至於中場方面，喺見到打三中場時一度以為簡迪會擔任墜後既位置，無諗過哩個位竟然會由路夫斯捷克負責，自大傷過後哩位英格蘭中場一直都上唔到力，上季喺外借到富咸之前更被林伯特安排打一個輔鋒角色，表現相當唔理想，喺杜曹手上回歸中場底下今場波擔任類近佐真奴既角色，當然佢喺掌控節奏方面未及得上意大利人咁爐火純青，不過喺一啲細空間一對一過人展現出高度信心，長短傳加上配合隊友one two走位方面都有唔錯既表現，相比起上季係有明顯既進步同提升，希望能夠繼續維持落去，而於沙奧尼古斯既表現同樣都不過不失，不過仍雖時間同隊友磨合，同時需要提升競爭狀態。
.
最後就講前場，三人之中奧岱既表現必定係水準之下，其次就係薛耶治，前者喺上半場相當淡靜，持球突破同傳中質素都唔理想，同簡迪既配合亦都唔夾，反而喺蒙特半場入替後同佢會比較多配合，至於薛耶治季初既狀態曾經相當火熱，不過一次受傷後表現有所回落，感覺上喺場上依然未搵到一個好合適發揮既位置咁，表現較為浮沉，至於添姆雲拿終於取得今季首個入球，喺主打陣地戰之中從來都唔係佢優勝既地方，除左果個入球之外其實佢都唔算有太多表現，不過喺半場換入盧卡古後二人明顯多左唔少配合，個人認為杜曹可以放多少少時間喺哩對組合上，始終兩者之間既風格特質各有差異，互補之下相信會有唔錯既化學反應。
.
今場波算係一個唔錯既嘗試比到球隊去執行三中堅以外既陣式戰術，亦比到機會一眾後備至員去提升狀態加強隊內競爭性，不過同樣要留意既係球隊喺缺少左佐真奴底下戰術明顯缺乏方向性，路夫斯捷克今場波打哩個位置純屬試驗性質還是杜曹既計劃安排，相信答案黎緊會好快知道。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《鏡與影的四十五分鐘 半場調整成勝負分野 熱刺對車路士賽後分析》
https://s.fanpiece.com/er4gGPe
.
#Chelsea #車路士 #阿士東維拉 #聯賽盃 #杜曹
https://s.fanpiece.com/x7phBcY
《鏡與影的四十五分鐘 半場調整成勝負分野 熱刺對車路士賽後分析》
.
鏡與影的四十五分鐘，哩九隻字足以形容哩一場倫敦打吡，車路士作客熱刺雖然大勝一場全取三分，不過賽事過程並非如比數所料咁易食，上半場藍軍更可以話比熱刺迫到無乜太多喘息機會，勝在半場時杜曹一下臨場調整，加上對手應付不及時之下造成大勝局面，成功延續聯賽不敗走勢。
.
喺歐戰過後杜曹喺今場波作出少量人手調整，基柏取代左上場受傷既文迪為正選門將，防線換上堤亞高施華為中中堅，將基斯甸臣移為右中堅同魯迪加合組三人防線，同時將艾斯派古達移到右翼衛取代列斯占士，左翼衛就繼續由馬高斯阿朗素擔任，而中前場除左由夏維斯取代上場打正選既薛耶治之外，依舊維持前線既盧卡古同蒙特以及中場既高華錫拍佐真奴為今場正選十一人名單之中。
.
熱刺除左喺主場有優勢之下更有王牌孫興慜復出，開賽後非常主動地搶佔區域地帶，無球在腳時亦不惜體力由前場開始進行迫搶，同時整體地將防線推前向藍軍施加壓力，比起以往主要縮後打反擊今場波風格完全唔一樣，相信哩一點都未必係杜曹賽前所預料得到，亦令車路士班球員明顯唔適應哩種節奏，尤其喺一啲五五波爭奪時都處於下風，嘗試避開硬碰硬既身體對抗，打得相當吃力。
.
尤其係前線就只有盧卡古一位應付兩至三位白衫球員之下，蒙特同夏維斯所輸出既跑動空間並不足以為客隊創造進攻機會，喺中場明顯打少個之下加大左高華錫同佐真奴既負擔，如果唔係孫興慜把握唔到一下黃金機會，相信車路士早以成為在落後既一隊，有見及此杜曹亦馬上喺半場進行調整，喺夏維斯同蒙特之間選擇抽起後者換入覆蓋面更廣跑動量更大既簡迪上場，而賽事形勢亦馬上顯得一百八十度既轉變。
.
唔知係咪熱刺同時作出調整還是體力無以為繼關係，白衫球員半場出返黎明顯無晒上半場所作出既迫搶力度，講緊既分分鐘係連20%都唔知有無，三線距離亦相當鬆散，而喺簡迪在場加上杜曹刻意指示球員加大壓迫以及力量對抗之下，上下半場兩隊既形勢可以話完全調轉，熱刺只能夠透過後場一啲大腳長傳製造攻勢，並無乜太多可以組織既空間，相反車路士就多方向地由左中右三線進行進攻，都能喺主隊禁區製造到唔少具威脅既埋門，而其中施華除左為藍軍先開紀錄果球頂入角球之外，亦多次成功喺角球中擺脫負責防守佢既阿里進行頭槌攻門。
.
雖然最終都能大勝全取三分，不過球隊上半場既表現完全係喺水準之下，注意到蒙特近幾場個人都比較迷失，加上球隊狀態尚未處於穩定，喺種種因素之下杜曹都有必要作出處理，而喺黎緊對陣曼城之前都有場盃賽賽事會舉行，相信都會係一個調整同主力球員稍為休息既機會。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《當歐聯冠軍成為上限 如何再度向上突破？ 淺談杜曹與車路士今季的目標與前境》
https://s.fanpiece.com/A7Fkfzl
.
#Chelsea #車路士 #熱刺 #英超 #杜曹
https://s.fanpiece.com/er4gGPe
記得訂閱「何Wayne足球評論」頻道
Follow及讚好Facebook專頁：
https://www.facebook.com/howaynegamer
或Add我Facebook傾波經：Ho Kwun Wan
睇完波就記得收聽「何Wayne足球評論」，節目包括：
「何Wayne測波經」- 預測未來一周大賽+粵語評述
「何Wayne賽後評」- 分析評論比賽，研究得失。
「何Wayne消息」- 為你分析預測比賽以外，球壇的各種消息。
「何Wayne說經典」- 為你分析及回味經典比賽，認識歷史、名宿、借古諷今。
何WaynePSN：howayne07
加入 'FIFA HONG KONG' facebook group NOW!!!
FIFA 遊戲教學
FIFA 遊戲生涯模式
記得訂閱「何Wayne足球評論」頻道
Follow及讚好Facebook專頁：
https://www.facebook.com/howaynegamer
或Add我Facebook傾波經：Ho Kwun Wan
睇完波就記得收聽「何Wayne足球評論」，節目包括：
「何Wayne測波經」- 預測未來一周大賽+粵語評述
「何Wayne賽後評」- 分析評論比賽，研究得失。
「何Wayne消息」- 為你分析預測比賽以外，球壇的各種消息。
「何Wayne說經典」- 為你分析及回味經典比賽，認識歷史、名宿、借古諷今。
何WaynePSN：howayne07
加入 'FIFA HONG KONG' facebook group NOW!!!
FIFA 遊戲教學
FIFA 遊戲生涯模式
佐真奴 加盟阿仙奴簽約年半*角色定位如何*細列近三個車仔轉投阿記球員. ... <看更多>
佐真奴 在 車路士鐵血藍軍- 外媒：出售佐真奴有利有弊 - Facebook 的推薦與評價
外媒：出售佐真奴有利有弊，車路士還未做出決定昨日，意大利轉會專家表示祖雲達斯希望簽下切爾西中場若日尼奧，轉會費為3500萬鎊。而The National的跟進報道表示， ... ... <看更多>