TheNUN 詭修女
祈求詭修女嚇NUN到你驚
出面好多人將依齣詭修女同
重上緊畫嘅祖孽比較,
話邊齣可以問鼎年度鬼片?
老老豆豆,其實兩齣野南轅北轍,
無得比,就算有得比,
都係個人喜好而定,
各有優缺,各取所需。
如果話祖孽係年度令人最心寒之作,
咁詭修女應該係年度最富娛樂性爆谷恐怖片。
講返齣戲,
故事發生在Conjuring宇宙時間軸最前期
1952年,講羅馬尼亞一間卡拉塔修道院中,
一名年輕修女離奇自殺,
於是梵蒂岡派上柏克神父及
擁有先知感應見習修女艾琳到院內調查,
兩人由當地農夫小法帶路,
逐步揭開修女死亡的黑暗篇章。。。
因為劇情中係尾段先講下華倫夫婦,
所以其實成齣片可以當分支嘅獨立片睇。
而場景設定由家宅移師到哥德式修道院,
無盡房間、祈禱室以及古老墓園
將最純潔嘅聖地變得陰森詭異。
雖然爛蕃茄指數得26分,
但睇完之後個人覺得又唔係咁差,
中規中矩,
溫子仁係大眾高期望之下交倒貨,
橋唔怕舊,最緊要受,
雖然咁講好娘,但又唔係錯,
溫子仁團隊再次用上不同小物做媒介,
由Conjuring嘅捉迷藏拍手、
Insidious懷舊模特、
insidious2嘅BB車,
到詭修女嘅噹噹響鈴。
可能只係大眾被溫子仁養大左個膽,
因而感覺太多JumpScare睇到有啲膩。
詭修女以商業化大片黎講
可以話係及格之上,
運鏡音效同畫面保持溫子仁一貫水準,
穩陣打住保守嘅安全牌,
係一套連結Conjuring宇宙嘅工具。
但可惜嘅係,就真係一套
只係單單連結Conjuring宇宙嘅工具。
以下三點係令詭片敗北之處:
1.劇情鬆散唔夠扎實
鬼修女瓦拉克(Volac)
改編自惡魔學文獻《所羅門小密鑰》(Lemegeton)72個惡魔中的第62個惡魔,
原型係好似個嬰兒騎住雙頭龍嘅惡魔,
溫子仁用左依種反差,
將妖魔變成神職人員。
咁好嘅設定本身好好發揮延伸個宇宙,
但卻草草描述此起源,
反而著眼點去左詭修女點令修道院
變成陰森地獄,曬左個L頭,
變得無重點。
2.正義角色光環蓋過主角
起初諗住睇詭修女點成魔,
可惜飾演正義一方嘅
女主見習修女艾琳太pure太true,
搶曬戲,加上真實佢重係
飾演華倫太太嘅Vera Ann Farmiga嘅親妹妹,
而戲中兩人同樣有先知能力,
令人不敢會諗會唔會有機拍詭修女2
連繫兩人關係,
依啲疑團,足以蓋過不少詭修女嘅光環。
3.缺乏情感牽引
Conjuring2咁成功,
當中不可或缺嘅係一家人個種團結力量,
個種強大更勝邪靈勢力。
Insidious亦係父子之間情懷盡出,
相反,詭片以神父驅魔能力
加上女角對宗教嘅純粹信念對抗,
顯而易見唔夠張力,
可能你會話,
都有農夫條愛情線,
但個人覺得農夫只能發揮幽默感嘅作用,
剛相識嘅一見鐘情始終不及家庭
個種至死不渝嘅愛。
最後總結,
雖然本片,劇情稍嫌鬆散,
但一切水準還是及格嘅,
鐘意Conjuring宇宙觀嘅話
還是值得一看!
#Cult片介紹返 #theNUN #詭修女
#祈求寬恕 #作為Conjuring粉無得唔睇
Search