【令人say no的sale技巧】
話說周末，朋友說有2個月健身贈券，帶公關仔到某大型健身中心諗住做下運動傾計。蒲入健身中心，預咗俾sales捉住問長問短，大家打份工啫，咪應酬下，無相干。
「我哋俾你入去免費玩無問題，但要睇下你嘅心態先。你有無咩plan想join？」
「暫時未有，我想入去玩下先。」
「我見你之前都join過架喎，即係你都想繼續參加？」
「老實說我係想跟朋友嚟玩下就算，如果想繼續參加，我之前就唔會斷會啦。咁即係係咪如果我唔join，你唔會放我入去玩先？」
「唔係咁嘅意思，我地想睇下你心態點先？」
「咩心態？就係想入去玩囉依家。」
「如果300幾蚊一個月，你會唔會考慮？」
「我可以考慮，但我呢個moment唔會簽。老實我一心諗住嚟免費試玩，我唔會突然駛三千幾蚊囉。三千幾蚊唔係買菜喎，我有時間諗下都得下嘛？」
「咁你想幾錢入會架其實？」
「我無預算呢筆錢入會，我會考慮下先。一係你有咩plan你俾張leaflet我睇下，我試玩完出嚟答你。」
「一係咁，我地有個plan每個月俾一千六百幾蚊一個月，俾1年錢我地送多9年俾你，即係玩10年。」
「即係10年package，commitment太長，唔會考慮。同埋我無一時間預2萬幾蚊budget出嚟。」
「唔係買10年package，係你買1年送9年喎。」
「無興趣，時間太長。」
「送9年你都唔要？你唔識計數囉。你除返開每個月係百幾蚊架咋！大贈送，送9年喎！」
「真係時間太長，你有無其他平啲嘅plan，呢個我唔會考慮。」
「送9年呀，每個月投資一千六百幾蚊，你就確保未來10年自己有舒適嘅地方健身，你都唔考慮？依家分明益你，送9年喎！我係你我就唔會咁蠢唔考慮囉！」
「真係唔啱呀。」
「送9年喎。你真係再考慮下啦。過咗今日未必有咁好優惠架啦！」
(真係要迫我出手) 「明明你講普通月費係300幾蚊，你突然話千六蚊月費，即係唔同嘅package啦，咁呢個package只不過係你要第1年收晒我10年嘅錢，唔係送9年囉。如果你係送，你收我普通月費1年，然後送9年先係送囉。即使你係好抵好優惠，而我嘅答案係commitment太長，我唔啱呀，你明唔明呀？所以唔係平嘅問題係時間嘅問題，你仲係咁提住送9年，同一直提住我向你say no係無分別囉！」
#你咁醒聽得明我講咩嗎
你咁醒聽得明我講咩嗎 在 3c Music, profile picture - Facebook 的推薦與評價
林夕講過佢放過好多暗號在佢的歌，要明的人先讀得明；黃偉文都曾經講過佢D 歌充滿 ... 的片段，而副歌簡單來講就係叫你「你聽我講我的夢就得架啦，唔駛解唔駛分析呀」 ... <看更多>