我白痴，睇到釗峰同安仔個post
我流咗眼淚，我非常珍惜大家，覺得佢哋對好多人事物好有愛，嗰種愛對香港、對樂壇好重要。
香港人需要好精神，先活得出嗰種上天賦予香港嘅活力，我哋要有個好嘅momentum先可以碌住去。
近呢大半年，個市場話俾大家知，香港人真係養得起香港人。有好多品牌，本身可能冇預過任何廣告預算，都生左一舊出嚟，就係想趁着咁熱鬧嘅氣氛都做好自己嘅品牌，同時用到自己喜愛嘅藝人，成個團隊都好開心興奮，於是啲事情出到嚟就係開心熱鬧好玩滿足投入。
其實咁樣已經講晒㗎喇，你諗吓以前啲廣告，乜嘢歌影視藝人代言，如果你係唔識佢或者同佢冇乜感覺，佢代言乜嘢都冇乜用，係咪？因為冇connection。有bonding係一件好重要嘅事。咁你話係唔係人人都會好鍾意同一批藝人呢？咁我都肯定唔係嘅，响日本都可能有人唔鍾意木村拓哉啦。可能我自己對於廣告、公關呢啲嘢都好在意，(話晒我係中大新聞與傳播學院嘅人😂)我見到大家能夠善用唔同嘅人去玩唔同嘅橋，又因為本質上，夠號召力夠紅，佢哋可以玩嘅嘢又更加出色，帶動咗好多唔同嘅工作崗位嘅人，都更加喜歡自己做緊嘅嘢。呢樣嘢我覺得功德無量。
我喜歡活潑開心嘅香港，但同時我認同，我哋唔能夠逃避挫折同埋困難。每個人面對困難挑戰，可以消極負面，但係帶着歡樂筒幽默感同少少奀皮，我估場波會打得好好多。
我覺得響我工作嘅範圍入邊，我遇到好多靈魂層面上面互相愛護嘅人，我都無憾了。
I'm starting
with the man in the mirror
I'm asking him to change his ways
And no message
could have been any clearer
If you wanna make the world
a better place
Take a look at yourself
and then make a change.
#mirror就係一面鏡子
#你想鏡中嘅人微笑
#你就要自己先微笑
你就要自己先微笑 在 莊心瑜-小瑜Cindy - 當你對著鏡子微笑， 鏡子裡的人也會跟著 ... 的推薦與評價
當你對著鏡子微笑， 鏡子裡的人也會跟著微笑！ 所以希望別人對我們微笑時， 自己也要先微笑面對喔！ #橘子與小瑜#微笑#說晚安#拍了這張照片覺得可以發文耶#平常的 ... ... <看更多>