最近幾年，認識好多攝影師
都為咗生活要轉型拍片
唔拍片根本生存唔到
冇幾多雜誌或者唱片封套可以影
難得有人搵你影相，都問你
識唔識拍埋片剪埋片
再加上執相app太方便就手
加咗濾鏡，人人都係大師
彷彿攝影已經唔再係一回事
如果你都係咁覺得
如果你真係咁覺得
我真心勸你睇睇呢套《淺田家》
二宮和也加妻夫木聰仲有黑木華❤️❤️❤️
從小畀老豆鼓勵做攝影師嘅二宮
細個覺得最7嘅事
就係年年畀老豆迫佢同阿哥響景點合照🤦🏽🤦🏽
然後整成賀年卡寄畀親戚朋友🤡🤡🤡
長大後二宮成功考入攝影學校
當全家以為佢會踏實成為影雜誌影fashion嘅
正常攝影師嘅時候
佢又逃學又紋身又染金毛
幾年唔返老家，音訊全無
一返到嚟，遊手好閒，從來唔拎起部相機
直到有日，佢老豆講起
原來由細到大老豆都希望做消防員
只係為咗頭家，為咗令老婆可以圓夢做護士
所以肩起家庭主夫職責，照顧兩個細路
二宮一聽，就決定
要幫老豆扮消防員影返張相留念
但邊度嚟真消防員衫同真消防車可以借先？
於是就屈咗唔關事嘅阿哥妻夫木聰
走去求個冇聯絡嘅中學同學幫手🤡🤡🤡
最後成功全家一齊著晒消防員衫
影咗張全家福😂😂😂
然後每年，佢哋都會全家cosplay影張全家福
扮小偷扮黑社會扮超人戰隊😈😈😈
每張都係可一不可再嘅獨特美麗同珍貴🌈❤️
然後終於生性嘅二宮
拎住呢堆全家福決定去東京闖蕩
點知過咗年幾都只係做攝助測光捧風扇
直到有日，終於有出版社聯絡
但就唔係賞識佢，而係當面奚落恥笑
話呢啲全家福冇人想睇唔會成功🥲🥲🥲
就算最後柳暗花明輾轉搵到人出版
起初都係滯銷收場，連書店都收埋晒🥲🥲🥲
我最感動嘅一幕
係後嚟311大地震，二宮趕返老家
響頹垣敗瓦之中見到一家又一家人嘅相簿
同埋全家福散落周圍，冇人認領
失散嘅家人又仲未搵到
於是佢好用心四處搵返呢啲相簿
清洗乾淨，釘好晒排好晒
等大家可以搵得返
有人因為呢啲相可以同失散親人相認
亦有人因為家人響慘劇離世
但搵返佢哋嘅合照
而有返生存落去嘅勇氣🌈🌈🌈
之後二宮仲走勻全國
幫唔同家庭影全家福
有啲係貧困家庭
仲有啲係唔可以離開醫院嘅絕症病童🥲
邊個話唔符合時代嘅嘢就應該被淘汰
唔應該再存在呢
響災害之中，手機打唔通，冇得叉電
唯有最原始又最實在嘅相片
先可以畀到自己實在同安穩🌈🌈🌈
攝影又好，寫作又好
其他被認為即將要被取代嘅藝術又好
我始終堅信，手作嘅溫度同原始
就算再不合時宜
始終會響我哋忽然一無所有嘅時候
成為我哋嘅定心錨
畀到我哋最意想唔到嘅拯救🥲🌈❤️
#所以我仍然堅持曬相 #堅持寫信寫卡 #手機一壞就咩都冇晒 #雲端都係咁話 #手作的溫度 #寫作 #攝影 #淺田家 #你有幾耐冇影過全家福 #你有幾耐冇幫你阿爸阿媽公公婆婆影相 #二宮和也 #妻夫木聰 #黑木華 #亂世手作 #正面思考 #正面振動 #所有愛攝影的都應該一看 #日本電影總有令人溫暖流淚的溫度 #手作人加油 #你並不孤單 #羅蘭巴特
你有幾耐冇幫你阿爸阿媽公公婆婆影相 在 毒姑九賤婆媳討論區 - Facebook 的推薦與評價
所以每当不幸的孩子/媳妇说出遭遇，幸福孩子或过去在幸福里长大的长辈，不但质疑不幸孩子/媳妇是否误会或抗拒父母公婆的管教，更离谱的还有指责不幸孩子/媳妇扭曲和不孝。 ... <看更多>