Search
啱啱做完一個稿，個客話想同我講I love you，仲有咩開心得過咁。
唔好誤會，個job冇錢冇時間，亦唔係好creative嘅嘢，但我係在最限米煮限飯嘅現成局限之中，用最好嘅方法，幫佢解決咗問題，無毯無線、盡變。我隔離嗰個，都係做創作嘅，見到之後話：「咁先係最難喎。」我都覺得係 #明就明。喺咁嘅條件底下完成任務，唔會有歡呼聲，但比起做咗個驚天動地嘅job，係另一種滿足。
你幾耐冇客同你講I love you？廣告創作，唔係關於虛榮、唔係關於光環，從來係關於用best possible solutions解決問題，幾大幾細嘅job，都俾心機俾足力做好佢；有時係「機會嚟喇飛雲」，更多時間係「咁喎，可否幫我搞掂佢」。
多謝客戶。
冇咩樹我返入去做嘢先。
#你要知有好多冇常識仲唔欣賞
#問你點解縛住右手雙腳你唔識飛
#點解得5蚊冇煮出finedining
#話咁先考你功力喎
#唔好問我點解咁揀客
《對我讚好》為Big Boyz Club Junior之原創歌曲，內容描寫孩子在面對著沉重的功課壓力底下，他們希望被欣賞和體諒的心態。其實只要多一份欣賞和體諒，或許能夠成為孩子們成長的動力和希望！大家幫忙分享這首有趣的歌曲，為香港的孩子打氣吧！
歌詞:
I like I like 我樂意聽讚好掌聲更多
U like U like 寄望你懂欣賞我
We Like We Like 以突破你我之間的隔阻
Say Like, Say Like建立我自信懇請你嘉許我
你唔使估我讀緊幾年班
我都可以話你聽我既生活唔簡單
平日我都叫做幾唔得閒
要爭取好成績大人先會話我抵讚
放學三時四十分 學埋野五時六分
補完習七時八分 我冇機會見黃昏
最後我都囉唔到一百分
漏左標點符號扣分唔怪得人
Daddy mummy 希望你地會明
其實中英生字多到記唔清
仲有知訊科技常識聖經
我失手請你唔好太大反應
如果 你可以鼓勵我
如果 你可以唔怪我
或者 我可以重頭來過
失敗我當小事 自信地昂然高歌
其實我都有自己 叻既野
我可以好專心砌 模型車
罰球我永遠唔會 射歪
仲有單手我都可以 踩單車
除左成績之外 我仲有好多方面
畫畫體育音樂 請你俾機會發展
或者運動場上 我可以遙遙領先
我總有好既野 正等你去發現
當然我知你心裡面好 緊張我
就算你鬧我都只不過係 擔心我
但係希望你能夠多d 讚下我
令我堅持努力無論乜野結果
