Search
凌晨有讀者PM 我，話呢兩日考QP exam，叫我鼓勵下佢。
第一，我太脫節，連呢幾日要考試我都唔知。
第二，鼓勵太老套。不如我分享下自己考試前一晚會點？
正常人邊温書邊打mark，但我永遠考試前幾個鐘，凌晨先嚟打mark，所以我打mark 打到凌晨三點，但早上七點要起身準備考試。
但打唔完mark，好明顯一定會fail。
考試前一晚的凌晨十二點。
我男友：「我瞓啦，聽日考consolidation，一定要有好精神。」
我絕望咁望住啲notes：「但我仲未打完mark！」
我男友唱左古巨基個首《愛得太遲》「最心痛是，打mark 太遲，有些嘢不可等某日子。」恥笑完我就瞓覺覺豬。
當然我唔會話你聽，我成日温書温到凌晨；
當然我亦唔會話你聽，我真係覺得考試好難；
當然我唔會話你聽，與其要別人鼓勵，不如同自己講，「我唔要再浪費時間再retake。」；
當然我唔會話你聽，到最後我都想同你講：「你要細細聲同自己講句加油💪」。
IG: Fakemanching1607
Fake 文青兩週年快樂😍
即使在工作上如何理智，入夜後又變回那個會為一點小事而感觸的作家。因為寫作的關係，所以獨處和沉思的時間多了 。
有時我在想我應該寫自己想寫的文章或是寫讀者想看的文章呢?
一個受歡迎的作者，難度偏要寫到愛情有多感性，有多難忘，偏要寫到自己受工作不斷的折磨，但永遠在工作的死胡同裡不斷的輪迴嗎？
每一樣貌似很對的事，畢竟也會夾雜一點點的錯誤；一些看似不堪回首的回憶，卻總有甜蜜的部份；一份看似辛苦不堪的工作，它有100 個原因令你放棄，但令你留下的往往只有一個原因。
寫作不是一盤生意，作家亦不是一個生意人。寫作是一個與靈魂溝通的過程，可能這些文章的文筆太幼嫩，亦太惡劣了，但總有一樣事是可取— 真實。
這些年來，當真話被說成謊話，當真實再不存在時，當我們不斷的在各方面欺騙自己的時候，我們需要的是真相，真實的感受。在職場上已經謊話連連，難度連一個自己的小空間，還不能真實的面對自己嗎？
喜歡你就講出嚟，要罵你就罵你，我不用擇一個好日子再婉轉批評你，簡單直接，不要跟我繞圈子，這就是Fake文青。
2 年前，從來無想過會堅持寫作，那時的興之所致，跟自己說不如試下囉，就這樣寫了兩年。
人生有太多的巧合，太多的不知所措，太多的徒勞無功。人生就是未到最後一刻你都估計不了之後會怎樣，亦估計不了最後你會跟誰在一起。
希望之後寫作有更多的突破，或者可以嘗試不同的寫作風格!
不如我們一齊努力囉!😝
#你要細細聲同自己講句加油
IG: Fakemanching1607
好多人會同你講，「今日你以為放榜係你嘅全部，為佢又喊又笑，但到你十年後回望，你就明白放榜只係人生的一小部份，並無你諗咁重要。」
但佢地係呃你架！
人生在每個階段總有一些事，你會在乎，得不到，就要生要死。學生時最重要是成績，長大後最重要是工作，年老最重要是健康。我可以好確實同你講，今日你的成績確實是你的全部，望到這樣爛透的成績，內咎，失望，是最正常不過的事。
但問題是當你望着爛透的成績，除了失望之外，你要如何調整自己的心情，重新出發。每一次的挫敗，它總教懂了你什麼，或者令你更清楚到底你想要什麼？
今次考試失利的你，一定明白到即使再重讀一年，即使再發奮，亦不代表下年入到大學。 如果你一直都讀書好叻，你根本唔會理解當你拿住一個中下下的分數，有幾徬徨，你只有數條出路，一是博好彩入到樹仁，公大，一是讀Associate degree，IVE，之後再考入大學，一是重讀，明年再戰，一是提早入社會大學。
無論你選擇那一條路，最困難是如何面對你的朋友，你的親人，當你的朋友大部分都讀大學，而你在重讀，當他們在上莊，在拍拖時，你就在啃書，當他們在走堂時，你卻很認真上補習班。當他們都叫你放棄時，就只有你自己幫自己加油。當所有人都否定你的時候，只有你自己不停的鼓勵自己，自己再努力一點，就一定得架啦，你一定會入到。
你選那一條路也不重要，最緊要你知道自己到底想怎樣，到底你想過怎樣的生活，沒有人能保證你讀完大學出嚟，將來可以搵到一份4-5 萬蚊人工嘅工，亦沒有人可以保證將來的你會有幾成功，亦有可能你大學畢業出來，做一份1-2 萬蚊人工嘅工，之後，庸庸碌碌，樓又未買到，家庭又未成到，咁就過左一世，所有都係未知之數。
你今日的成績真係好重要，但更重要是你找到你要走的路，你要重讀，或是要經過副學士入大學，只要你一確定自己要行的路，就要不顧一切向前衝，路途中會有人不斷的否定你，會有人批評你，即使你的家人朋友都唔支持你，但只要你自己唔放棄，不停的鼓勵自己，即使你現在還未走出困局，但你明白終有一天，你會證明俾所有人睇，你係無㨂錯呢條路。
P.S.我有個習慣每次去pacific coffee，一定會睇下今日有咩quote，每次佢嘅quote都有鼓勵性。今日嘅quote 係：
“If you can change your mind, you can change your life”- William James
只要你想，你總可以變得更好⋯⋯
#你要細細聲同自己講句加油💪
IG: Fakemanching1607
