Search
🌈EE:睇下麗麗姨姨化左妝幾靚！（平時從不化妝的Auntie,有日俾人捉左去大改造，影左好多靚相😍）
睿：呢個唔係佢黎架⋯
🌈EE:係佢黎架！！！不過化左妝個樣唔同左咋嘛！🤩
睿：唏⋯媽媽你夠有化妝咯！咁點解你化唔化妝都無分別嘅😎
。
。
。
到底應該諗做佢讚我素顏靚吖⋯定抑或提點緊我化妝技巧可以進步下呢😅
#童言童語 #我是睿睿 #佢咁講其實我好受落 #我當你讚我架喇 #做人阿媽都貪靚
阿Kit約在兩年前退休之後，就獨自成立了吞嚥餐（軟餐）社企。她的工作室就在某商場的其中一個舗位，與別的商舖不同，她的地方沒有光鮮的招牌，並不起眼，內裏的空間並不大，然而設備一應俱全，有一半的空間是廚房供她做軟餐。
吞嚥困難人士包括長者及長期病患者進食普通時，容易嗆咳或誤嚥，而軟餐的出現就希望他們不只以傳統的糊餐果腹，更希望保持食物原有味道，令進食者即使吞嚥困難，也可重拾進食的樂趣。政府在上年度的財政預算案就宣布，增撥7500萬元資助安老服務單位為有吞嚥困難的長者提供軟餐。
「我就唔係做飲食，不過我幾有興趣煮嘢食。」阿Kit退休前是髮型師，現在工作室也是她自資改造以前的髮型屋。沒有飲食業的相關經驗，阿Kit創業的念頭也是退休後才出現，皆因她退休後經常四處聽講座及報讀不同課程，其中一個關於社企的講座令她印象深刻，因為她認為社企經營模式跟自己的很相似，「賺錢唔可以賺盡，你要睇社會有咩需要，回饋社會，譬如你會唔會請弱勢社群，或者你會唔會照顧需要者。」
阿Kit選擇以軟餐創立社企的原因，與其自身經歷有關，「我本身自己個胃係有啲事，有啲胃輕癱迹象，其實都維持咗十年八年。」她形容當時不論喝水還是吃東西都會嘔，最高記錄是連續7天不能進食、不能喝水，要入醫院吊鹽水，這令阿Kit深深體會到想食卻吃不到的苦，「你想食嘢、你吃唔到嘢，你會點呢？周身無力嗰陣，你嘅感覺係點呢？你身體弱成點？呢啲都係我親身感受。」
因此阿Kit很強調自己做的軟餐不只是為了顧客可以食到，「最重要係令佢想食嘢」，她不想進食者只吃到白烚無味的餸菜，所以會在了解對方的需要後，度身訂造不同的菜色，希望引起他們的食欲，軟餐不只是維食的食物，「如果他要食嘢維生，他唔係棵植物，唔係話定期淋水、施肥
，佢就可以生長，唔係咁，佢係人嚟。」
她指一些長者活動能力已經退化，如果吃這方面也引不了興趣，會使他們生存意志消沉，「佢肯食嘅話，他有營養，體力會好啲、身體會好啲，病痛都會少啲。」
一杯小小的軟餐，要令進食者得到充分的營養也不是簡單，阿Kit在製作當中會調控不同食材的分量，她也報讀了長者營養證書，希望在餸菜中有限的食物做到營養均衡，「如果本身想做好呢件事，就會去睇吓有咩甚麼可以幫到呢件事。」
在調配軟餐過程中，阿Kit習慣將餸菜打碎前先拍照傳給客人，「要畀客人知道佢哋食咗啲咩落肚。」她也希望為父母訂餐的子女也先嘗試一下軟餐的滋味，「你過唔過到自己嗰關？你覺得都好味，你先畀你父母食，你要知道你供養你父母，係拎咩供養佢。」
軟餐除了令進食者自己身體狀況有改善外，阿Kit認為這也是幫到照顧者，令他們照顧得容易一點之餘，壓力也小一點，「譬如老人家不肯食嘢、營養唔夠、周身無力嘅話，就等於你要扶一個醉酒佬，但如果佢自己有營養，即係佢有個力度，照顧佢嘅人會好好多，扶佢都無咁辛苦。」
食的味道重要，質感也很重要，「有時我哋都會揀骨嚟咬」，她認為吞嚥困難者與常人無異，都想盡量給予他們食物的質感，因此會因應進食者的能力，調製不同質感的食物，由最弱的糊狀、布甸狀、蘿蔔糕狀及午餐肉狀。
阿Kit指有不同的質地，有助避免進食者食道退化得太快，她亦會跟進顧客的情況，「我之後會再問會不會可以食硬啲，佢話可以我會提升，只要佢做到我就慢慢提升，如果佢最後食到正常餐，咁就恭喜你，我情願少個客。」
阿Kit的社企開業兩年半，由開始時將髮型屋重新裝修，到現時的營運，她估計自己已投入約100萬元，然而社企至今仍虧損，阿Kit指自己本是退休人士，對金錢沒有太大執着，反而覺得現時工作最大價值不是賺錢，「賺返嚟嘅係佢（吞嚥困難人士）肯食嘢。」
她舉例指，若有長者有90歲生命，但他80歲起不能進食，醫生要她插喉灌奶，「即係話佢有10年時間插喉灌奶先死，佢啲仔女見到父母插喉灌奶好唔好受呢？唔好受。如果佢肯吃呢啲嘢，譬如佢肯食3年，佢變咗插少3年喉，我要賺就係賺呢啲。」
阿Kit的社企現時仍是她一人經營，但她也想好了未來的發展計劃，如聘請弱智人士代為送餐，希望出多分力幫助弱勢社群，回饋社會。
你有沒有一件想做很久很久的事？像是學一樣樂器、出版一本圖書，或是去征服一次撒哈拉的荒漠？但卻因為工作、因為生活，因為各種沒有原因的原因，你選擇延後、選擇妥協，甚至最後，你忘了曾經想過這回事。
「你唔做嘅原因有好多，但係做要一個原因就得。」熊沛文(Adam)就選擇將這一句他覺得「老土」的話，套用在他走的道路上。
看高達動畫長大
辭去設計師一職，設立自己模型公司的Adam，從小就喜歡看高達的動畫片，隨後便迷上了高達模型。一開始只是隨便玩模型的他，在看到別人專業的作品之後，開始對模型有了一份追求：「其實嗰種可以由佢平平無奇，變成可以睇落好專業、好細緻嘅嗰種感覺，令我想要繼續砌模型。」
Adam對模型愈來愈細緻的追求，讓他在做設計師工作的時候，甚至從中學開始，已經在幫人代工砌模型賺取收入，Adam透露，一副模型的代工費由5千至1.8萬元不等。當訂單愈來愈多，又想換一份工作時，Adam索性辭了設計師的工作，開設自己的模型工作室。
看着學生「長大」
除了幫客人代工砌模型，Adam也有開辦模型班，教學生砌模型的技巧。剛開始時想以年輕人為主，但Adam發覺，來上課的人很多都是四、五十歲的中年人。在和他們聊天的過程中，Adam看到的是一個從小喜歡模型、想砌好一副模型，但因為工作、結婚、生小孩而忘記自己興趣的人。
「我反而有一個抱負就係，幫佢哋完成到一個，你唔好話夢想咁偉大，而係幫佢哋完成到一件想做好耐嘅一件事。」Adam滿足地說。
模型玩具並非不務正業
模型玩具在許多人眼中，經常被標籤為「細路仔」的玩意。至少，模型和正業從來不是一個對等的關係。然而對Adam來說，模型才是他的正業。「細路仔畫畫，都可以係好兒童傾向。但係又的確有好多好受人尊敬嘅畫家係一路存在。」Adam笑說行行都可以出狀元。
Adam認為只要有才華，有足夠的努力，無論在哪一個行業，都會受尊重。在他看來，模型非但不是幼稚、不務正業的事，反而在砌模型、追求每一塊零件的細緻過程中，令他更成熟、更有要求、更加懂得去追求「美」這一件事。
用作品說故事
不僅僅是高完成度的作品，作品背後亦寄託着創作人的信念。2017年，Adam的作品「不要死，活下去」，在高達模型世界賽(GBWC)香港賽區贏得季軍。作品除了完整呈現出動畫中的戰鬥場景外，Adam更加入了當時社會上的故事在裏面，並以此為作品命名。
當時，劉曉波剛離世，留下劉霞一個人。這讓Adam非常感觸：「我幻想到如果我係佢老公，我都會同佢講呢一句，『我死咗，但係你唔好死，你要生存落去』。」Adam想將當時整個社會的情緒、自己正在經歷的故事放進作品裏，去反映這個年代的人的所思所想。
興趣才是堅持下去的動力
「如果你做嘅唔係你鍾意嘅事，你會堅持唔到，支持唔到落去。」Adam說。他認為，無論做甚麼事，要做得好，過程都是非常辛苦的。既然要做好一件事，那就做自己喜歡的事，這樣才不會有那麼多埋怨，才會有堅持下去的力量。
對於日後的目標，Adam希望可以設計自己的模型產品，希望能有更多「本地製作」的產品。不是樣子奇怪、「無厘頭」的設計，而是正正經經的一個人物、一個故事、一個香港製作的產品。
今集《港。故》用8分鐘，帶大家看一個年輕人如何將興趣變成事業的故事。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB
Follow埋《港。故》IG，睇更多精彩靚相：http://bit.ly/oncckonggu_IG
