關於 佢會根據你嘅面形同五官比例去幫你設計眉形 ，我們在網路上蒐集到這些相關的討論、資訊與評價

［長文］繼上回講到 #機會係留俾有準備嘅人 其實我更想分享一件鮮為人知嘅事～

喺我左邊眉峰位置有一處接近2cm長嘅凹陷疤痕, 係我喺小學四年級一次喺地鐵車廂發生嘅意外造成嘅, 果次係我人生第二次冚爆個頭要送院聯針, 當時撞爆咗條眉所以令到我左邊眉嘅眉峰至眉尾段變成分叉開兩條, 阿媽話我又破相, 其實我都唔知破相係乜; 跟住嗰個禮拜我去咗溜冰, 點知前面嗰位小姐都唔望吓後面, 喺咁密集嘅人流底下無端端遞起隻腳做燕子平衡, 然後就一腳伸向後面嘅我成隻溜冰鞋片落我未拆線嘅傷口度, 好彩又冇爆開喎... 諗返起條眉咁樣都幾醜怪, 但細個唔識貪靚根本就唔會理, 直到大概考GCSE嗰年, 學校宿舍啲鬼妹韓妹就教我不如買個眉鉗掹走分叉嘅其中一條, 咁我就求其掹走咗上面嗰條, 睇落又好似順眼少少, 不過兩邊眉始終冇辦法balance, 左邊條眉長期崩咗咁真係好唔靚; 去到我返香港入行要開始學化自己個妝, 先至開始用眉筆嘗試填咗個疤痕儘量balance返堂眉, 我自己成日都畫唔好, 就算俾專業化妝師幫我化都總要花啲時間, 因為有疤痕嘅位置基本上都好難上色, 可能始終皮膚嘅texture唔一樣, 所以眉粉呢啲咁自然一定上唔到, 多年嚟我堂眉都係咁難搞, 畫又煩唔畫又煩....

真心好慶幸依家有得整呢啲半永久飄霧眉, 可以乾脆填咗個疤痕再改埋眉形, 對我嚟講簡直係福音, 慳返我好多時間, 就算要化濃妝都只係要跟住個眉形加深返啲顏色就得, 好方便, 亦唔使擔心素顏嘅時候都要搵眉筆補返崩咗嗰個位, 無懼任何情況會有可能令我甩妝溶妝, 實在太AMAZING!!

第一次整眉我搵咗個韓國老師, 事隔三年因為半永久關係開始退色, 我就搵咗現任技師幫我洗眉加改眉形~ 其實每幾年都可以稍微改變眉形配合返當時流行嘅妝容, 或更適合自己嘅面形輪廓都幾唔錯!

唯一我要注意嘅係, 有疤痕位置嘅皮膚係會比正常嘅皮膚難上色同埋比較容易退色, 而我自己做過兩次嘅經驗話我知, so far兩位技師都handle得好好, 我自己亦都keep得好好! 依家就算超近距離都冇人會發現我眉上嘅疤痕, 就連我自己照鏡都搵唔到呀~~ 犀利! 🥳

Thank you Seoul Elegant 韓國半永久化妝中心．霧眉．眼線

#眉形改善咗又完全遮蓋到疤痕
#我嘅技師Fiona超級細心
#佢會根據你嘅面形同五官比例去幫你設計眉形
#半年前整完已經好滿意
#新年前再補一次色就靚得更持久
#有興趣嘅朋友可以直接同佢哋查詢
#佢哋有N咁多個優惠套餐
#又眉又眼線又睫毛又gel甲又頭髮
#身邊男性朋友做完效果更明顯更靚仔

依家一出門就要戴口罩, 妝都懶得化, 慳料慳時間, 唔顧儀容就更懶理自己嘅衣着打扮; 街上面個個專注疫情, 人人保持安全距離, 大家自然變得更疏離, 又點會有人留意到我有幾hea吖~ 直至前幾日我落街買飯, 排隊嘅時候同一個戴住口罩嘅男人, 四目交投咗兩秒, (今時今日同陌生人對望兩秒好耐㗎喇~) 喺電光火石之間我個腦閃過三樣嘢, 首先我覺得: 呢個男仔都幾presentable喎, 然後我就諗: Shit俾佢見到我個殘樣, 跟住我就諗起: 咦好彩我整咗眉同眼線, 素顏極都有個譜.... 當堂放心晒, 繼續買飯, 冇嘢發生~ 相信有緣嘅話我哋會再見, 但再見我又未必記得佢個樣😅 所以話呢, 懶得畫眉畫眼線就不如整咗佢一了百了! 下次就算喺街撞到彭生周生林生金城生, 都無懼素顏啦！🥰 #機會係留俾有準備嘅人㗎

Thank you Seoul Elegant 韓國半永久化妝中心．霧眉．眼線

#我嘅技師Fiona超級細心
#佢會根據你嘅面形同五官比例去幫你設計眉形
#半年前整完已經好滿意
#新年前再補一次色就靚得更持久