「當你見到天上星星,可會想起我…」
人死後,七情六慾從此消失於凡塵當中,
生前最後既一點既樂與怒一瞬即逝。好多時
見到某個明星殞落既消息,硬係覺得生命好渺小,
一剎那既光輝可以話無就無。或者後世人會
將你既成就永垂青史,風光大葬,希望可以
將佢既星芒延續落去。就好似一間餐廳、
一個品牌 無論佢係大紅大紫定係風光不再都好,
只要係專業、精益求精,自然你會永遠記得佢。
今日趁限聚令放寬後,再次黎到銅鑼灣呢間
「譽宴.星海薈」,呢間平凡中顯得不太凡既
酒樓,將高級食材融入豪華裝潢,氣派十足。👇
-
📌午 市 推 介 -
▪ 黑蒜燉美國響螺湯 - $68/位 (推廣價)
▫ 先黎兩碗燉湯開下胃先,就咁睇湯頭就知
落足料,食到原粒黑蒜、仲有螺頭、雞件。
湯色濃黑鮮明,飲落有果種響螺既鮮甜,
加上黑蒜既香,所以濃而不膩,隱約中
仲滲透一陣陣既蒜香,唔錯。
-
▪ 砂窩鱆魚雞粒炆飯 - $168 (煲)
▪ X.O醬煎腸粉 -
▫ 午市當然要迎合返,我呢D麻甩佬最愛既
煲仔飯啦,成個燜飯佈滿大量雞粒、口感十足。
而飯粒燜得唔會太熟爛,每粒飯粒都均勻吸收哂
醬汁,食落飯香濃郁,而飯粒亦夠飽滿,
兩條友每人兩碗兩碗就清哂;而呢個Set
仲有XO醬腸粉附送,食落XO醬好突出,
唔會太鹹岩岩好,仲帶少少辣勁,相當惹味!
-
📌午 市 優 惠 精 選 -
▪ 養生山藥棉花雞 - $36
▫ 好少食到用新鮮山藥代替既棉花雞,
原來係咁好食。淮山食落軟腍,加上吸收哂
雞汁裡面鮮味,變得更加濃香;而雞件Size肥厚,
肉質嫩滑,滋補又養顏呀。
-
▪ 香麻叉燒酥 - $32
▫ 叉燒酥外層佈滿白芝麻,咬落份外麻香脆口,
而裡面既叉燒餡亦落足料,叉燒唔會太軟腍,
有咬口。呢個鹹度調較得岩岩好,
最好拎黎送返兩杯普洱呀!
📍 譽宴.星海薈
🎈銅鑼灣波斯富街99號利舞臺廣場5樓
Search