拿，我尋日應承左大家唔講政治，所以我決定唔講政治，但我講廣告。
［步履不停］
https://www.facebook.com/siulai.hk/videos/534677613626335/
唔講政綱，淨係講返廣告，我想講：呢條片真係拍得好差。當建制派玩social media功力日見爐火純青，我們這邊還是這個水準，實在令人感到非常擔心。
首先，文案係出事嘅。食字無問題，但食字同食飯一樣，一係唔食，一食就要食好西，「步履不」呢三個字後面從來只會配個「穩」。而步履不穩點睇都唔係褒義詞，硬要插個「停」字落去，都難改原先貶義詞的觀感。冇左個「好」元素，成個食字咪就係由「食好西」變成「食西」囉～ 難不成政壇人瑞們參選，佢地會用「老而不．休」黎玩食字，證明自己有心有力嗎？
其實反正條片大部份都是在凌晨拍，叫「披星戴月」行不行？想冇咁離地直接叫「永遠向前」、「永不停步」都可以，再唔係真係要食字，叫「再接再麗」食返自己個名之餘仲可以提返今次係補選，自己被DQ打埋悲劇主角牌又得唔得？之前守護平凡的幸福，我已經忍住手唔寫，畢竟尚算勉強可以接受，但「步履不停」真的太糟糕，簡直是「變本加麗」。
講完文案，又係時候講返條片。正所謂「原來跑都可以咁好玩」，用跑步做主題係無問題嘅，畢竟好多運動品牌都會用「跑」、「不息」黎做推廣主題，簡單直接易入腦，出事的機率近乎係零。但是很遺憾地，正如吐露港一條大直路都成日炒車，連跑步做主題嘅片都可以出事。成條片配音不斷咁話「唔好停步」，但畫面裡的主角小麗老師就不斷咁跑兩跑又停一下，你望下條片二十秒講「可以慢，但唔可以停」，但畫面就係小麗老師停左落黎。佢到底有幾討厭自己中學個老師，先會拍條片剃佢眼眉—我就係停呀，停左都仲可以參選議員，怎麼樣？我係佢老師應該即時吐血。到底條片係講停定係唔停？定係很清楚表示自己「口裡說跑，但身體卻很誠實」地停了下來？
唔好話我淨係識鬧，你自己參考一下其他廣告係點拍，我知道無budget無人手嘛，唔緊要，我搵埋俾你。其實都唔係要你拍史詩式大作，但起碼畫面夾返個旁白，唔好自打嘴巴先啦。參考啲大牌子唔會死人，但做乜係都要參考隔離台（仲要明知唔係friend底都參考），結果俾人鬧到飛起，都唔知為乜。
淨跑嘅Adidas
https://m.youtube.com/watch?v=gkIKphi2_P4&feature=youtu.be
Nike嘅Steps
https://m.youtube.com/watch?v=d1qnvK3ID_w
再唔係，可以考慮叫埋基哥一齊翻拍呢個廣告，至於條片最尾班花生友，當然係建制派啦：
https://m.youtube.com/watch?v=bG_UDYtNXUo
最後，如果係如小麗老師所講「遇到壓力就跑步，克服無力感」，以呢種跑姿睇起上黎，我估小麗老師平時都應該無乜壓力，所以唔駛點跑。佢似乎都真係守護到自己平凡的幸福，係好事黎嘅，我真係恭喜你啊。但如果遲啲選到嘅話，麻煩尊貴的議員喺九萬幾嘅人工之中撥三四千蚊出黎，請個教練教跑步。畢竟做議員壓力好大，要先好好的守護自己「肩頸的幸福」同埋「膝頭哥的幸福」，才能守護大家平凡的幸福。
利申：在下無黨無派無師無門無大無細，只係做過幾年marketing，乃塵世中一個迷途死八婆。
＃拿唔好鬧我呀
＃又唔係我幫你寫文案
＃又唔係我剪片跣你一鏝
＃冤有頭債有主
＃你犬決佢地啦
＃我俾埋建議你添架
＃當然你可以唔聽甚至話我係鬼
＃畢竟呢期興唔聽大台就係鬼
＃提出異議都係鬼
＃好民主
＃我係鬼我發左達啦
＃駛咁折墮日日寫免費文咩
＃唔係雞蛋裡面挑骨頭
＃係雞肋入面乜都挑唔到
#馮檢基
#劉小麗
#陳凱欣
