很配合展品的跳水pose 🤣🤣🤣
不知不覺，無心插柳之下做咗半職媽媽已經超過一年，半職媽媽表面上比較自由，但其實兩邊不是人... 做嘢會自責(and比人怪責)，明明喺屋企都無乜理小朋友；但唔做嘢呢？一來經濟環境唔許可，二來會好驚自己同社會慢慢脫節兼無安全感... 要一邊工作一邊被長期停課嘅小朋友轟炸，真係唞唔到氣兼煩到心口痛😭
所以近日開始盡量喺無咁多人嘅weekday，抽時間帶大福去空曠嘅地方行吓，曬下太陽。 情況許可嘅話，偶爾會比佢順便喺街外食一餐半餐(但細佬就無份lu)大人小朋友心情都好啲🥰 寧願專心陪佢先專心工作，咁先可以工作得心安理得😂
這是由藝術家組合Elmgreen & Dragset 創作的《梵高的耳朵》，首次於紐約展出，是我很喜歡的Art之一，但我脫節到去咗K11 Musea N次都唔知有呢件藝術裝置🙈(因為每次都係由另外嘅入口入去)今日想同大福行下海邊先開心太發現🤣好喇～比自己幻想下呢刻去咗New York啦🤣🤣🤣
呢排疫情帶來嘅壓力越來越大(相比病毒，更可怕嘅係措施囉)，我亦同好多香港媽媽一樣，有好多要苦惱嘅事同面對嘅問題，但搵到減壓嘅正面方法(例如最近愛上食杯麵，好爽呀～)，先有辦法去解決問題，走出困境，大家加油💪💪💪
#媽媽心聲 #個海好靚有感而發
