【做淡策略2】
今日想同大家講既野好簡單,就係:原來唔單只恆指可以做淡,就連國指都可以,而且係更值博!
首先,同大家recap一次我响恆指既策略先:上個星期一,30號,亦即係11月既最後一個交易日,恆指呈現500點陰燭,幅度之大,係自11月初以黎首次。同時,亦打穿左恆指响兩個星期以黎,一直賴以上升既10天線。响果一刻,我叫大家部署第一注淡,即係買入南方東英發行既FI二南方恆指(7500)。然後我話,後市再穿當日既陰燭底26341再加。
到左今日,恆指响日中再度呈現500點陰燭,係短短六個交易日以黎既第二次,頻率之高,讓我幾可以肯定高位既沽壓的確沉重,同時說明,50月線/26700點附近真係難企穩。不過,今日我再加淡,而入既就唔係7500喇,原因有兩個:第一、因為26341點失而復得,雖然利淡,但唔係百分之百;第二、就係要避免集中風險,以免單一股份佔太多既倉位。
而我最終選擇既,係由南方東英發行既FI二南方國指(7588),原因都有兩個:第一、國指今日既陰燭,係明確地、由頭到腳咁失守左上星期一果一支,而且穿20天線。換句話講,做淡既把握性仲大過恆指;第二、恆指响今浪話晒都突破過7月份既頂,但係國指?從來都無破過!因此我可以定奪:國指係更值得沽架!最後,同大家交代返目標價同止蝕位。
恆指既目標:25800之後24800,升穿26800止蝕;國指既目標:10300之後9950,升穿10800止蝕。
😎
#南方東英 #兩倍做淡
#恆指 #FI二南方恆指 #7500
#國指 #FI二南方國指 #7588
同時也有1部Youtube影片,追蹤數超過14萬的網紅RagaFinance財經台,也在其Youtube影片中提到,瑞信即市錦囊...
做淡策略 在 香港股評人譚朗蔚 Facebook 的最佳貼文
【做淡策略】
恆指今日無啦啦跌500,等我即刻同大家update返我既睇法先。响過去兩個星期既週末,我都keep住出帖黎同大家解釋咩叫做250週線同50月線。我話呢兩條線响過去三年一直作為恆指既分水嶺,前兩年(18、19年)跌極都跌唔穿,今年(疫情後)彈極都彈唔穿,因此我有理由相信:呢個位超關鍵,再上可以開新升浪,甚至MPF都可以柯煙埋,但回頭既話可以落22000!亦因為咁,我話26700點橫行左兩個星期,千祈唔好响呢個位再加倉,只可以搵野食。
剛剛呢個星期六我無出po既,點解?因為我同大家講,250週線企穩都未可以實牙實齒,要50月線成個月收穩埋先心服口服。係咁星期六再出po都係無意思,箋講返同一番話。好喇,今日就係11月既最後一個交易日,我本身都打定輸數,唸住今個月都係企到既多,反正我都未做淡,咁咪聽日追囉!丫點知,世事真係冥冥中有主宰,黎到最後一日既上晝都無事既,竟然下晝就仆街咁仆,跌足五舊。50月線得而復失唔在講,就連7月頂26571都穿埋,倒瀉屎咁!
咁就要交代返部署喇:我強調,現在未足以確定跌浪一定會黎,不過,恆指响得呢個尷尬位開500點陰燭,就連咬住兩星期既10天線都穿埋咁有誠意,我禮貌上都要跟返注part睇埋落去啦!於是,我就領軍買入左一袋南方東英恆指反向兩倍ETF(7500)@26500,買得少係慎防今日MSCI指數換馬而令成分股挨沽、假跌,如果後市進一步跌穿26000就加注,目標睇25732同24808,收復26853就止淡。簡單講:輸極都係350,但係水位就有成800至1700,抵!
🙃
#恆指 #250週線 #50月線 #好淡分水嶺
#南方東英 #FI二南方恆
做淡策略 在 香港股評人譚朗蔚 Facebook 的最讚貼文
【美股死得未】
開場白唔多講喇:大家一見到呢12幅圖,就知道今日又係「數花星期六」。仲記唔記得上星期今日,納指+FAANG+MSFT+TSLA八樣野,有幾多樣係企到响50天線上既呢?無錯喇,係得一樣咋!陰鳩公!咪就係長年不跌既TSLA囉!
上個星期之所以咁慘烈,最大既原因都係侵侵入廠,之但係佢已經出左院咯渦,感覺上連日黎市又有升,應該都好左喇卦?拿,唔要齋睇升跌架!記得要睇圖!圖表顯示既八樣入面,已經有六樣企返,淨係得FB同GOOGL未,仲差少少咋!
點呀?各位睇完,係咪好開心呢?個別既個股雖然僅僅企到咋,但係你睇下三大指數(頭三幅呀!)全部well above架,可以話脫險既機會極高。咁,到底反映左咩呢?似乎反映左指數响幾隻主要既成分股以外,仲有更廣泛既股份給力支撐。
為左驗證呢樣野,我特登將第12幅圖轉左,唔係NVDA喇,而係反映傳統、舊經濟為主既DJ交通指數($TRAN)。唔講你唔知,指數唔只企穩50天線,隔夜仲成功突破,創左歷史新高!識野既人都知道,呢個指數對道指有帶頭既作用。
總結喇:我大膽估計,美股响大選前呢大半個月已經唔洗再跌,反而係升住黎迎接,歌舞昇平炒侵侵連任,仲唔排除有個別指數或者股份會破頂添!至於港股恒指就繼續睇住24500先,始終我地大部分成分股都係弱。下晝出埋圖講侵既勝算!
😈
#美股納指 #轉弱訊號 #做淡策略
做淡策略 在 RagaFinance財經台 Youtube 的最佳解答
瑞信即市錦囊