【奧運閉幕式】
2021年8月8日香港時間7pm，2020東京奧運閉幕。
今屆奧運意義重大，1金🥇2銀🥈3銅🥉6面獎牌，歷史性嘅空前佳績如有神助，真係開心到喊咗出嚟，每一面都得來不易啊。
感謝港隊四十六位，每一位都拼盡全力出賽，每一位都讓香港人自豪——
李慧詩、李海恩、梁寶儀、逄瑤、楊倩玉、蔡曉鋒、陳仲泓、程小雅、陳芷澄、何詩蓓、歐鎧淳、何甄陶、鄭莉梅、何南慧、譚凱琳、黃筠陶、楊珍美、奧斯卡、陳浩輝、方胤、伍家朗、張雁宜、鄧俊文、謝影雪、洪詠甄、洛雅怡、鄭俊樑、陳晞文、蔡俊彥、張家朗、張小倫、吳諾弘、江旻憓、佘繕妡、連翊希、朱嘉望、石偉雄、劉慕裳、黃鎮廷、何鈞傑、林兆恒、吳柏男、杜凱琹、李皓晴、蘇慧音、朱成竹、何誕華⋯⋯多謝你哋！
亦都感謝團隊，教練同人員嘅汗水同努力，仲有運動員嘅家人嘅體諒同支持啦。每個健兒背後都有佢哋嘅故事，曾經放棄過付出過幾多嘢，實在不足為外人道。
今屆的幾面獎牌就像上天送給痛苦的香港人的禮物，也像一個神諭，每當香港到了一些關口，信心崩壞的時代，混沌的冥冥中就會有安排，讓香港人重新Proud of自己，得到最大的身份認同。香港愈衰到貼地，神蹟愈亮眼。
至今仍然好似一場夢咁，一個「就好似以前一樣嗰個香港」嘅夢，甚至更美麗更感動⋯⋯而過咗今晚，夢就會醒。今晚會好好欣賞今屆奧運閉幕式。曾經共同分享過咁開心嘅moment，就算明知可一不可再，都值得感恩。
展望將來，三年後下屆2024巴黎奧運，突然覺得⋯⋯好似好快又到。唔知，到時嘅香港運動界，又會係咩一片光景？
*各張大圖wallpaper都可以在Patreon下載（link in my bio)
#李慧詩 #劉慕裳 #蘇慧音 #杜凱琹 #李皓晴 #何詩蓓 #張家朗 #港隊 #東奧 #Olympics2020
#香港加油 #香港人加油 #真香港人加油
#靛繪 #靛 #香港插畫家 #香港插畫 #香港插圖 #hkdraw #hkillustration
