關於 偽 鬼麒主 ，我們在網路上蒐集到這些相關的討論、資訊與評價

【跳出中共劇本：杯葛臨立會是我們的僅餘機會】

中国人大常委會就「香港臨立會」的議案已作出「原則性」決定。雖然內容細節有待公佈，但據多間傳媒引述消息指，現屆立法會議員將「全部」延任一年。

當取消選舉消息流出，部份泛民主派及外界比較關心早前被取消參選資格的公民黨楊岳橋、郭家麒、郭榮鏗以及會計界梁繼昌4名泛民主派議員能否留任。但要知道杯葛臨立會與否從來都不取決於4位議員能否留任，而應該是抗拒中共進一步利用香港體制的原則性立場。故此，本人一如以往地強烈反對毫無民意授權的臨時立法會，亦再次呼籲全體民主派立法會議員一同杯葛這個不義的臨立會。

即便消息屬實，上述4位泛民主派議員得以坐「直通車」悉數留任，亦絕不代表中共讓步，極權不過是需要忠誠的反對派，以偽造這個不義臨立會的正當性。既然如此，我們就更加不能依照中共劇本走。

有人質疑到底這個原則是否重要，並且認為香港議會一向都是「不公、不義」，例如港共早在2016年開始已透過取消參選人資格的手段剝奪港人參選權，毋須在此刻特別堅持原則。然而，昔日即使政權DQ部份參選人，香港人尚可藉選票彰顯意志，臨立會卻是連這個民意授權的機會都沒有，只為維持香港議會政治的假象而存在。如果說DQ是政權的不義，那麼自願在毫無民意授權下連任的議員就是與極權同作共孽、狼狽為奸。

再加上2016年發生至今的一系列DQ事件，一眾參選人除了發文、招開記者會等等發表方式以外，其實亦無反擊空間。如今，反抗陣營已累積一定民意，良機當前，我們絕對需要把握機會，以行動杯葛臨立會，並共同探索新體制的可能。

昨日，港共大肆搜捕、採取人質外交回應早前美國制裁賣港賊之舉，再一次證明中共只明白權力的語言，香港早已沒有法制可言。

一眾泛民主派議員要加入不義臨立會，必先說服港人「原班人馬」如何能在国安法、緊急法及人大釋法三鬼拍門之下爭取破局機會，絕非一句「有反對聲音好過冇」或「假如唔入，我連臭魚都開唔到」就可以敷衍了事。

杯葛臨立會，是對極權撕毀體制的全面反對，表明港人不會乞求自由的決心；相反，進入臨立會，首先就是靠極權施捨權力、以屁股為獨裁背書，所謂「反對」，亦不過是就個別議案、官員的反對，客觀效果上是為中共的借屍還魂點綴。民主派代議士決不能在這一點渾水摸魚，否則就等同向中共、向世界宣示：香港人反抗的決心不過止於做一個忠誠反對派。

香港人走到如今一步，實在再無割讓自主予中共橫手的餘地。懇請各位民主派議員負起政治領袖的氣魄，不要再被中共牽著走，請把握機會，帶領港人走出迷失廿多年的迷宮。

鄒家成
2020年8月11日

【拒絕招安 杯葛臨立會——告全體民主派人士書】
https://www.facebook.com/…/a.115141599893…/319217146152330/…

#鄒家成OwenChow

#杯葛臨立會
#抗擊暴政 #捍衛尊嚴
#讓香港重歸港人

［辰衝執笠我其實好心涼］當然係私人恩怨。但童年陰影，我由六四之前忍到而家！卒之可以爆！四千字！大量粗口同負能量。自己睇路

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR – 店大欺客白鴿眼。門高狗大，文化界陸羽。我廿年冇去過。你懷念乜柒前，最好計下你過去廿年幫襯咗幾多錢。

1. 大量粗口同負能量，不喜勿入。睇嘅後果自負。拿，我平時都文都粗口。都仲warn 你，咁真係好大量。即係個四川人煮嘢畀你都叫你小心辣，自己睇路。先屌辰衝，再屌偽文青

2. 小小嘩眾取寵，但係真的。當然係私人恩怨講起，唔係咩好大件事。你可以當係好似施永青聖誕節（https://bit.ly/39Gwr00）嘅童年陰影

3. 有人話唔應該幸災樂禍。好似係。但我更不能接受虛偽，既然我咁諗，就咁寫。唔通我寫篇文「懷念辰衝」？我做唔到。況且，其實好多人都係幸災樂禍，你同我都係。我肯定我今晚橫屍街頭，一樣好多人好開心開香檳慶祝。我而家只係行使返我應有嘅權利。至於失業嘅員工？咁我又唔係因為有人失業好開心。我係因為佢執笠好開心啫。正如你買中經濟爆煲賺好多錢，唔等於你係因為有人跳樓而好開心。

4. 無數咁多人可以證明，我係一個愛書人，亦係一個鍾意行書店嘅人。況且我鍾意睇實體書（咁當然我都有Kindle），亦會真係行書店，唔係去打卡買文具飲高糖奶茶做偽文青。

5. 咁當然，愛書人呢啲，睇你用咩標準。其實好多爭拗都係，睇你用乜標準。你可以話我好廢都得架，你可以話我好窮都得，睇你同咩人比。霍建寧你都可以話「打工仔之嘛」，「大劉嗰啲先係有錢」。大劉你都可以話唔係真富豪架，「Jeff Bezos嗰啲先係有錢」。Jeff Bezos好叻咩？咪又係離婚。一定可以搬到你自己開心的。

6. 咁所以，肯定更多人比我更愛書局，唔使出嚟挑機。好似我所有嘢都係咁，好多嘢都識啲，但冇一樣好精，狐狸嘛。好多嘢我都有興趣（火麒麟嘛，當然包括埋《火麒麟》），但冇一樣去到極沉迷。有人（例如 高天佑）當我係港產（爛）片之鬼，我話佢知，你知你真係未見過junkie（＊）

7. 講返，作為一個適度嘅愛書人，行書店嘅人。辰衝真係算係我童年陰影。點解？因為店大，欺客，白鴿眼，扮撚晒嘢。識英文好巴閉？

8. 當年我只係小學雞，出城，海港城添呀。應該老豆帶我出去，咁老豆一向都放任政策。咁我都話我係愛書小朋友，梗係行書局。咁我入去睇，你老味丫，同我講英文。大家中國人（！）做乜要講英文？咁我問佢，有冇中文書啦。佢先好不情願咁同我講：我地呢度只係賣英文書架小朋友

9. 你老味丫！1997快些到吧！（當時應該係88/89年）。易酒酒切，易酒酒切。（＊＊）

10. 時間過咗幾年，我卒之識講英文。雖然未97，但去到樂道嗰間辰衝，即係而家執嗰間。依然係咁嘅華人與狗嘅態度，好似變咗講中文，但一樣係不可一世嘅買辦嘴臉，十問九唔應，唔憂做。我覺得，「漢奸」就係咁上下款。佢態度就係話我知：牛屎仔，你識英文咩？睇玉郎漫畫啦你。

11. 就咁？係呀。就只係咁。後來就真係1997，我就英文拎咗個B，我睇好多英文書。但我一撚次都冇去過辰衝。一撚次都冇。一次都冇撚去過！

12. OK，完全係我廿幾年前嘅童年陰影。你可以話我知你去到人地對你十分親切，或者係我樣衰，或者係我人必自侮然後侯姆斯。隨你。反正你改變唔到我點睇，亦改變唔到佢執笠嘅命運。你攻擊我你好過啲嘅，be my guest （呢句肯定唔係辰衝教我）

13. 但，而家，我見到一片哀號，無病呻吟。呢個又「一個時代的終結」（廢話，求其一間邪骨畀人掃你都可以話「一個時代的終結」），一係又「細細個去開」（咁使唔使懷念百人一朱？我去百人一朱肯定多過去辰衝），嗰個又「香港容不下一間書店」（我咁多年去咗邊買書？），甚至係「香港大陸化又一步」（講嘅應該冇撚返過大陸去大陸嘅書店，何止英文書？法文書俄文書都大把）

14. 我就真係不得不講，賤人就是矯情，get a fucking life 啦。

15. 任何人，懷念辰衝，懷念乜乜之前。唔該，你幾多年冇幫襯過？你幫襯過幾多錢？我敢估，絶大多數人，過去廿年去辰衝使嘅錢，唔會多過你去一次日本，或者食一次米芝蓮兩星。你在辰衝一年用到幾百蚊嘅，你就有資格懷念啦。否則？阿叔食碟牛肉都唔止。

16. 既然人人都冇幫襯，咪即係間嘢唔掂咯。資本市場，有幾撚難明？咁，有乜撚嘢好懷念？固然邏輯撚可以話，我可以又懷念日本又懷念米芝蓮又懷念辰衝，冇衝突。咁你都幾撚忙，同幾濫情。懷念用得多，自然唔值錢。你見個女仔條條仔分手佢都要割脈嘅，唔係代表個個佢都愛，係個個佢都唔愛，佢最愛佢自己，明冇？仲唔明？咁請睇返第14段

17. 我唔知幾時開始，個城市變得咁撚虛偽。肯定丘世文去辰衝嘅年代唔係咁。（放心，呢本書當然唔係在辰衝買，人地巴撚閉唔賣中文書）

18. 但凡乜鬼老店執笠，偽文青定必打卡，排隊幫襯，嘩我好唔捨得。借問聲，先生你對上一次幾時幫襯？原來係梁振英做緊特首嗰時。根本有好多老店，係死有餘辜嘅。銅鑼灣SOGO後面果間乜鬼麵家話？屌你，污糟到仆街。你同女神去食我包你嗰晚食自己（或者行過啲上富士山。點解SOGO行過啲係富士山？你懂的）

19. 唔止，連麥當勞執笠都有人要懷念。又唔係黑心企業地產霸權了。最撚戇鳩莫過於係話地產霸權迫走麥當勞—我屌！麥當勞自己咪做地產（https://fbook.cc/3D3T）！本城有幾戇鳩同虛偽，又一示範。（所以記得睇本Page，比別人知得多。仲要睇《明報》）

20. 即係，灣仔永華麵家（已死）。我一年食十次八次，唔敢話熟客。但比好多人去得多。執笠嗰時？咪又係一街懷念。但明明之前我見港女又嫌污糟，又話人四十幾蚊碗雲吞麵好貴，三十幾蚊碗紅豆沙好貴。仆街你食一風堂啲味精水成舊水就唔撚貴。哦人地拉麵有象人精神，但一風堂唔撚係象人精神下話？當年美心未係藍店都係咁話。況且根本日本嘅一風堂都冇象人精神啦！

21. 永華就真係好食（本人覺得）。問題係，咁爽，不如你去做丫？你估日日挫竹昇麵好過癮？我肯定挫竹昇妹（或仔）好玩啲。人地就托搭咁早起身，挫撚到生痔瘡，等你啲文青平時就唔幫執，執笠就嚟打卡。（https://bit.ly/2CUrlBd）

22. 講開沙田麥當勞執笠，唔止，連商務執笠都有人懷念。媽媽咪亞。又唔係三中商邪惡集團了。更甚者，甚至有人話「商務印」。可見本城嘅文化程度有幾高。（＊＊＊）

23. 真的，你鬧都好，對我成長最大影響，唔係辰衝，係商務同三聯。特別係商務。好簡單，因為細個屯門八佰伴，就有間商務。我老母同啲姨媽咩去行街搞大半日，我就自己去商務睇書，乜都睇。睇到八佰伴播散場音樂。睇咗好多，好多書。

24. 時間再早少少，我小學雞時，我地年代邊撚有乜鬼遊學團。暑假最有建議性嘅嘢，就係我老母踢我去仁愛堂（唔知邊度？有冇睇《古惑仔戰無不勝》？）學乜學物。當年佢嘅得意之作，包括書法班啦（哈哈哈），游水班啦（哈哈哈）。基本上學嗰樣衰嗰樣。

25. 但我仲會偷偷地走去田家炳圖書館。細細個我就睇晒兒童圖書館嘅書咁滯（！），走去睇成人圖書館！可惜係冇成人封物睇。開頭黎巴嫰人（librarian 是也）仲會阻止我，但後來見我咁好學，又唔會出聲，根本就已經次次都放我過去。

26. 仲有咩書店對我大影響？誠品啦。當然係台北。但當然我第一次去台北已經係2008年嘅事。誠品以可以打書釘出名大家知啦，加上台灣舖頭大，當時又未咁撚多香港文青去，又開通頂，十分好的。

27. 英文書？Page One咯。又係海港城。不過我記得唔係辰衝原本個舖，辰衝在海洋中心，丘世文就係去嗰間辰衝。又一城店我去得仲多。有冇話你知有一期我在浸會返暑期工？係呀，Page One，商業化。都痴撚線。賣書梗係商業，唔通工業？

28. 仲有乜？眾多二樓書店（同樣地，當有人問「二樓書店」在邊，你可以當呢個人係唔去書店嘅，正如我朋友教煮送，有人舉手問「萬年油」在邊買）。迫係迫啲架啦，但至少任你揭。仲有，嗰啲佬（好少有後生仔，女就更加少），有問必答。我都話，好多而家嘅店員，連自己份工都冇尊重過。

29. 講呢啲做乜？拿，呢啲先係好書局，先係幫到新界西成長（此處新界西唔係地名，係人種）。開書局，你理應係放低個門檻，等更多人接觸到。唔撚柒係變成書店陸羽，西口西面（但又我去陸羽咁多次都冇畀人西口西面）。我知，租貴，唔好混吉打書釘—但我講緊1988年喎。租貴？今朝剛睇到，舒利亞當年今日轉會布力般，三百萬鎊，英國紀錄。

30. 講到尾，我最不滿辰衝，係嗰種偽知識份子嘅傲慢。仆街丫，你開書局咋，你PhD in 吹蕭？多得之後有其他書局，我先學到好多嘢。

31. 鬧咗三千字。好簡單，一間根本冇乜人幫襯嘅書店執笠（況且只係執一間實體店），有乜好懷念？華僑日報執笠嗰時你有冇懷念？一份冇乜人睇嘅報紙執笠，唔代表報業收檔。正如一間冇人去嘅書店執笠，不代表書店收檔—雖然其實都係慢慢死亡，所以，慳返啲時間懷念其他書店啦

32. 留意成篇嘅大調，其實同我平時嘅價值好似唔同。埃汾係「精英主義」嘅，最好上網要考牌，唔識基本英文嘅，對好多話題應該冇發言權。我識嘢多過你，當然係我講，唔係你講。但呢個情況真係唔同：我冇阻止任何人去睇多啲書（我次次都叫人「讀多幾年書先」），我冇覺得知識應該係某啲人嘅專利。只係認為你冇知識前應該shut the fuck up．但辰衝呢類白鴿眼，未必有心，但事實係阻礙阻知識嘅傳播。亦見到英殖有幾好　—　但1997一到，你就時辰到。唔係共產黨，而係有互聯網，有亞馬遜。我仲使去睇撚你面色？

33. 對，我係贊成知識門檻應該低—但前題你要尊重知識。但，DK Effect嘛，越係唔撚識嘢嘅嘢，就越大聲。

（＊）有套戲叫《戰　無雙》，熊欣欣導演，蔣璐霞李燦琛張兆輝主演，陣容唔差，但套戲票房係327蚊　—　而我朋友有份入場！（https://bit.ly/3g7wkNn），套戲只係在天水圍平日日頭上過兩場，睇過嘅應該五六條友。我朋友係其中之一，呢啲就高手！

（＊＊）冇錯係瀋陽姑娘艾敬嘅《我的1997》。我推介你睇我朋友胖企鵝寫嘅文　「香港 香港 怎麼那麼香？」－－艾敬的1997（https://bit.ly/2P4oGHK）。仲有　黃家駒的《大陸情人》（https://bit.ly/2DhlRQE）。黃家駒唱嘅《情人》，原本係叫《大陸情人》。童年崩壞未？原本曲中主角就係北姑艾敬。但放心，搞北姑嘅係劉卓輝。呢兩篇文真係好睇。「東區走廊，我有份起架」。篇文我冇份嘢，胖企鵝唔係我徒弟—但佢係睇我嘅文大。唔止，高天佑都話睇我嘅文大。可見我好老。但，所謂生命影響生命，就係咁。

（＊＊）再講一次，係「商務—印書館」，唔係「商務印—書館」。係「蘋果—動新聞」，唔係「蘋果動—新聞」。之前有單新聞，證監批「飛尚非」 股權高度集中 。間嘢叫「飛尚非金屬」。以前做節目有觀眾問「天化工」362，間嘢叫「中國天化工」。關公係「漢壽—亭侯」，唔係「漢—壽亭侯」。不過「一生愛錯放你的手」點讀，問返張宇（其實係問佢老婆）

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

//本Page Patreon經已開通，請訂閱支持本Page運作（估唔到而家Run個Page都係要搵命搏），謝謝！ 連結： https://bit.ly/2TvzIaF //

星期六、日係飯民初選，有關我對初選嘅質疑、制度嘅缺陷，之前經已透過好多篇文章寫得非常清楚，所以而家只剩番The Last Question：焦土派應唔應該參加初選，發揮焦土作用？

相信唔少反初選嘅網民、焦土同路人一聽到呢度，可能會立刻大聲反對：「有無搞錯！講一大輪竟然又跟番佢地個遊戲規則玩，究竟你其實係咪偽焦土？」大家先唔好急，且先聽我娓娓道來，焦土派參加初選投票嘅各種好處：

1. 正如我上一篇文所講，今屆初選，飯民大台嘅目標就實在太過明顯鳥：就係希望透過初選交一兩個最不受歡迎嘅飯民人頭出黎，營造一種「飯民大台願意革新進步」嘅錯覺出黎；加入幾個偽本土嘅「新飯民」掩飾換湯不換藥嘅本質；再分啲餅碎出黎比剩番嘅素人餓狗搶屎，一個金玉其外嘅「新飯民大台」就此完成。

既然如此，要搞冧呢個大台、Discredit呢個初選制度亦非常簡單：如果選完之後，「老飯民」嘅代表人物包括楊岳橋、黃碧雲、林卓廷、涂謹申、郭家麒等等全數響初選勝出，咁就足以證明而家好多偽本土、新飯民9吹嘅所謂「初選係用黎踢走老飯民」呢個假象全面破產，擺脫戴妖洗腦符咒。

2. 參加初選焦土最抵死嘅地方，就係依足飯民大台規距黎拆大台、玩撚爛個初選佢：喂你可以老屈初選投票先等如撐民主，如果唔係就係分化撚，但你唔可能連投邊個一票都限制我噃：如果投黃碧雲焦土就叫分化，咁係咪所有初選投飯民嘅都叫分化撚呀？咁不撚如直接學共產黨搞等額選舉咪算尻數囉！

3. 其實好多政治素人都係不情不願參加初選，一來係群眾壓力下唔參加怕比人圍剿老屈「你分化你係鬼」；二來就係抱僥倖之心想睇下自己會唔會係每區剩低一席半席餅碎嘅幸運兒。如果飯民初選悉數勝出，其實亦係代表呢班素人大部份都難逃落選命運，咁呢個就係一個好時機鼓勵佢地擺脫飯民大台初選枷鎖投入9月正式選舉──你話得小貓一兩隻背棄初選機制就會比人圍揼啫，但如果有十個八個落選素人走出黎否定初選結果，個團結力量就強好多。

唔好以為推翻初選結果係全無理據，因為如果初選人數真係得黃之鋒講得果10萬8萬，即係每一區嘅票數都唔及區議會泛民總票數嘅10份之一，到時以「初選票數太低因而拒絕承認選舉結果」呢個理由，總對唔可以話係唔合理（新西唔夠48000票直頭取消初選添）。

4. 雖然我極度反對初選，但對於政府走去民研中心高調掃場、9噏「飯民初選可能違反」亦係非常不滿；然而你叫我因為咁走去參加呢個初選制度我又唔撚想，咁唯一一個兩全其美嘅選擇係點？咪臭係響初選投黃碧雲焦土囉！

當然，同樣亦都有好多理由，係足以令焦土派杯葛初選：

一、老實講，而家成班黃屍講到點憎點憎老飯民，但其實除咗黃碧雲，佢地心入面都仲係接受倒佢地作為「必要之惡」嘅存在：就算比你「保送」倒林卓廷、涂謹申、尹兆堅、郭家麒同OMDB呢班垃圾入局，佢地唔單止唔會覺得個初選制度有乜問題，反而係會順理成章覺得

「呢個就係民意，我地唔係要飯民贏，我地係要建制輸YEAH！」然後垃圾會又再繼續充斥呢班成日唔開會唔投票、得閒又走下去幫政府護航嘅垃圾議員。亦因為咁，點解我會覺得只有九西All-in黃碧雲先有意義，因為佢係唯一一個普遍黃屍都不能接受嘅候選人、兼飯民大台用於平息民憤嘅「祭品」，保得住黃碧雲，就可以Discredit個初選，但九西以外嘅其他初選，基本上係嘥撚氣。

二、初選從來唔係正式選舉，甚至連對當選者最基本嘅約束力都無，只係飯民嘅選舉工程、一個競選宣傳活動。結果焦土派走入去初選投票，反而係比咗呢個初選制度同戴妖更大嘅認受性，令戴妖響將來有更大嘅Credibility去操弄選舉。同埋而家初選吹緊唔夠人，你走去投票咪即係幫人抬轎？走去初選焦土之前，真係要諗下會唔會最終係做咗搬石頭砸自己隻腳嘅蠢事。

三、響而家落街講句「光復香港時代革命」都要拉要鎖嘅今日，反對政府打壓，唔代表只有參加初選投票呢個方法進行抗爭。例如如果有人真係響呢兩日搞9你屋企附近嘅初選票站，你咪走落街聲援幫拖囉，唔一定要投票格，反對初選唔等於支持政府打壓初選；但掉番轉亦唔代表只有靠響初選投票先叫反對政府打壓。

四、呢個亦係我最顧慮嘅一點、最終都係令我下決定放棄走去初選投票焦土：所有參加初選市民，必須響投票之時交出你嘅住址證明換取投票資格。

好多人下意識會立刻反駁：「車，而家政府夠有齊你所有個人資料添啦，9月唔好投票丫笨！」的確，相比起飯民大台，呢個港共政府確係邪惡百倍千倍，怕飯民而唔怕政府聽落好似好荒謬，但其實不然：

政府掌握大量市民資料，但打擊對象亦多，所以真正會利用呢啲個人資料進行迫害嘅，當然係黎智英、黃之鋒之類真正具政治影響力嘅飯民代表（腦燒唔撚該收皮，有排未到你）同港獨勇武派嘅頭面人物。

但飯民大台專心打擊嘅卻係咩人？當然就係我地呢啲焦土派眼中釘。唔怕話比大家聽，本Page其中一個作者，經已比某「黃姓黃標KOL」懸紅起底，任何提供相關個人資料比佢嘅都可以收錢，而佢亦經已用唔同途徑對呢位作者進行恐嚇、投訴（不過由於呢位黃姓KOL唔響香港，告佢都嘥氣），萬一我參加初選投票暴露埋我住址，我點撚樣知搞初選班友會唔會將我個地址作為攻擊我本人之用？

至於比我呢個NoBody更Nobody嘅一般人亦唔好大安旨意：你今時今日未落入佢嘅迫害目標唔代表將來唔會。舉個例，日後你同民主動力嘅某人罵戰，比佢起倒你個真名即係等同於比佢起埋你個地址，到時輕則比人用你地址申請啲乜乜物物叫外賣，重則報警話你屋企藏有爆炸品，投一張票冒一個咁嘅風險值唔值得呢？自己諗。