[金融掃盲]祖雲達斯冇蝕到趴,曼聯(同所有球會)最大開支唔係轉會費,賣波衫唔好賺,贊助刁都冇你想像中咁多。但,依然有金融上嘅考慮。就係開心樂園餐!人地睇嘢,唔係一兩季,係十年甚至幾十年。
TLDR:相信全香港第一個人講C朗as a 開心樂園餐
1. 其實足球嗰部份都可以掃盲,C朗雖然肯定好好好好波,但由於太靚仔太霸氣,往住有好多myth.例如以為佢射罰球好勁(對上一球幾時?好似講到而家),或者以為佢射門命中率好高—例如蘇斯克查話,呀C朗禁區外射門呀,100球都99球中龍。事實?C朗在祖雲達斯,所有射門,唔夠四成中龍。當然你可以話蘇斯克查只係做個比喻,唔係真係話99%。
2. 反正呢篇文唔係要攻擊C朗(*),而係講,好多你以為嘅「常識」,係錯嘅。
3. 不過既然係Financial Times,當然都講返錢銀。以下係幾個關於C朗轉會嘅 financial myth:
4. 祖雲達斯蝕到趴:唔算。轉會費1500萬歐(加埋表現頂多2500萬)。祖雲達斯2018年1億買返嚟。不過球員係會「折舊」嘅,正式嚟講,係舊「轉會費」會攤銷(Amortize),你當好似機械咁折舊啦。每年個「折舊」先係開支,然後個球員嘅「價值」(**)在公司個資產負債表每年就減低,同你會計101讀嘅差不多。一般個「壽命」就係合約年期,咁佢在祖雲達斯4年約,1億歐就攤4年,今年最後一年,在祖雲達斯本薄度,佢最新carrying value 係3000萬左右。咁所以祖雲達斯蝕讓都要輸錢,但唔係輸8500萬,輸1500萬啫。
5. 有趣地,曼聯簽C朗係2年約,但個「折舊」用5年,我就唔知點解啦,都唔係一般做法,問返核數師點解肯簽,可能預佢退休做埋高層啩。上市公司喎,不能太亂嚟的,核數師肯簽,咁…….咪得咯。
6. 咁所以曼聯買得好抵? — 又唔係。球場上唔知,但我地講財務。同好多人嘅理解唔同,球會最大嘅開支,唔係轉會費(可以攤N年,同埋有機會賣出去收返啲),而係人工!C朗份糧同在祖雲達斯比只係減少少,過到嚟變咗係英超最高薪球員(***)。即使曼聯係英超最高收入嘅球會,佢老哥份糧都佔咗間會收入嘅5%— 一條友佔收入5%,你可以諗下幾咁誇張,應該冇乜其他公司可以咁。
7. 車,賣波衫同拎筫助都賺得返 — 不客氣地講:講得呢句,就知你完全唔識了。最好都係STFU。再講一次,絶大部份波衫收入嘅錢,係Adidas或Nike拎晒。唔信嘅,你睇兩樣嘢。曼聯30億美金市值,Adidas 600億,Nike 2600億,你話邊個好賺?另外,如果賣波衫咁好搵,咁巴塞叫美斯賣返件特別版已經夠。但明顯唔係咁,你睇球會啲商業收入,都見到個數字唔係 波衫件數X零售價。至於贊助?亦唔會忽然多咗好多,好多一早傾咗。
8. 咁到底有乜財政效益? — 球場上嘅不講,但球場外嘅,都仲係有嘅。冇錯就係Brand Building.軟實力,細細個導你食開心樂園餐(原文冇呢句,我加嘅),大個咪日日食。文中提到,曼聯近年戰績麻麻,固然班死忠不離不棄,「但大家都知熟客唔值錢」,咁點搵新粉絲?點同曼城爭?(你諗下,廿幾三十年前我睇曼聯時,all due respect,曼城有幾多球迷?嗰時在英國見有個廣告串曼城:Manchester Worldwide,City Nationwide).地球上最多ig follower嘅C朗,就係答案啦。
9. 仲有,正如上面講,球迷一般嘅loyalty 都高,係好客,唔會因為隔離會件波衫平三十蚊你就買對家(你對比下,UBER,或者做電訊商)。所以,就係我樓上講嘅,開心樂園餐。細細個導你捧曼聯,大個自然科水。
10. 曼聯睇嘅唔係一季,兩季,而係未來幾十年呀!好大盤棋。應該係咁。當然幫到戰績更好.咁點都要有球場上嘅作用嘅,唔係買條友做親善大使嘛。發唔發現,唔落場踢嘅代言人,影響力低好多?你而家仲碧咸傑斯咩,我知係名宿(奧雲係咪名宿?)。但新一代無感嘛。至於啲老嘢?係咪都捧架啦,即係電話或寬頻啲舊客,唔使對佢咁好的。
(*)有冇話你知英超如果要捧,我係捧曼聯的?我唯一買過嘅英超波衫就係曼聯,唯一一次現場睇英超亦係曼聯。
(**)插嘴講句,咩公司係員工嘅資產,廢話。閣下有冇在公司資產負債表出現?冇。你嘅地位低過張枱,係等同公司用嘅condom(妓院上市都得啩?好似澳洲有)。你去到球星咁,在公司資產負債表度出現,你就真係公司嘅資產啦!
(***)呢度插播,原文冇講,係我意見。C朗居然減埋人工仲係英超最高,可見祖雲達斯畀得幾咁豪。我舊文有寫過,C朗一條友嘅人工,高過意甲十幾隊波,亦即係佢份人工夠搞一隊可以踢歐霸嘅意甲隊。最正係—即使唔計C朗,祖雲達斯都仲係意甲最高人工!
==============
已烴2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
同時也有1部Youtube影片,追蹤數超過80萬的網紅果籽,也在其Youtube影片中提到,曼聯92黃金一代的傑斯(Ryan Giggs)、史高斯(Paul Scholes)、加利尼維利(Gary Neville)、菲臘尼維利(Phil Neville)及畢特(Nicky Butt)來港踼波獻技!不過講的踢波唔係真係落場踢波,而是打機,在虛擬足球賽上跟網絡紅人達哥和運動評述員馬啟仁Keym...
傑斯曼聯 在 球迷世界 Facebook 的最佳貼文
紀念為曼聯工作43年嘅球會傳奇
轉自 Fergie Time 球迷世界 - 曼聯
傑斯曼聯 在 Man僧 Facebook 的精選貼文
#是咁的
80年睇曼聯 90年喜歡曼聯
主因係簡東拿
次因就係傑斯啦
但96年就唔喜歡曼聯了XD
#仲成黑粉好多年XDDDDD
#細過覺得佢好長髮俊俏跑得快似ROCKSTAR
#以前D球星造型真係無得頂
#RyanGiggs
#WelshFormerProfessionalFootballer
#我真係好迷足球架
#20年前
#DigitalArt
#Man僧
傑斯曼聯 在 果籽 Youtube 的最讚貼文
曼聯92黃金一代的傑斯(Ryan Giggs)、史高斯(Paul Scholes)、加利尼維利(Gary Neville)、菲臘尼維利(Phil Neville)及畢特(Nicky Butt)來港踼波獻技!不過講的踢波唔係真係落場踢波,而是打機,在虛擬足球賽上跟網絡紅人達哥和運動評述員馬啟仁Keyman等人對賽!
=========
全新副刊,推動知識文化多元。培養品味,立足香港放眼世界。不畏高牆,我們站在雞蛋一方。
《果籽》 栽種品味,一籽了然。 https://hk.appledaily.com/realtime/lifestyle/
![post-title](https://i.ytimg.com/vi/uZNmcVNKMRc/hqdefault.jpg)
傑斯曼聯 在 1999年足總盃曼聯對阿仙奴傑斯的個人show - YouTube 的推薦與評價
![影片讀取中](/images/youtube.png)
(HD)Ryan Giggs "the Titus" Manchester United Legend 曼聯 名宿 傑斯 鐵達時廣告經典全5集ギグスマンチェスター・ユナイテッド. adinik eekin. ... <看更多>
傑斯曼聯 在 曼聯名宿傑斯嘅故事- Now TV 的推薦與評價
【 曼聯 名宿 傑斯 嘅傳奇足球生涯】 無論你係咪「紅魔」迷,只要有留意歐洲足球,都一定會聽過# 傑斯 (Ryan Giggs)呢個名!等我哋一齊重溫 傑斯 昔日 ... ... <看更多>