[懲罰系列] KK正宗印度餐廳
.
因為要去荔景祖堯個邊影夜景既關係，加上我鐘意食咖哩，而且傳聞食咖哩可以抗肺炎 (真係傳聞黎，唔好盡信)，所以就食下呢間好似係暗黃既KK正宗印度餐廳。
.
環境方面，都唔記得左影返餐廳內籠既相，總之都好闊落，西餐廳咁既格局，而且全程都係得我地2個客，所以環境係好舒適。至於服務當然都係唔錯啦，3個serve 2個好難有d咩問題。
.
好喇，到食物，我地叫左個$88既羊肉Korma咖哩、$108既鐵板燒雞Chicken Tikka、$35既油酥手抓餅Paratha、野飲就係$25熱既Masala Tea同埋$32凍既Mango Lassi。
.
先講個Korma，羊肉係幾嫩下，接近無羶味，似係d好淋好淋既牛腩咁，都係一般印度野水準，而因為我地都食唔到辣，都希望個Korma係奶味重d，但事實上個Korma比較稀，無creamy既感覺，有埋都有些微辣，但幾香就真。之後到Chicken Tikka，即係好colourful個種，雞肉唔算好嫩但完全唔鞋口，再配埋d檸檬汁真係不得了，酸酸地仲惹味。至於個Paratha，唔油，仲好乾身，同平時食開既好唔同，拎黎點Korma當然一流，而且因為唔油膩，食落去唔會好滯，呢個真心讚。
.
至於飲品，Masala Tea太稀，水太多，令d味出唔到黎，仲要成$25，我係元朗既尼泊爾小店，或者尖沙咀重慶都只係賣緊$8，而且濃郁好多，所以我連相都唔影了，唔推介；反而個Mango Lassi就幾好，芒果味都幾重，唔係一般既死甜，貴Masala Tea幾蚊之下，反而覺得值好多。
.
食物: ★★★
價錢: ★
環境: ★★★
服務: ★★★
性價比: ★
.
P.S.今次呢一篇算係比較踩界，一直以來我都係用[懲罰系列] 去share好食既黃店，雖然我好鐘意食咖哩，但呢間有人話黃，老闆娘直情黃到喊出黎，不過我又FC唔到，而食物係好食既，但性價比都幾低，幫唔幫襯真係自己計劃下先，我自己就唔會刻意去，咁岩去開祖堯先食，如果想食印度野或者南亞風味，葵涌、元朗一樣有平一半以上，但食物質素相若既選擇。
元朗西餐廳推介 在 元朗隱世小店～高質西餐：1987 Kitchen～ - YouTube 的推薦與評價
今次係 元朗 搵到一間隱世嘅高質 西餐廳 ～1987 Kitchen～。到底啲野食係點？Click入嚟睇下啦！如果你鍾意呢條片嘅，俾個Like我、Share俾啲朋友睇同埋記得 ... ... <看更多>