{花花公子,情人多多多}唔通張曼玉鍾楚紅拍過封面又話你知?
1. 花花公子,情人多多多!然而開不開心他都不是太清楚!識唱一齊唱(*)!
2. 其實冇原文,但想睇個故事,睇明報:路透:《花花公子》擬借殼上市(https://bityl.co/3aRA)
3. TLDR:花花公子係非一般嘅鹹書,甚至有人話係文學雜誌。但講緊,四十年前已經走下坡。而家居然仲唔死得,仲話搞返上市,真係多得聯儲局錢多人傻
4. 唔使放大睇了,搵咗唔少封面,當然都搵到鍾楚紅 同 張曼玉做封面,但,特登揀呢張圖,梗係有原因。「識睇梗係睇惠英紅」。惠英紅嘅戲,我睇過有冇五十套?我連Mrs K都睇埋呀!
5. 講返,Playboy嘛,新一代,或者女仔,好可能唔太清楚。當然Playboy咁出名,佢地知係乜,「鹹書咯!」。Nonono,Playboy其實係成人刊物!唔係鹹書!因為真係唔夠鹹!惠英紅可以有幾鹹呢又?
6. 唔止,都話,張曼玉鍾楚紅都拍封面,可以有幾鹹?定你以為鍾楚紅露三點?仲得了?
7. 而對我嚟講,最震憾嘅封面,並唔係好多人會講嘅鄭文雅,亦唔係當年引起不少哄動嘅呢個惠英紅封面(有露點寫真集添呀)。而係……
8. 杜麗莎!
9. 係!嗰個杜麗莎。你可以Google.當然可能對某啲人嚟講惠英紅震憾啲,但惠英紅嗰期實在好出名!老嘢實知,所以反而冇咁震憾。杜麗莎呢期,就真係「識睇睇呢啲」啦!
10. 我其實原本仲想講 李默!不過我冇任何四十歲以下嘅人知道邊個李默!拿,文青呀!你唔撚見而家啲文青女神去露點拍Playboy?到底世界係開放咗定保守咗?(答案:視乎對邊個,對冇錢嘅你咪保守咗,人地閂埋門肯定好多嘢玩)
11. 講返正經,係,好正經。呢本嘢係神神地的。呢張相我鍾意,首先,除咗惠英紅,仲有漢堡包女郎!嘩,嗰件制服,啲回憶真係返晒嚟(但,我冇呢種制服癖,你有嘅,去睇《麥路人》啦)。冇深究,但好似係素人嚟的?另外,仲有百貨公司櫃姐寫真,真係早早滿足大家唔同嘅制服癖。但好似反而係冇空姐護士呢啲最多人睇嘅,可能係法律問題定驚得罪人?唔知。
12. 仲有,真係唔好只係講女。我幫你圈咗嘅,睇下Playboy人物訪問係乜人?係倪匡,係阿拉法(!!!),係白先勇!講真,邊係而家啲雜誌(仲有冇?)訪問Juno可比?Juno拎諾貝爾獎未?我估佢套《風林火山》就快可以拎搞笑諾貝爾獎,或者經濟學獎。
13. 實情,我係冇買過Playboy嘅,原因下述。但當年倒係某啲比較出位嘅老師會講(!),甚在話有人拎英文版嚟教英文。但都合理,華文版訪問白先勇倪匡(阿拉法當然係譯文,定你以為佢有聽《光輝歲月》識廣東話?嗰個係摩根費曼,好似係),英文版呢?訪問霍金,馬丁路德金,勁唔勁?
14. 寫文嘅?係海明威(唔係唱歌嗰個),約翰連儂,Andy Warhol,Jorge Luis Borges.幾咁勁,呢啲先係文青讀物,但亦見到嗰個年代,你低下階層連睇裸女嘅權利都冇—除咗返去搞自己老婆。睇鹹書都係中高級知識份子專利。
15. 所以有人話,Playboy根本唔係鹹書,而係有裸女嘅文學雜誌!你地真係搞錯晒!正如埃汾個Page係有金融嘢睇嘅文化Page!
16. 睇到呢度你明了,哦,高檔版成人雜誌,「即係HIM或者男人幫咁」……er……你當係啦
17. 然後你就明白,本嘢真係冇人買了。亦唔使講咩互聯網乜乜。再早啲,其實由Penthouse之類出現,Playboy銷量就大受打擊。即係,我細細個睇老豆衣櫃嘅藏書(簡直係寶藏!所以老豆老母去星馬泰七天團我都唔去,我嗰時真係好撚鍾意香港!),都只係得 Penthouse。有話老豆就影響個仔,到大個啲,我自己有錢又有膽(係,唔使夠秤,你只需要有錢又有膽)(**)買鹹書,都係買
18. Penthouse
19. Penthouse同Playboy有乜唔同?拿,後生仔同女仔以前差不多,但老司機就知,分別就大了。可以寫多幾篇文,但主要分別,就係Playboy係Softporn,Penthouse係hardporn
20. Softcore 同hardcore,in this context,未必係重唔重口味。條界在邊,亦隨時代地域有啲不同,正所謂而家啲小朋友5歳都睇3P.但,粗略嚟講,Softporn當然都會露點,甚至露三點,但唔會有性器官大特寫。例如當年買宮澤理惠嘅Sante Fe(回憶返晒嚟),或者徐若瑄嘅 天使心(回憶返晒嚟X2,又,證明我中學年代都幾富貴),露三點,但唔會有性器官大特寫,更加唔會有條佬露賓。相反,去到性器官大特寫,性行為,打真軍,有男性性器官出現,就應該係hardporn。大約咁分
21. 咁就我理解,Penthouse都唔 depict intercourse (用英文講就好似型啲,真係hypocrite到呢),但尺度當然比Playboy勁得多。實情在70年代,我都未出世,在美國Playboy已經畀Penthouse打到體毛完膚。但當然香港就遲好多,社會保守啲,同埋,當年冇網上。
22. 後來,就更不用講了,Penthouse都唔過癮,就睇日本啲Beppin(後來仲有分拆上市嘅Beppin School,啲日本仔真係好撚變態,一定要買嚟警惕下自己),然後係VCD,三仔四仔,好景一百蚊三隻,變到一百蚊十二隻。之後係BT,甚至BT都懶,上ThisAv,甚至去到而家,你日日Whatsapp都好多人send你,乜都有。
23. 而呢個呢,至少暫時嚟講,都係一個不可逆轉嘅過程。就係我頭先講句,「而家啲小朋友5歳都睇3P」「搵處女去Playgroup搵」,社會係越嚟越開放嘅,禁忌係不停被打破,口味越嚟越重。呢個暫時都係不能逆轉。即係好似,你張枱只會越嚟越亂,唔會忽然間由亂變整齊的—拿,熵呀,Entropy呀!你睇路蘭都係講呢啲!
24. 不過,逆熵我唔知啦,但色情嘅嘢,總會有個限度?你去到某啲位就玩無可玩啦?變咗生態紀錄片咁?又會回歸返soft啲,「聽聞日本都係咁」,睇得多啲大胸美少女水著,又要迴歸玩校園純愛了。
25. 所以,其實早幾年Playboy開始唔再登裸照,都引起一陣哄龍,甚至有人覺得好似燒味舖唔賣肉咁。但諗真啲都合理,鬥裸照根本冇法同網上競爭,你亦冇可能再搵到惠英紅whoever 嚟拍封面。所以索性轉型做文佬雜誌算—雖然,最後又係失敗,好快又登返。證明做文佬更加冇人買!銷量只係靠啲長情老讀者—佢地可能都識上網,但覺得「都係實體先有質感」—好似埃汾睇實體報紙咁,係呀,我甚至有訂網上版添,但都係買實體版。娋網上版用嚟做乜?用嚟FB貼,同埋支持下傳媒
26. 唔好意思,寫咗兩千幾字都係文化評論,雖然本專頁係文化專頁(你以為係炒股貼士?)。但呢單真係財經新聞。
27. 實情,Playboy真係窮途末路,我未出世前已經下滑,滑咗四十幾年。卒之最後連印刷版都死埋。但而家反而話搞上市!實在令我諗起崩牙駒出嚟搞cryptocurrency ,或者黃玉郎每隔一排就出嚟講有咩大計咁(又,知唔知黃玉郎同馬榮成有乜分別?就係有買樓同冇買樓嘅分別)
28. 莫非係有咩大計?鹹魚返生?我覺得係冇的。純粹係錢多人傻,「品牌」有價(有人以為)。再白啲講,屌,而家啲濕鳩電動貨車公司,車都未撚有一架,零收入,上市都大把人追捧。Why not搏大霧?多謝聯儲局啦
29. 事實亦係咁,一年前已經話想寫Blank Cheque Company(唔止荷蘭先有),又名SPAC(special purpose acquisition company),美國式嘅借殼上市。之前寫 Virgin Galactic上市都寫過(https://fbook.cc/3FtM),亦係SPAC上市。香港呢,行家以外都仲唔係太多人講,但埃汾一年前已話你知!識做啦!去訂Patreon!(https://bit.ly/31QmYj7)
30. Playboy IPO值唔值得抽?咁你上次睇Playboy係幾時呢?很懷念吧。
(*)應該遲下有篇文會講略講下呢個時期嘅張學友,Personal account講過好多次嘅,我在柏斯的日子
(**)好似回過好多次帶。照講。某年,我應該十六七歲?在元朗,買鹹書。個報紙婆問我「細路你夠十八歲未」。我二話不說,拎起咗本《李麗珍水城寫真集》(巧貴的說,但嗰時已經幫人補習,有啲錢),話,「我要埋呢本」。然後,我夠唔夠十八歲呢個咁哲學嘅問題,就好似趙匡胤黃袍加身前有人報稱嘅契丹軍咁,消失在空氣中。呢件事對我影響好深,知道呢個世界呢,真係有錢又有膽就得。可惜之後我都係兩樣都冇嘅時間比較多
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
元朗playgroup邊間好 在 梵高爸爸 心靈藝術 Facebook 的精選貼文
【疫情下的遊戲時間】#26個月大 👶🏻
病癒後放監落公園玩 👏🏻 戴住口罩玩足一小時,史上最耐,仲大汗疊細汗💦
講真呢~我幾鍾意俾個仔 #freeplay #自由遊戲 ,俾佢 #探索身邊事物 盡情釋放開心情感 🤗 然後話口未完!
#執執玩玩花花葉葉 🍃🍂🌸🏵
(相片入面,佢係摸摸花花,唔係摘 😉)
正常嚟講,我 #唔會規範佢點玩 但疫情嘛!佢執起玩果吓都好掙扎。但我就選擇隻眼開隻眼閉 😐😑 至多玩咗用濕紙巾或消毒抹手 💦🤲🏻
有一下,我好想指住花花教講「花花」,但講明自由遊戲嘛!我今日 #盡量唔夾住學習活動 但佢又忽然自己講「花花」 😳🤪 (哦…我知啦!尋日睇咗本書有花花呀!)
另外呢,其餘時間如常跑嚟跑去,行上行落樓梯!總之甩咗口罩唔肯戴就byebye公園,就係我底線喇,free都要安全嘛 !
#tunnel
有一吓,佢忽然一支箭狂奔入去tunnel,捉都捉唔住 😪 真係哭笑不得!
其實佢8個月大bb時去playgroup玩tunnel好驚會喊嫁,可能呢排喺屋企同佢玩playmat tunnel,之後去就開公園又熟習咗環境,就探頭眼望望個洞 👀 忽然今日放心捐入去😆 (當然基於疫情安全好快引導👶🏻出嚟啦)
做自由工作者有個好處,就係自己安排時間,今日一丁友帶湯丸仔去元朗拎Passport又得,帶樓下公園玩又得,玩完公園再返屋企玩水水 🛁 放完電瞓覺,我又可以專心工作喇 👨🏻💻
#梵高爸爸 #湯丸仔 #玩樂
元朗playgroup邊間好 在 Kan夫人。生活雜記 Facebook 的最讚貼文
#細細第一次PLAYGROUP
好啦, 又到出場率偏低的細佬啦~
話說佢9月就上N班喇, 老師講到明, 9月開學佢要自己上堂, 家長無得陪架! 做阿媽既當然好擔心啦~ 佢仲未分離到架...... 所以我都開始搵D playgroup比佢試下, 等佢知道返學上堂都係一個遊戲, 唔使到時世界末日咁......
細細有同丁丁家姐一齊上過messyplay, 當然又同playgroup有D分別, 先前比我見到 Child Station • WILDPlay 有做緊playgroup試堂, 即報名同細細一齊上!
playgroup地點在幼稚園課室內, 當日有大約6位家長+6個小朋友, 2位導師。家長可以一齊上堂, 對於未有信心分離既我地黎講都幾好~~ 而幼稚園環境又可以比佢習慣一下到時9月上堂既情景, 都算不錯!
wildplay playgroup的流程: 唱兒歌、介紹名字、跳跳舞、小肌肉練習、說故事...... 一個小時好快就過左!! 細細由一開始不敢離開我身邊, 到後期慢慢踏出幾步跟導師唱遊玩遊戲, 都是不錯的開始!!! 起碼佢唔抗拒呢個方式先啦~~
丁丁家姐果時係做超大B入N班, 都唔會話有好大問題, 但細細算係細B入學, 真係差好遠, 我要花多D時間去同佢調識下先得!!
#話咁快又N班
#媽媽唔想你大得咁快
#媽媽好掛住BB既你地
#大得太快
#細細佬之日常
#1Y10M
#playgroup
---------------
Child Station • WILDPlay
首堂試堂費用$50, 如果岩既可以去試下呀:
https://goo.gl/forms/iSeuAQUu7IKDqVxX2
📍元朗校址:元朗溱柏The Green Atrium (連戶外場地)
📍太古校址:香港鰂魚涌基利路8號栢蕙苑寧栢閣地下 (室內課室, 只提供18個月以上課程)
元朗playgroup邊間好 在 3間Playgroup比較 St. Cat VS 學之園VS CPDA 媽媽必睇 的推薦與評價
![影片讀取中](/images/youtube.png)
playgroup #比較今次繼續和大家分享3間 playgroup 的真實用後感比較,分別是St. Cat、學之園和CPDA。 Ngan Mama 分享生活點滴、實用資訊想觀看更多我 ... ... <看更多>
元朗playgroup邊間好 在 元朗媽媽會| 各位媽媽,請問有元朗playgroup介紹嗎 - Facebook 的推薦與評價
各位媽媽,請問有元朗playgroup介紹嗎?我仔17個月, ... 肖珍,珈琳,懷恩細b唔知揀邊間好,希望大家俾啲意見 ... 你好,請問萊恩面試到錄取,大概多久會通知? ... <看更多>