#今時今日外賣好重要㗎
話說元朗板長執咗，要食一定要去老遠買，咁咪幫襯元氣啦。 今時今日嘅元氣壽司可以追得上板長，當然價錢都同板長一樣有返咁上吓錢啦。發現元朗有元氣，咁咪上網試吓叫外賣自取。首先⋯ 今時今日app 要夠user friendly 好重要，如果你唔係會員（即証明你唔熟呢間店啦），點解唔係一開始就鎖定你嘅資料先，然後慢慢點餐呢？ 點解點餐按錯一個制又要重頭來過呢？我點咗3次先點到單，再來佢哋做緊個promotion，一張單滿$380即成為會員⋯ 係有提你滿$380成為會員，但係原來又要唔知登記咩分卡⋯ （做會員好多福利㗎咩？巴閉成咁？）再來又使唔使我去到問先答，同埋最正個senior好似施捨無尾聲咁講咗句⋯ 「俾佢啦。」好⋯我問有冇冰（大佬個個住樓上㗎咩），佢先攞出來，一大袋壽司俾一包用膠袋裝嘅一小包冰俾我，我當然問：「夠凍㗎啦？」佢亦都無令我失望，採我都有味。
重點來啦⋯ 由於有叫魚生，咁咪9秒9搭的士返屋企啦，一上車⋯ 心個不妙，所以壽司淋哂去一邊，板長會pack得好好，我唔係棄唔係Fing上車放低就係咁喇，媽媽見到「嘩⋯ 好彩唔係請朋友食咋，攪成咁嘅（見下圖，已經執返整齊啲㗎啦）⋯ 失敗。
首先，有工做係應該俾心機做；
第二， 擺到鬆飄飄咁，個袋又唔啱size，你估人人都係頭文字D嘅拓海咩⋯ 真係激令死你；
第三，食物質數改善係好，但咁樣點幫襯呀？
元氣壽司 GENKI SUSHI HONG KONG
