《雙生》
👿:下星期,我可以出黎食晚飯
😇:好,星期幾?我訂位
👿:星期五?如果係既,麻煩你book多位
😇:仲有邊個會黎
👿:我女朋友,應該係
😇:你終於拍拖,咁就好!咁我訂5位
👿:都好,要分枱,唔需要太親密
😇:唔駛,我同老闆相熟,到時安排間房就可以
👿:是旦你
😇:係呢,農曆七月,我會去拜下老豆,你會唔會一齊?放心,媽唔會去
👿:哦,睇黎佢咁多年都未放得開,係呢,層樓依家咩價位
😇:都咁多年,起碼唔係兇宅價,不過唔啱價未賣住,放住先,如果你隔離完,可以返去住,依家丟空緊
👿:咁佢呢?住邊
😇:另外租樓,你唔需要擔心,仲有看護
👿:無擔心過佢,佢一向都自己有分數
😇:媽佢依家唔同以前,睇化左好多,份人都無以前咁執著,所以我先想你同佢見下,話晒兩母子
👿:佢算過命,仲有排都無事,佢知,我都知,癌症又點,依家有錢就會醫到,不過有癌症又死唔去,我只可以講係報應
😇:你把口可唔可以唔好咁講野
👿:無,我將你唔敢講既講晒出黎姐,孖生兄弟,八字係反轉既,好野比晒你,衰野比晒我,其實都係你想法,只不過你唔敢講出黎,我咪幫你講囉,你咁多年無憎過呢個女人?
😇:我憎佢,但我同時可憐佢,佢孤獨咁多年,要還既都還晒啦
👿:迫死一個人,咁易還到就好喇,佢作孽太深,唔係以佢條命都唔會生癌
😇:其實我一向都唔相信命運,命運係應該由自己掌握,你都唔應該將所有好事壞事歸咎於命運
👿:唉,一個被命運眷顧既人竟然唔對命運感恩,真係一種諷刺
😇:凡事都係選擇
👿:係,佢選擇左信命,選擇左佢既命運,結果得到眾叛親離,是為因果
😇:我唔想同你爭執……咁你去唔去拜老豆?
👿:我自己去得喇,唔想見人
😇:好,你話事,係呢,我識幾個出版社既老闆,如果你想出書,我可以介紹比你
👿:有心,唔需要
😇:你仲係一貫既硬頸,如果經濟上有咩需要既,同阿哥講,我會幫你,出版社既事,你再諗諗
👿:我命唔好,但命硬,你同我相反,你命好,但你命薄,不過好在你一帆風順,好心提提你,今年生日個個月,出國避避,乜都唔好做決定,散下心玩下
😇:如果跟你咁講,呢個月對你講應該係好事
👿:可能,我道行唔夠,唔知會發生咩事
😇:當年唔信命既你,今日咁信命,我真係好意外
👿:有時唔到你唔信
😇:點都好,我要見客喇,餐廳我訂好話你知
👿:好
😇:【連結】下星期五晚上七點,五位,留左我名
👿:好
——
長傾·不見 第一回 @筆友
https://bit.ly/LongchatEP1
長傾·不見 第三十一回 @孤辰
https://bit.ly/LongchatEP31
好久 不見 第一回@久違
https://bit.ly/LongtimeEP1
好久 不見 第八回@兄弟
https://bit.ly/LongtimeEP8
同時也有1部Youtube影片,追蹤數超過14萬的網紅RagaFinance財經台,也在其Youtube影片中提到,Raga Finance:「金融案內所」 第三集:地產從業員的誕生、辛酸史 (第二節) 第二節:https://youtu.be/eO4El4HSBWM 主持:Danny、小兵 嘉賓:Jean Jean 快訂閱 RagaFinance Youtube Channel,收看最爆財經評論 ht...
兇宅介紹 在 藍橘子 Facebook 的精選貼文
【阿公講鬼】《兇宅》
==下半部分有繁中華語版==
==下半部分有繁中華語版==
==下半部分有繁中華語版==
(第1集)http://bit.ly/2M1bpim
(第2集)http://bit.ly/2MRVeTT
好多人都誤會,道士就等如靈異界嘅殺手。但其實唔係,與其話道士係殺手,不如話佢係談判專家更貼切。瞭解靈體需求,再幫佢哋達成心願,係道士最應該做嘅事。
「家」如「國」,整理家庭同管理國家一樣,當一個國家或城市要提升形象,要消滅嘅唔係乞丐,而係貧窮。唔係要殺晒啲流浪狗,要改進嘅係教育。
當阿公去到東亮發現靈體嘅樓層,由於走廊窗戶被木板封住,亦長期無人居住,四周濃厚陰氣彌漫。阿公早有準備,將家中神壇用嚟插香燭嘅泥土帶出嚟,喺地面鋪設一塊黃布,再將泥土堆起,插上三支香,作用在於將陰氣驅散。
當阿公用打火機燃點咗三支香,『嚓』一聲冒出火光,眼角瞥見面前兩個身影,出現喺阿公只有數步距離。
阿公並無理會,繼續燃起打火機,但打火機突然失靈,燃起嘅火苗好似一下子被人吹熄一樣。
「乖,唔好玩,一陣我哋慢慢傾。」
講完呢句之後,終於成功將香燭燃起,阿公抬頭一望…
見到兩個小朋友,倒吊企喺天花板,全身皮膚焦黑,雙眼充血,企咗喺阿公面前。
「你兩個百厭仔,唔使嚇我喇,我係嚟幫你哋。」
兩個小朋友靈體知道阿公可以見到佢哋之後,表現非常雀躍,喺走廊四處奔跑,一時消失於牆壁之中,從另一單位走出嚟,一時又喺牆壁上跳來跳去。
阿公解釋,點解有靈體可以穿牆,有啲靈體又唔會。其實同靈體能量大小無關,並唔係冤氣重能量大嘅靈體就做到更多特異功能。
當一個靈體長期停留喺同一空間,周圍空間沾滿能量殘餘,靈體亦有可能做到穿越牆壁。更簡單去解釋,就當靈體係濃煙,當彌漫整個空間之後,無論房間、客廳、浴室都有濃煙嘅氣味,靈體可以選擇喺任何空間現身。
亦證明咗眼前嘅兩個靈體,已經住喺呢棟大廈好多年。阿公靠住香燭微弱嘅光線慢慢行入走廊,深入其中,同靈體進行溝通。
人懼怕黑暗,其實真正害怕嘅係「未知」。
阿公走入其中一個無上鎖嘅單位,又見到另一個靈體,係一位老太婆,佢坐咗喺客廳一張被人遺留嘅舊木椅上,兩個小朋友靈體走到老太婆身後。
「點解你哋要留喺度?」阿公問。
「因為我想等個仔返嚟。」
「據我所知,你個仔已經移咗民…」阿公停頓咗一陣,決定將真相話畀老太婆聽:「我諗佢唔會返嚟…」
阿公對眼前三個靈體毫無戒心,因為佢哋唔存在半點怨氣,特別係老太婆,佢心裡中有愧未能悉懷,令佢至今仍無法投胎。
阿公同老太婆耐心傾談,佢知道只要可以說服老太婆,兩個小朋友嘅靈體都會跟隨佢一齊投胎。
1950年至1970年間,中國人民為逃避共產黨管治紛紛偷渡嚟香港。大量難民湧入香港之後,由於身上無身份證明文件,只能喺大廠入面做一啲勞力苦工。
1967年,香港經濟慢慢恢復,隨處可見大型工廠,人民生活漸漸變得穩定。同一時間,支持共產主義嘅愛國勢力,亦成立為工人發聲嘅「工聯會」。
由於當年很多工人都得唔到應有嘅勞工保障,其中一間人造花廠以極之嚴苛嘅條件對待工人,於是引發一場勞資糾紛。
工人要求與廠方談判,但廠方並無理會,工會亦趁呢個機會加入,不單發起遊行,亦煽動工人張貼毛主席語錄,封路阻止工廠貨車出貨。
由於工廠管工同示威人士發生打鬥情況,警方介入制止混亂,過程有拘捕多人,亦有多人受傷。
抗爭並未有因此而結束,反而急劇惡化,由一場勞資糾紛,演變成中英兩國角力。有示威工人街頭襲擊警察被射殺,街上亦出現真假土製炸彈嘅恐慌。
根據統計,1967年暴動一共發現約八千個懷疑土製炸彈,有一千個確實真炸彈。呢個無差別攻擊,造成警察、示威者、平民都有被炸死個案。
老太婆係一名單親媽媽,有三名子女,一個大哥哥,仲有一個妹妹同弟弟。而喺大廈內嘅兩姊弟靈體,就係土製炸彈嘅受害者…
當日,哥哥留咗屋企做功課,弟弟妹妹就落咗街玩。弟弟喺街角發現一個用顏色筆畫咗卡通圖案嘅紙袋,好奇心驅使之下,弟弟走過去拎起個紙袋,發現裡面裝住一塊好重嘅物件。
弟弟二話不說拆開紙袋,想將入面嘅物件倒出嚟,亦因為咁,引爆咗土製炸彈,兩姊弟當場被炸死。
當時哥哥聽到爆炸聲,往窗邊探頭一望,四周人群從遠處圍觀,路旁躺著兩個焦黑色嘅人形。哥哥一眼就認出係自己嘅弟妹,於是立即跑落街,救護車趕到現場,將三姊弟送到醫院。
呢件事成為哥哥人生嘅陰影,當年佢只得九歲。傷心過度嘅母親亦因為咁患上非常嚴重嘅情緒病,病發時會將屋企搗亂,掟爛晒所有嘢,咒罵哥哥係殺死弟弟妹妹嘅兇手。
儘管家庭變得支離破碎,但哥哥依然咬緊牙關,獨力照顧母親。
多年後,母親身體狀況變差,生活無法自理,某一晚,哥哥多年抑壓嘅壓力就好似炸彈一樣,全部爆發。
哥哥先將浴缸放滿水,再抱起坐輪椅嘅母親放入浴缸。用手輕輕將母親頭顱壓入水中,母親喺水中劇烈掙扎,喺浴缸底留下指甲挖痕。
阿公聽完老太婆一家人嘅故事之後深感同情,事件已經發生到如此地步,唯一可以做嘅,希望老太婆同兩姊弟可以安息。
阿公答應老太婆,會盡力搵到佢兒子,將老太婆最後嘅遺言傳達。
而老太婆嘅遺言非常簡單:
「對唔住,多年嚟要你承受咁多,辛苦了。」
說畢,阿公成功幫老太婆及兩位小朋友做投胎儀式,東亮亦放心叫女友入住單位展開同居生活。
點解阿公會突然同我講起呢個故事?!因為佢前幾日去咗東亮嘅婚宴,東亮老婆好奇點解東亮會認識一個年紀咁大嘅朋友,東亮只係一笑置之,無同老婆講:「因為阿公幫我捉過鬼!」
幫助靈體達成遺願亦係道士嘅工作之一,你怕鬼會害你所以去消滅佢,鬼同樣亦會對你產生敵意。
人與人之間交流亦一樣,當你看待對方為敵人,對方亦會對你產生敵意。
「阿公我明啊!當政府同警方開口埋口都暴徒、曱甴,咁市民亦會對佢哋產生敵意。」
阿公亦有同我提過最近香港發生嘅事件,佢明白到發生所有事情都係因果關係。歷史在不斷重演,1967年嘅抗爭起因,同現時香港嘅抗爭如出一轍,持權者無視大眾訴求,演變成不可逆轉嘅狀況。
但不同嘅係,1967年土製炸彈無差別襲擊造成人命傷亡,亂刀斬死警務人員,伏擊並用電油燒死電台DJ林彬…因為行為過激,維持八個月嘅抗爭喺得不到大眾支持下落幕。
呢個世界並不存在完全正確或完全錯誤。
當一個普通市民,變成某些人口中嘅暴徒,一定有箇中原因。唔去分析起因,卻去判定結果,永遠不能睇清事件全貌。
「咁最後你搵唔搵得返老太婆個仔。」我。
「事後我查到地產經紀講大話,老太婆個仔根本無移民,而係去咗坐監,所以我去咗監獄探佢。佢話坐咗監咁耐,從來無人探佢…多年來一直照顧母親,令佢連一個朋友都無。」
呢個時候,我終於察覺到不對勁!阿公今朝飲完茶,就話要帶我去一個地方…
「阿公,請問一下,我哋坐呢架車係去緊……」
「無錯,去緊監獄,我介紹個朋友你認識。」
任何事總有代價,聽阿公講故,代價就係要跟佢去探監。
(完)
*喜歡阿公,請花半秒like & share*
《阿公講鬼3》小說已經推出!
助養連結:https://bluegodzistore.boutir.com/
***********
***繁中華語版***
***********
很多人都誤會,道士就等如靈異界的殺手。但其實與其說道士是殺手,倒不如說他們是談判專家更貼切。瞭解靈體的需求,再幫他們達成心願,是道士最應該做的事。
「家」如「國」,整理家庭跟管理國家一樣,當一個國家或城市要提升形象,要消滅的不是乞丐,而是貧窮。不是要殺光流浪狗,要改進的是教育。
當阿公到了東亮發現靈體的樓層,由於走廊窗戶被木板封住,亦長期沒人居住,四周濃厚陰氣彌漫。阿公早有準備,將家中神壇用來插香燭的泥土拿出來,在地面上鋪設一塊黃布,再將泥土堆起,插上三支香,作用在於將陰氣驅散。
當阿公用打火機燃點香燭,『嚓』一聲冒出火光,眼角瞥見眼面有兩個身影,出現在阿公只有數步的距離。
阿公並沒有理會,繼續燃起打火機,但打火機突然失靈,燃起的火苗好像一下子又被人吹熄了一樣。
「乖,別鬧了,等一下我們慢慢聊。」
說完這句之後,終於成功將香燭燃起,阿公抬頭一看…
他看到兩個小孩,倒吊站在天花板,全身皮膚焦黑,雙眼充血,站在阿公面前。
「你兩個不用嚇我了,我來幫你們的。」
兩個小孩靈體知道阿公看得見他們後,表現非常雀躍,在走廊四處奔跑,一時消失於牆壁之中,從另一單位走出來,一時又在牆壁上跳來跳去。
阿公解釋,為何有靈體可以穿牆,有些靈體不會呢?其實跟靈體能量大小無關,並不是冤氣重能量大的靈體就能做到更多特異功能。
當一個靈體長期停留在同一空間,四周圍都沾滿了能量殘餘,靈體亦有可能做到穿越牆壁。更簡單去解釋,就把靈體當成濃煙,當彌漫整個空間之後,不論房間、客廳、浴室都有濃煙的氣味,靈體也可以選擇在任何空間現身。
這亦證明眼前兩個小孩靈體,已經住在大廈很多年。阿公靠著香燭微弱的光線慢慢走進走廊,深入其中,與靈體進行溝通。
人懼怕黑暗,其實真正害怕的是「未知」。
阿公走入其中一個沒有上鎖的單位,看到另一個靈體,她是一位老太婆,她坐在客廳一張被人遺留的舊木椅上,兩個小孩靈體走到老太婆身後。
「為什麼你們要留在這裡?」阿公問。
「我想等我兒子回來。」
「據我所知,你的兒子移民了…」阿公停頓了一陣子,決定把真相告訴老太婆:「我想他應該不會回來了…」
阿公對眼前三個靈體毫無戒心,因為他們不存在半點怨氣,特別是老太婆,她心裡中有愧未能悉懷,才令她至今仍無法投胎。
阿公跟老太婆耐心傾談,他知道只要可以說服老太婆,兩個小孩靈體亦會跟隨他一起投胎。
1950年至1970年間,中國人民為逃避共產黨管治紛紛偷渡來香港。大量難民湧入香港之後,由於身上沒有身份證明文件,只能在工廠內做一些勞力苦工。
1967年,香港經濟慢慢恢復,隨處可見大型工廠,人民生活漸漸變得穩定。同一時間,支持共產主義的愛國勢力,亦成立為工人發聲的「工聯會」。
由於當年很多工人都得不到應有的勞工保障,其中一間人造花廠以極之嚴苛的條件對待工人,於是引發一場勞資糾紛。
工人要求與廠方談判,但廠方並沒理會,工會亦趁這個機會加入,不單發起遊行,亦煽動工人張貼毛主席語錄,封路阻止工廠貨車出貨。
由於工廠管工跟示威人士發生打鬥,警方介入制止混亂,過程有拘捕多人亦有多人受傷。
抗爭並未有因此而結束,反而急劇惡化,由一場勞資糾紛,演變成中英兩國角力。有示威工人街頭襲擊警察被射殺,街上亦出現真假土製炸彈的恐慌。
根據統計,1967年暴動一共發現約八千個懷疑土製炸彈,有一千個確實真炸彈。這個無差別攻擊,造成警察、示威者、平民都有被炸死個案。
老太婆是一名單親媽媽,有三名子女,一個大哥哥,還有一個妹妹和弟弟。而在大廈內的兩姊弟靈體,就是土製炸彈的受害者…
當日,哥哥留在家裡做功課,弟弟妹妹跑到街上玩。弟弟在街角發現一個用顏色筆畫了卡通圖案的紙袋,好奇心驅使之下,弟弟走過去拿起紙袋,發現裡面裝住一塊很重的東西。
弟弟二話不說拆開紙袋,想將裡面的東西倒出來,就這樣引爆了土製炸彈,兩姊弟當場被炸死。
當時哥哥聽到爆炸聲,往窗邊探頭一看,只見四周人群從遠處圍觀,路旁躺著兩個焦黑色的人形。哥哥一眼就認出他們是弟妹,於是立即跑下去,救護車亦趕到現場,將三姊弟送到醫院。
這件事成為哥哥人生的陰影,當年他只得九歲。傷心過度的母親亦因為這樣患上非常嚴重的情緒病,病發時會將屋企搗亂,砸破家裡的東西,咒罵哥哥是殺死弟弟妹妹的兇手。
儘管家庭變得支離破碎,但哥哥依然咬緊牙關,獨力照顧母親。
多年後,母親身體狀況變差,生活無法自理,某一晚,哥哥多年抑壓的壓力就像炸彈一樣,全部爆發。
哥哥先將浴缸放滿水,再抱起坐輪椅的母親放進浴缸。用手輕輕將母親頭顱壓入水中,母親在水中劇烈掙扎,在浴缸底留下指甲挖痕。
阿公聽完老太婆一家人的故事後深感同情,事件已經發生到如此地步,唯一可以做的,就是希望老太婆跟兩姊弟可以安息。
阿公答應老太婆,會盡力找到她兒子,將老太婆最後的遺言傳達。
徘徊人間多年,沒想到老太婆的遺言非常簡單:
「兒子啊,對不起,多年來要你承受這麼多,辛苦了。」
說畢,阿公成功幫老太婆及兩位小朋友做投胎儀式,東亮亦放心叫女友入住單位展開同居生活。
為何阿公會突然跟我講起這個故事?!因為他前幾天去了東亮的婚宴,東亮老婆好奇為何東亮會認識一個年紀這麼大的朋友,東亮只是笑笑回應,沒跟老婆說:「因為阿公幫我捉過鬼!」
幫助靈體達成遺願亦是道士的工作之一,你怕鬼會害你所以去消滅他,鬼同樣亦會對你產生敵意。
人與人之間交流亦一樣,當你看待對方為敵人,對方亦會對你產生敵意。
「阿公我明白!當政府和警方開口閉口都暴徒、蟑螂,那市民亦會對他們產生敵意。」
阿公亦有跟我提過最近香港發生的事件,他明白到發生所有事情都是因果關係。歷史在不斷重演,1967年的抗爭起因,同現時香港抗爭如出一轍,持權者無視大眾訴求,演變成不可逆轉的狀況。
但不同的是,1967年土製炸彈無差別襲擊造成人命傷亡,亂刀斬死警務人員,伏擊並用電油燒死電台DJ林彬…因為行為過激,維持八個月的抗爭在得不到大眾支持下落幕。
這個世界並不存在完全正確或完全錯誤。
當一個普通市民,變成某些人口中的暴徒,一定有箇中原因。不去分析起因,卻去判定結果,永遠不能睇清事件全貌。
「那最後你找到老太婆的兒子嗎?」我。
「事後我查到地產經紀說謊,老太婆兒子根本沒有移民,而是去了坐牢,所以我去了監獄探他。他說坐了這麼久,從來沒人探他…多年來一直照顧母親,令佢連一個朋友都沒有。」
這個時候,我終於察覺到不對勁!阿公今早喝完茶,說要帶我去一個地方…
「阿公,請問一下,我們現在去哪……」
「無錯,去監獄,我介紹個朋友你認識。」
任何事總有代價,聽阿公講故,代價就是要跟他去探監。
(完)
*喜歡阿公,請花半秒like & share*
《阿公講鬼3》小說已經推出!
助養連結:https://bluegodzistore.boutir.com/
兇宅介紹 在 藍橘子 Facebook 的最讚貼文
每個人都會有自己生存意義。
買樓,已經成為絕大部分香港嘅生存意義!
所以我細細個已經將利是錢儲起黎投資買樓。
小學喺學校做分拆零食生意,買一包薯片分十份,再賣畀同學。中學搞租借漫畫game碟生意。
大學?!Sorry,我考唔入大學…不過唔緊要,做大學生都係想搵份好工,最終目標都係買樓啫。
皇天不負有心人,今年啱啱踏入32歲,儲咗30年錢,我終於都儲夠首期做業主喇!
我又有女朋友,又有樓,仲唔係人生贏家?!
但估唔到…我只係想正正常常買樓,都要畀人呃!
事源係我同女朋友走晒港九新界十八區,搵吓有冇平靚正嘅樓盤。
終於畀我搵到間寫住『業主求死』『業主移民火星急售』嘅樓盤,我就立即衝入去地產公司問下啦
「你好!我叫Adam!有咩幫到你?」
「我想睇火星急走個盤…」我。
點知,經紀Adam話呢間賣咗,嗰間又話個價唔Update,又話業主去咗旅行無鎖匙。
幾乎全部擺喺店舖面嘅都係假嘅。
「咁究竟你地幾時先肯update ?」我。
「你好急咩?」Adam。
「唔係急唔急嘅問題,但你話個盤上年已經賣咗,咁你仲貼出黎?你以為係身份證啊?」
「咩身份證?」Adam。
「即係你4、50歲,身份證個死人樣仲係18歲啊!」
「嗱…先生我都好明白你感受,呢度有個盤,業主真係好急放,即時有得睇樓,你睇唔睇?」
「睇啊!」
我見佢三房兩廳,賣緊半價。梗係立即衝去睇啦!點知一上到去已經覺得陰風陣陣,入到屋仲有陣陣藥水味…
「呢度…係咪唔乾淨?」我。
「乾淨!你睇吓,一塵不染。」Adam。
「但我想問間房仲貼住啲符咩係意思?」
「你睇錯喇!宣傳單張啫,哈哈哈。」
「張宣傳單張寫住『勒令五雷轟頂』喎…」
「賣電器啩,無事嘅。」經紀一手就撕咗道符。
「咁一直跟住你背後嗰個女人呢?佢得對腳咁企喺度又係咩原因?」
「嘩!妖!」Adam聽見我咁講,立即原地轉圈,再靈童上身咁大力踩地,唸唸有詞…
好明顯,呢間係兇宅黎…
十分鐘後,Adam終於表演完齊天大聖上身。
「請問你驅完鬼未?」我。
「呃…其實係咁嘅,死者由天台跳落黎,上半身卡喺20樓,下半身先卡喺呢個單位嘅窗口,都唔算兇宅黎丫~」
「我唔想同你爭論,我地去睇第間吧啦!」我。
「嗱,我好明白你心情嘅。不過老實講吖,你呢個價,同區真係做唔到畀你。」Adam。
「咁去第二區囉。」我。
「得!無問題!」
之後,經紀Adam帶咗我去一個超舊式唐樓區,我頓時好似返左六十年代咁…
「呢啲樓仲老過我太爺,點住啊…」我。
佢湊埋我耳邊,輕聲同我講:「靜靜雞話你聽,國家級機密,呢度會重建!好有升值潛力㗎!」
我深信Adam講嘅「國家級機密」,就好似話船公司有內幕消息知道幾時掛八號風球一樣,假到無人有。
我嘆一口氣:「其實我儲咗咁多年錢,想買個安樂窩啫。我唔係想炒樓,我唔恨發達啊,我想有個家庭咋!你畀埋啲假樓盤我睇,到底呢個世界仲有咩係真實㗎?!」
Adam全身顫抖,流咗滴眼淚:「對唔住,其實我作為香港人,都好明白你心情。市面上真係好多專賣影子盤嘅地產公司。」
說畢,佢撕開自己件衫,大嗌:「不過,由今日起!我決定要棄暗投明,重新做人!」
「多謝你咁誠實…但我想買樓,咁應該點做?」
「嗱,你去隔籬利嘉閣睇吖,佢哋承諾所有盤都係真盤源!」
經紀話只要去到利嘉閣搵一個叫Kevin嘅人,自然會幫到我。
估唔到真誠真係可以打動人,第日我照住經紀畫畀我嘅地圖,去利嘉閣搵一個叫Kevin嘅人。
點知…
「乜係你啊?!」我撞返尋日個經紀。
「你好。我叫Kevin,請問有咩幫到你?」自稱係Kevin嘅Adam好似唔識我咁向我自我介紹。
「你唔係叫Adam咩…」
「我咪講咗囉,我已經重新做人、棄暗投明喇,我而家嘅身份係利嘉閣Kevin。
.
街外咁多影子盤,如果想揾真盤、唔想再撞板嘅,可以去:https://goo.gl/7x3hCA 睇吓啊!」
兇宅介紹 在 RagaFinance財經台 Youtube 的精選貼文
Raga Finance:「金融案內所」 第三集:地產從業員的誕生、辛酸史 (第二節)
第二節:https://youtu.be/eO4El4HSBWM
主持:Danny、小兵
嘉賓:Jean Jean
快訂閱 RagaFinance Youtube Channel,收看最爆財經評論
https://www.youtube.com/c/RagazineFinanceVideo
#地產經紀 #兇宅介紹 #工商舖經紀
兇宅介紹 在 「絕非凶宅…」介紹卻像鬼屋歷險房仲賣屋暴紅 - YouTube 的推薦與評價
這樣的房子你敢住嗎?新北市一棟要出售的透天厝,因為三十年沒人住,荒廢的像鬼屋,房仲乾脆逆向操作,拍出和平常不一樣的屋況照,還把 介紹 寫成像是 ... ... <看更多>
兇宅介紹 在 宗宸法律/地政士事務所Polaris Law Firm 的貼文 的推薦與評價
日前有一名冷氣工摔落防火巷,鄰居因擔心房屋變凶宅拒絕借道,冷氣工送醫搶救仍死亡。 ... 這次,就讓我們來簡單介紹一下「凶宅」及「非凶宅」究竟如何區分,以及法院 ... ... <看更多>