【 許廷鏗首度主持ViuTV節目《AH佛真.惜玩》 】
_
東京奧運閉幕後,三家電視台的中文頻道(77台、81台、99台)回復正常節目播放,當中ViuTV更一口氣推出四綫新節目,包括兩綫韓劇《延遲的正義》(20:30)、《逆轉時機》(21:30)、《AH佛真.惜玩》(22:30)以及《 #海陸勁技場》(23:00),當中尤以「牙佛」許廷鏗(Alfred)做主持的綜藝節目兼真人騷《AH佛真.惜玩》最有睇頭 ── 這是Alfred自年初約滿華納唱片獨立發展後 (https://bit.ly/3jFmF3E) ,首個在免費電視台擔正的節目,為此他碌盡「人情卡」,邀請不同嘉賓傾下玩下笑下,每集更會接受不同挑戰,務求跳出Comfort Zone。
_
Alfred上周一(2/8)出席在深水埗「WSNXT」節目錄影之前接受訪問時,透露當初為何會有《AH佛真.惜玩》,他指出一切源於,去年擔任《全民造星III》的評判之後,獲ViuTV製作部副總裁金廣誠邀請參與拍攝這個新節目,「佢覺得我講嘢好,其實我從來都唔覺嘅,但我記得佢講過話,佢覺得我喺《造星III》做評判嘅時候,有啲部份都有啲Insight(見解)可以畀到一啲觀眾。」
_
不止金生,就連《全民造星IV》監製「花姐」黃慧君也這樣認為。「佢都有講過啲類似嘅說話,佢話我喺人生觀上面,可以畀到參賽者一啲諗法,當然我都係唱歌比賽出身,對呢方面可能會熟悉啲,但佢話我可以係一個小小嘅人生導師,但坦白講,我都係學緊嘅階段,同大家一樣,我喺呢個節目入面都學咗好多嘢!」
_
以第一位嘉賓賈思樂(Louie Castro)為例(第1-2集亮相),他是昔日金廣誠於無綫電視《歡樂今宵》年代的其中一位工作伙伴,轉眼間他已由《少年十五二十時》(1976)的二字頭小伙子,變成今時今日已屆66歲的「爺爺級」大前輩了,「我本身就唔認識嘅,但金生話:『你同佢玩啦,Louie佢好玩得㗎!』嘩,玩起上嚟,佢真係癲過我!佢係有一種好童稚嘅青春喺入面。」到底有幾癲?Alfred用一個簡單例子說明。「我同佢玩小型賽車,總之最簡單講就係佢贏咗我囉,哈哈!」
_
Alfred坦言,Louie在拍攝期間絕不留力,「當佢要玩一啲合作嘅遊戲,係佢教我點樣做,同埋點解今日我要送《青春頌》畀佢,點解係呢首歌?因為我係拍完之後先知,成個節目佢都冇化妝,完全冇老態,甚至皮膚狀態係年輕㗎啦,我同佢企到咁近,我都覺得點解佢啲皮膚可以好到咁,佢就話:『都要保養下嘅!』但對於我嚟講其實係心境,所以冇乜歲月嘅痕跡喺度,我係有少少見到,如果我去到佢嘅歲數,都仍然可以咁開心咁自在咁快活,都幾好。」
_
值得留意的是,今晚(10/8)播出的第二集《AH佛真.惜玩》裏,Alfred需要和賈思樂參與AR遊戲,又要接受跳柱挑戰,他認為後者是今次拍攝節目的過程中一個「絕大衝擊」。「呢個其實係一個懲罰環節,就係當我喺限時之內完成唔到呢個Task,我喺現場就見到好大嘅一碌柱,(製作組)叫我要爬上去碌柱度,仲要跳出去捉住一個好似空中飛人咁嘅扶柄,(距離)都有啲遠,但我真係搞唔掂,要近啲,不過坦白講,我都唔知有呢個部份,就膽粗粗戴住個頭盔,你知ViuTV好鍾意咁,頭盔上面又有GoPro,之後我又要爬上去,又要跳,對我嚟講係癲嘅,但更癲嘅位係咩呢,之後佢哋同我講番,就算我贏咗,個獎勵都係同一件事。」
_
他承認性格使然(金牛座),很多時給予外界一種所有事情都要「Under Control(在控制範圍內)」的感覺,但此節目正好打破這種幕前設定,令自己踏前一大步,「原來有啲嘢,唔Control嘅效果係仲好!(衝擊是)原來當我冇心理準備,去到嗰啲位,而要挑戰自己做一啲未做過嘅嘢,真係會驚,就算真係安全,我係唔係要同你博?即係心入面都有呢啲交戰,但真係拍完,做完呢Part,又真係成功到,賈思樂真係同我講:『I’m So Proud of You!』,因為畀著係佢,佢都會驚。」
《AH佛真.惜玩》節目預告:https://bit.ly/3lVmfsJ
緊貼「游大東影視筆記」最新資訊:
▇ facebook專頁: 游大東【鴻鵠志-影視筆記】
▇ instagram: instagram.com/yautaitung
▇ MeWe專頁: mewe.com/p/yautaitung
▇ Telegram:https://t.me/yautaitung
▇ Medium:https://yautaitung.medium.com
_
(10082021)
_
#游大東影視筆記 #游大東 #許廷鏗 #賈思樂 #金廣誠 #花姐 #ViuTV #ah佛真惜玩 #全民造星IV #東京奧運 許廷鏗 Alfred Hui ViuTV 做乜膠睇電視 港人講電視 WSNXT
同時也有1部Youtube影片,追蹤數超過5,350的網紅Sailor Candy Ng,也在其Youtube影片中提到,...
免費電視99台 在 King Jer 娛樂台 Facebook 的最佳解答
2020東京奧運曲終人散!今屆港隊創佳續,談論度亦非常高,更破天荒有三間免費電視台播賽事:77台、81台同99台,大家覺得邊台做得最好?
免費電視99台 在 Facebook 的最佳解答
【 東京奧運/開電視最大弱點變成最強賣點 】
政府以公帑購入今屆奧運直播權,令香港三家免費電視台(無綫電視、ViuTV、香港開電視)能破天荒同時免費直播,內容一樣,收視如何?
參考無綫於周一(26/7)公布的最新一期黃金時段直播收視報告,7月23日晚上舉行的「東京奧運開幕典禮」,三台收視如下:
🔴 香港開電視(77台)《東京奧運開幕典禮》(18:30開始)1.3點
🔵 翡翠台(81台)《2020東京奧運開幕典禮全情READY!》(18:00 - 18:30)3.8點
🔵 翡翠台(81台)《2020東京奧運開幕典禮》(19:00開始)14.2點
⚪ ViuTV(99台)《奧運有得揀》(18:00開始):5.3點
至於由上周六(24/7)及周日(25/7)的賽事直播收視如下:
🔴 77台《開電視睇奧運》(20:00開始)2.2點
🔵 81台《2020東京奧運黃金戰報》(19:00開始)13點
⚪ 99台《奧運有得揀》(18:30開始):4.1點
🔴 77台《開電視睇奧運》(20:00開始)2點
🔵 81台《2020東京奧運黃金戰報》(19:00開始)11.6點
⚪ 99台《奧運有得揀》(18:30開始):3.7點
表面上頭三天直播都是81台奪冠,惟直接以數字比較,絕對是慘勝,播自家內容 ── 周一至周四(19/7 - 22/7)晚上八時播出《愛.回家之開心速遞》可以去到22.8點,周五直播開幕禮立即插水,只剩14.2點,足足急跌8.6點,去到周末更貼近個位數,相當難睇,換句話講,在三台播出的內容一樣時,無綫昔日優勢已全失,加上周一(26/7)張家朗奪金牌之後爆出「陳約臨事件」,台前幕後承受更大壓力。雖然大台公布指81台直播張家朗出戰「男子花劍個人決賽」的收視有20.2,摘金一刻升至21.1點,但這場公關災難的後遺要到下周一(2/8)出爐的收視報告才有分曉。
事實上,看了幾天奧運直播之後,不同頻道的觀感各異;
🔴 香港國際財經台(IBC/76台)──
主力播放非熱門賽事,特定直播時段才會提供雙語廣播
🔴 香港開電視(77台)──
以有線電視團隊作為基礎,全天候直播,主打港隊及中國隊賽事
🔵 翡翠台(81台) ──
以港隊及中國隊賽事為焦點,主打熱門賽事,亦會播放滑板、BMX單車等偏門賽事
🔵 J2(82台)──
以港隊及中國隊賽事為焦點,大包圍直播
⚪ ViuTVsix(96台) ──
是為ViuTV的主力直播頻道,附設now SPORTS頻道廣東話旁述
⚪ ViuTV(99台) ──
播放時間短,播放港隊及中國隊焦點賽事,部份熱門項目亦會直播
正因為有得揀,所以會不停轉台,發現J2整體觀感最差,因為無綫直播時,仍然沒有拋開「綜藝思維」,硬要安排藝員充撐場面,太過嘈吵,而且為避免Dead-air,總是出現藝人講廢話的問題,不認識卻不做功課,聽得出「條友真係唔識㗎喎」,連帶專業評述員的水平亦被拉低,令他們變成「藝員」,影響收看情緒。實際例子:周二(25/7)看男子10米氣步槍決賽,美國William Shaner拋離第二位中國盛李豪都成兩分,結果前者得到金牌,雖然盛李豪最後一槍射到10.8環,但William都有10.2環,結果有人說:「盛好勁,但William都唔差!」── 咁講嚟做咩?不如出少句聲!
反觀香港開電視,製作資源明顯輸蝕,畫面乍看有強烈亞視影子,但他們知道如何善用平台優勢:平時77台自家製作不算多,於是在奧運期間索性變成全天候直播,除了新聞時段和兒童節目時段,所有時間都改播奧運賽事,完全大包圍,相比無綫和ViuTV,香港開電視沒有藝人這張花紙包裝,只能夠主打專業評述、分析和獨家訪問,主持合作度高,資料詳盡、充足而有用,觀眾明白賽事規則,睇完有嘢落袋,結果成功將頻道平時的最大弱點,變成最強賣點,以蔗渣價錢,造出燒鵝味道,所以絕大部份時間都會選擇看77台,96台次之,沒辦法下才會看無綫。
有三個例子足見香港開電視今次直播水準高:(1)張家朗摘金後,獲安排與1996年奧運金牌得主李麗珊世紀對話(https://bit.ly/3C000Y5 );(2)「蛙后」江忞懿在直播泳賽後解釋,原來奧運比賽有規例,泳手下水後必須在池邊對出15米內上水,否則犯規;(3)在周五(30/7)直播何詩蓓出戰女子100米自由泳決賽前,居然邀請多位何的前教練走進直播室,或透過視象會議講感受,包括孔志超、周子浩、崔瑋俊、陳漢業、張狄勇、趙善因、梁兆堅、黃文凱及Michael Fasching,這些心思觀眾絕對看得見,誰說競爭沒有用?請香港開電視的奧運製作團隊繼續努力。
另外讀者可透過下載iCable手機App、now E手機App以及now Player手機App,收看有線奧運601至605台,以及now SPORTS 601至609台播放的不同賽事;mytv SUPER app更幾乎百分百覆蓋所有奧運賽事,包括在無綫播出的旁述片段,以及由奧委會提供的原裝片段,並且分門別類上架。
🎖圖片由 香港開電視 Hong Kong Open TV 提供 🎖
【 延伸閱讀 】
無綫訪問張雁宜網傳Fake News
https://bit.ly/3iUbzqV
東京奧運開幕禮運動員進場經典遊戲組曲19首:
https://bit.ly/3BBtkUE
香港運動員IG足本名單跟住Follow :
https://bit.ly/3iLEs8F
緊貼「游大東影視筆記」最新資訊:
▇ facebook專頁: 游大東【鴻鵠志-影視筆記】
▇ instagram: instagram.com/yautaitung
▇ MeWe專頁: mewe.com/p/yautaitung
▇ Telegram:https://t.me/yautaitung
▇ Medium:https://yautaitung.medium.com
(31072021)
#游大東影視筆記 #游大東 #香港開電視 #TVB #VIUTV #東京奧運 #TOKYO2020 #何詩蓓 #張家朗 #江忞懿 有線電視 愛·體育 Yvette Man-yi Kong 江忞懿 香港"開"電視 關注組 做乜膠睇電視 丹尼爾 vs 陳恩能 港女講劇 港人講電視 So Yi Chun蘇伊俊 Lily Lee 李莉 01體育 體路 Sportsroad 體壹 Sportsoho 午夜翻牆 潘小濤 Now Sports 仙道彬手記
免費電視99台 在 Join - Facebook 的推薦與評價
免費電視 ViuTV 99台100萬二分感激你支持! ... 而家除咗透過電視99台,仲可以揀用電腦上網、用App睇ViuTV, 所以要計有幾多人睇,以後ViuTV就會用綜合收視反映收看實況 ... ... <看更多>
免費電視99台 在 台灣最便宜又合法的第四台在哪邊?每月99元看到爽(還能免費 ... 的推薦與評價
我家這邊的有線電視系統商的月租費510元,年繳6000元,收視頻道是傳統的頻道。到後面有一半以上的頻道,是平常不會想轉來看的。四季TV的APP頻道有針對頻道依賴性低的人 ... ... <看更多>
免費電視99台 在 免費電視99台 - YouTube 的推薦與評價
Including results for: 免費電視99台 Search only for #免費電視99台 ... 4月6日有得睇全新免費電視ViuTV 99台, 我哋早少少FREE部全新電視畀你! ... <看更多>