關於 兒童視力普查預約 ，我們在網路上蒐集到這些相關的討論、資訊與評價

👀兒童眼睛保健資訊分享👀
4歲記得報名 #學前兒童視力普查 #費用全免

宜家小朋友經常接觸平板電腦、手機、電視等等；好多家長都會擔心小朋友視力受影響，我哋都唔例外，所以當諾諾夠4歲我哋就報咗免費嘅學前兒童視力普查，由專業人士幫諾諾初步檢查眼睛健康，以下嘅資訊由健康院提供❤️希望幫到大家👍🏻

📌檢查當日請記得帶 #針卡 及 #兒童健康紀錄
（電話中應該備有小朋友出世紙電子版本）
登記後，姑娘會先用英文字卡為小朋友測試基本辨認能力；然後會戴上特製眼鏡，令小朋友只能使用單眼開始測試 #較遠距離視力 ，亦會用小工具及電筒等為小朋友檢查，整個檢查過程約10分鐘。

檢查將得知小朋友有無以下視力問題
弱視 （如忽視或影響視神經發展）
斜視（鬥雞眼）
較嚴重的屈光問題（如近視、遠視或散光）

但檢查不包括
色覺檢查 （即分辨顏色）
眼疾（如青光眼、視網膜病變等）
評估近視、遠視或散光的度數

🈸如何預約：使用兒童健康服務自動預約系統，即可預約（登記號碼等資料應該釘咗喺兒童健康紀錄入面）#疫情期間只限一位家長陪同

嚟緊諾諾重會去 #健康院 做 #言語評估 / #語音評估 ，如果大家都有興趣知多d詳情，請留言比我知，我再分享🙏🏻

祝各位小朋友都健康快樂成長💪

#兒童健康 #兒童健康檢查 #親子資訊分享
#諾諾

係停課日日宅在家嘅時候，小小豬做得最多就係睇圖書，加上又接觸多左網上學習，係用眼力多左之餘又少左戶外活動放鬆下眼睛，所以我地都好擔心佢對眼會出出地事(始終小小豬依家都開始發育期，近視度數都會好易極速加深嘛)，所以就帶小小豬嚟『香港護眼』詳細檢查一下。

驗眼對小小豬嚟講都唔係啲新鮮事，除左要滴眼藥水放大瞳孔依一個步驟係度極度驚慌尖叫之外，其他驗眼過程佢都好配合嘅。視光師全程都好細心又有耐性同小小豬檢查，而且每做一步驟都會同我詳細解釋佢嘅用意，所以我都好清楚驗眼成個程序。

除左一般兒童檢查之外，原來詳細的眼睛檢查仲包埋「光學生物測量(眼軸量度)」同埋「黃斑點結構掃瞄OCT」。原來控制近視加深最重要的指標是能否控制到眼球軸拉長，坊間好多都沒有做呢兩個檢查。不過為令眼睛檢查更全面，所以『香港護眼』就會為小朋友做埋，而且仲係首間護眼中心全線配備。

最後，經過檢查之後，發現小小豬嘅近視度數比半年前深左，一聽到我都有啲驚，不過視光師都話有可能係停課依半年眼睛用力多又少左休息，加上本身用緊嘅控制近視鏡片度數有出入，所以都有所影響嘅。但話分兩頭，佢話小小豬戴左Miyosmart作為控制近視都接近兩年，睇返佢嘅加深速度同度數都算係唔錯，整體上Miyosmart都係對小小豬有幫助嘅，所以配返副啱度數嘅近視控制鏡片就冇問題啦！

為左保護小朋友眼睛健康，及早預防近視加深，日本鏡片生產商『HOYA』除左安排今次小小豬嘅體驗之外，仲會贊助我地嘅朋友仔一半的檢查費，以HK$250預約到「香港護眼」進行「兒童全面眼睛檢查」（原價HK$500）。大家只要係7月24號或之前成功登記便可。有興趣嘅朋友仔可以按入連結預約啦--> https://bit.ly/2ZKjrBH （名額有限，額滿即止）

兒童全面眼睛檢查範圍(約1小時):
-詳細問症
-視力及屈光度數
-光學生物測量(眼軸量度)*控制近視加深的重要指標
-數碼拍攝眼底影像
-雙眼協調能力評估
-色覺普查
-眼內壓量度
-放瞳雙眼內外健康檢查
-黃斑點結構掃瞄OCT
-詳細報告
(*兒童於放瞳檢查後，約有四小時會感覺模糊及對光線敏感。)

Special Thanks
Hoya Lens HK
EyeCare HK 「香港護眼」

#兒童全面眼睛檢查