最近見到大家都好努力吹奏Newham，因為Newham出左間學校，入面出左好多「尖子」入左牛津劍橋，故事非常勵志、大家極度喜歡。
但我想講嘅係呢... 勵志故事永遠係代表谷底反彈，普通人跑步不是勵志故事，但蘇樺偉「行得比別人慢，但跑得比別人快」就是勵志故事。那是出污泥而不染、在腐朽之中化為神奇的故事。
所以，newham 作為這間尖子中學的搖籃... 處於谷底也是常識吧？
你想知該地區係點樣，人妻先生教你一個好方法：Google.
呃... 有點9up吧？咁我教多一招：睇People also ask. 大數據騙不了人，靚嘅地區嘅People also ask通常係問「Is xx rich/ posh?」，唔靚嘅就會係「Is xx poor?」，而地獄一點就會係「How deprived is xx?」。你睇問題就會心入面有答案。
Child poverty rate 係一個好重要嘅Index，因為呢度貧困兒童會有較大機會被黑社會看中，就會好似陳茂波咁「俾人用一毫子收買去帶白粉」，也很容易加入童黨，要麼被人欺凌要麼欺凌別人，不是香港那種「壞過凱婷」能夠比較的。
其他數據，我唔講啦，大家自己睇自己分析。
我想講嘅係，呢區係進步緊嘅，但呢啲治安同結構貧窮唔係一朝一夕就能改變的事情。如果大家係用「開荒牛」的心態入去同佢死過，絕對係無問題，你預左個區係雜嘅、打定輸數，隨時仲可能會覺得有驚喜添。我係唔想大家當左佢係九龍塘，買左樓住落先發現原來係「一脈相連九龍塘」，然後覺得生活欺騙了你。
Anyway啦，收一毫子幫人走粉走到做司長，係一個勵志故事。但唔好忘記，也只有這樣的一個做到司長，餘下的更多人一生還在走粉呢。
#你睇地產agent寫優點都淨係寫到交通方便同埋樓價會升
#你就知真係有幾多優點
#全個倫敦邊忽樓價會暴跌
#我講真嘅每區都有好地方也有壞地方
#但唔好出現期望錯配然後話英國好伏
#我住緊嘅都係出名差嘅區
#但唔緊要我做好左期望管理
#你自己知邊啲地方唔係你應該去的
#有冇睇過獅子王
#太陽照唔到嘅地方
#那不屬於我們的
#那就不要去了
全個倫敦邊忽樓價會暴跌 在 英國樓價持續下跌，軟著陸vs 大跌，邊樣機會大啲？ #英國樓市 的推薦與評價
... 價數據，英國 樓價 連續四個月下跌，而業主叫價亦變得謹慎。加上未來加息機會仍高，樓市下跌似乎不能避免。 究竟今次會係軟著陸，定係會大幅下滑？ ... <看更多>