啱啱呢個Weekend,喺港台電視32 拍伍家謙講《全港學界籃球馬拉松2019》。
好多人問我可以點睇返,以我所知Download RTHK Screen App,或者港台電視32會成日重播,搵嘢錄起佢,或者等呢個網遲啲會upload返:
http://etvonline.hk/web/sports/basketball/2019/index.html
學界馬拉松對我嚟講都算特別喇:
- 2001-2008年做球員
- 2015年做教練帶隊
- 2016年做比賽MC
- 2019年做電視直播評述
我個人都好鍾意呢個賽事,雖然由港灣道轉咗去荃灣體育館,但係其中一個特色無變,就係有 Pocari Sweat HK (Official) 咁多年贊助,所以咁成功。
大家快啲瘋狂翻睇支持啦,講完😎
同時也有1部Youtube影片,追蹤數超過5萬的網紅港。故 kongguhk,也在其Youtube影片中提到,一年容易又新年,2018年來到尾聲,我們《港。故》亦邁向第117集。過去一年,我們一共為大家報道了51個不同香港人的故事,當中有沒有哪一個感動過你?我們回訪了部分《港。故》主角,聽聽他們2019年的新年願望。 贏波一時,做人一世 「聖誕節唔可以走、新年假唔可以走、復活節假唔可以走,佢哋唔係入醫院...
全港學界籃球馬拉松 在 何振然 Elson Ho Facebook 的精選貼文
好多謝 #寶礦力水特 Pocari Sweat HK (Official) 邀請擔任 #全港學界籃球馬拉松2016 司儀。
呢個比賽對我嚟講都幾特別。八年前,潘志豪帶甲子年,我唯一一個A grade加入當年D2 冠軍嘅B grade 參賽,記得一場輸緊一分定唔知兩分,教練做咗個戰術畀我處理last shot,可惜嗰球摌籃入咗一半後「浪」返出嚟,最後輸波。
當年球員身份決賽就入唔到喇,估唔到今年自己有份帶隊參賽,仲以大會司儀身份參與決賽日,講吓波玩吓遊戲,別具意義,期望下年再見!
P.S. 多謝攝影師 Dickson Photography
#Pocari #Pocarisweathk
#為夢想流汗
全港學界籃球馬拉松 在 伍家謙 Facebook 的精選貼文
認唔認到邊個係我?呢份剪報,係我當年打全港學界籃球馬拉松嘅報道。
好記得,嗰場同對手由頭咬到尾,三、兩分上落嗰隻;而嗰場波最尾嘅一分鐘,我到而家,依然記得清清楚楚。
當時打和,對方進攻;我守波腳步慢咗,畀人一個單擋阻一阻,就眼白白睇住由我Mark嘅嗰個球員,係我面前入咗球三分波 – 仲淨番十幾秒。
當刻真係面都青埋:死喇,唔通輸我?冇晒暫停、又冇得諗咁多,硬住頭皮焗攻;嗰陣中學仔心態,要面、唔衰得(主要因為好多女同學睇住啦ok),心諗就算輸,都唔可以因為我做錯嘢而輸嘅!自己犯錯,就要自己搞番惦佢;最後一個攻勢,個波交到我手,諗都唔諗,三分線外起手 – 入咗!入完,已經差唔多完場。
終於追和!法定時間兩隊平手。全港學界籃球馬拉松嘅賽制,係上、下半場各十分鐘,打和嘅話就黃金入球定勝負(即係邊隊入一球先就為之贏),最後,我哋贏咗。超級戲劇性嘅一場波,個心情好似坐過山車咁,贏咗之後同隊友攬埋一舊大叫 – 就係大家見到嘅呢張相嘞。
之前喺專欄寫過、去學校講Talk亦都提過:同學仔,應該好好珍惜打學界比賽嘅日子。因為,喺學界賽場上嘅片段,無論係贏定輸,係笑定係眼淚,都會係你一生嘅回憶;大個之後你就發覺,能夠最無憂無慮咁打波嘅日子,其實就係得中學嗰幾年。老嘢如我,同班老同學聚舊,就幾乎次次都會將呢幾場波再提一次。嗰時學界賽事冇而家咁多,除咗分區學界賽同精英賽,就得番暑假嘅全港學界籃球馬拉松;雖則話後比賽時間短,但一日要打幾場,又雲集港九新界嘅校隊,所以真係好大挑戰。
我知有人會問,其實呢份剪報咩年份呢?係1999年,我中七嘅暑假;嗰次係我最後一屆代表學校打學界,份外難忘啦。嗰陣時,#全港學界籃球馬拉松 係由Pocari Sweat HK (Official)贊助嘅;早幾日見到朋友Post今屆賽事嘅相,原來佢哋而家仲贊助緊 - 由1994年開始,足足23年!好開心有機構會一直支持中學籃球;今日就係決賽日喇,大家都去港灣道室內運動場支持下啦! #為夢想流汗 #SWEATforDREAM
全港學界籃球馬拉松 在 港。故 kongguhk Youtube 的最讚貼文
一年容易又新年,2018年來到尾聲,我們《港。故》亦邁向第117集。過去一年,我們一共為大家報道了51個不同香港人的故事,當中有沒有哪一個感動過你?我們回訪了部分《港。故》主角,聽聽他們2019年的新年願望。
贏波一時,做人一世
「聖誕節唔可以走、新年假唔可以走、復活節假唔可以走,佢哋唔係入醫院,都要返嚟練波。」——協恩中學籃球教練任明敏(Dora)
或許就是這樣刻苦的訓練,造就了協恩籃球隊成為學界精英賽的「神之隊」,滿頭白髮的Dora,今年身兼訓導的工作,希望幫助更多學生在生命上有正面的態度,而在新一年她有這樣的盼望:「希望佢哋喺未來幾大賽事,都有一個好表現,能夠衛冕冠軍。」
告別天虹.教育夢
「對於天虹,簡直唔捨得到不得了,但係我決定去闖,有啲嘢就要放底。」——時任浸信會天虹小學校長朱子穎
朱校長在今年9月,轉換到新的跑道上,繼續為教育界作出貢獻:「希望政府新嘅資源,配合家長嘅想法,同埋我哋教育工作者應有嘅熱誠,希望我哋嘅孩子可以學得更好。」
長髮「爛仔」設計師
「我由細到大都係長頭髮,打扮吓、化吓妝,呢個係我個人獨特特色、形象。」——時裝設計師陳敏航(Akira)
在群育學校畢業的Akira,憑着個人大膽的創意、努力,成為別樹一幟的設計師和化妝師:「2019年希望喺街頭做一個完美嘅表演,畀各藝術家睇到,香港仲有少少位置可以容納我哋。」
無咗對腳的史泰龍
「我都係靠對手去完成賽事,好似電影中嘅史泰龍一樣,做不完、打不死。」——香港復康力量董事仇健明
因為感染食肉菌而截除雙腳的仇健明,從鬼門關逃出生天後,並沒有怨天尤人,反而更積極面對人生,在11月更成功挑戰斯巴達障礙賽:「2019年我嘅心願係希望做健身,操好自己嘅體能,着上一對刀片腳,去運動場跑我嘅人生馬拉松。」
我的「真空」老公
「愛唔係最重要,犧牲同責任先係最重要。」——植物人照顧者劉倩萍(Cindy)
為了照顧因中風而變成植物人的丈夫,Cindy賠上了自己寶貴的健康,患上癌症,她因為經濟原因,現時己停止做化療:「我希望唔好再有下一個我,因為我呢個故事,絕對唔係一個好聽嘅故事。」
緊抱我的小天使
「天使綜合症完全未聽過,呢一世都唔會好返。」——香港天使綜合症基金會創辦人Joson
愛女患上了罕見病,Joson兩夫婦由一開始逃避到接受,再慢慢成立病人組織,更推己及人,在12月1日,成功舉辦以「罕見病」為主題的博覽會,希望令更多同路人堅強地面對充滿挑戰的每一天:「我想勉勵傷健家庭,其實我哋唔一定係受施予嘅一群,只要我哋願意分享、付出,都可以對社會有好大貢獻。」
遲來56年的婚照
「能夠執子之手,無論佢健康與否,我哋都要照顧到老。」——年長護老者余國健
85歲的余伯伯和86歲的蕭婆婆跨越半世紀的愛情故事,感動了很多觀眾,亦令大家反思婚姻的意義。經過接近五年的等待,患上老人痴呆症的蕭婆婆,終於獲安排入住院舍,但余伯伯卻十分不捨這個老伴,幾乎每天都到院舍陪伴蕭婆婆,每個月總會接她回家住幾天:「希望政府真真正正做到關懷長者,做到老有所養,居家安老。」
今集《港。故》用7分鐘,跟大家一起細味過去一年部分精彩內容,希望為大家的2019年,注入滿滿的正能量。
-------------
《港。故》:東網每周專題習作,講故事、講香港人的故事,請關注《港。故》FB:http://bit.ly/oncckonggu_FB
Follow埋《港。故》IG,睇更多精彩靚相:http://bit.ly/oncckonggu_IG
![post-title](https://i.ytimg.com/vi/rUniF74mmuk/hqdefault.jpg)